Yoona 13:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Bitut si̱ nyia̱, “A̱tyoli nung, ka̱ a̱nia wa, ma̱ a̱ti̱tak bya ma̱nyin ba nang a na kwi bah. N chat a mun kwi mbwak nung na ma̱ng a̱pyia̱ nung ka mbeang!”

Yoona 13:9 Iomraidhean Croise

Matyu 27:24

Nang gwomna Bilatut ndi, nggu ma̱ a̱pyia̱ nggu mbyia̱ kyang nggu na nyia̱ a̱ni bah, a̱wot nang á̱niet ba nchat doot jhya̱ a̱ni, a̱ si̱ ta̱m á̱ si̱ bwuo nggu a̱sa̱khwot ma̱ a̱ka̱gbaa, a̱ si̱ nkwi mbwak nggu na a̱zaghyi á̱kpa á̱niet ka, a̱ si̱ nyia̱, “N byia̱ a̱ka̱ta da̱ a̱sok a̱tyu sang a̱bun nani bah, ku bwat nyin a̱ja!”

Yoona 13:10

Yesu si̱ bu nyia̱, “Ka̱ a̱yin ka̱n swuo, vam nggu hu ni̱ tyia̱ a̱za̱za̱rak wa. Á̱ bu si̱ mi̱n swuo nggu bah, ku myim á̱ kwi nggu a̱ti̱tak bya ma̱nyin mba. Mat a̱nia, a̱mgba̱m nyin nyi yet á̱za̱za̱rak á̱niet bya, kang ma̱ng a̱tyo nyiung.”

Yoona 13:8

A̱jawa Bitut si̱ nyia̱ ma̱ng Yesu a̱ni, “Kaai A̱tyoli, n si̱ mi̱n shim a mak khwi nung a̱ti̱tak bah!” Yesu si̱ ma nyia̱, “To, ka̱ a shim n si̱ nkwi ang a̱ti̱tak bah, a tyak a̱kwonu ang da̱ a̱vwuo nung; a byia̱ kyang ma̱ng a̱nung bah.”

Ibriniyawa 10:22

si̱ zi̱ shyei ma̱ sa̱t nat kpa̱mkpaan a̱zaghyi A̱gwaza ma̱ng fwuo nyiung, si̱ zi̱ nwuak fwuo da̱ nggu. Mat á̱ wa ka̱n ya̱sang a̱sok Kristi na da̱ a̱ka̱tuk a̱di̱dam nzi̱t wu, da̱nian na̱ ka jaat nzi̱t. A̱wot á̱ si̱ kwi nvam nzi̱t na ma̱ng a̱za̱za̱rak a̱sa̱khwot.

1 Bitut 3:21

A̱sa̱khwot a̱nia ku yet kidee ba̱ptisman ja. Ma̱nini ni̱nia san nyin, na̱ yet a̱si̱ kwi a̱lyuk mi̱ vam nia bah. A̱wot na̱ yet kidee nwuak shim hwa da̱ A̱gwaza neet mami a̱za̱za̱rak nfwuo. Na̱ san nyin mat doot Yesu Kristi ma̱ á̱niet ba̱ ka̱n kwi a̱ni.