Yoona 13:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ A̱jawa Bitut si̱ nyia̱ ma̱ng Yesu a̱ni, “Kaai A̱tyoli, n si̱ mi̱n shim a mak khwi nung a̱ti̱tak bah!” Yesu si̱ ma nyia̱, “To, ka̱ a shim n si̱ nkwi ang a̱ti̱tak bah, a tyak a̱kwonu ang da̱ a̱vwuo nung; a byia̱ kyang ma̱ng a̱nung bah.”

Yoona 13:8 Iomraidhean Croise

Matyu 16:22

Bitut si̱ khwop Yesu da̱ a̱beam. A̱ si̱ ta̱bat ngai ma̱ng a̱nggu nyia̱, “A̱tyoli, ku si̱ mi̱n mak mi̱ mak tyia̱ bah! A si̱ mi̱n mak swuo tangka̱i swuo a̱bung huni bah!”

Matyu 21:29

Á̱niet khwop nggwon wu si̱ nyia̱, ‘Kaai, n naat bah.’ A̱wot á̱ si̱ labeang bah, ka̱ si̱ shyak a̱di̱dam nka wu. Ka̱ si̱ nat ta̱m hu ma̱ a̱byin ka.

Matyu 26:33

Bitut si̱ nyia̱ ma̱ng Yesu, “Ku a̱mgba̱m á̱niet ba lak khwi ang hu, nung, n na mak kai ang ghwon bah!”

Matyu 26:35

Bitut si̱ nyia̱ ma̱ng a̱nggu, “Kaai A̱tyoli! Ku n na khwu wa da̱nian ang, n si̱ mi̱n mak fwuo lyen ang bah!” Ma a̱nia wa a̱mgba̱m á̱kum mman ta̱m ka si̱ nhyia̱.

Yoona 13:6

Nang Yesu ntat da̱ a̱vwuo Bitut a̱ni, a̱jawa nang Bitut nnyia̱ ma̱ng a̱nggu, “A̱tyoli nung, nwan wa na kwi nung a̱ti̱tak baa?!”

Yoona 13:9

Bitut si̱ nyia̱, “A̱tyoli nung, ka̱ a̱nia wa, ma̱ a̱ti̱tak bya ma̱nyin ba nang a na kwi bah. N chat a mun kwi mbwak nung na ma̱ng a̱pyia̱ nung ka mbeang!”

Yoona 3:5

Yesu si̱ nwuak gu shim nyia̱, “Yok, n tak ma̱ng a̱nwan a̱tsatsak a̱lyiat; ka̱ á̱ byin a̱yin ma̱ng a̱sa̱khwot ma̱ng A̱za̱za̱rak Ntswa bah, a̱ si̱ mi̱n nwuo Tyok A̱gwaza hu bah.

Nta̱m A̱yaata̱m 22:16

“ ‘A̱wot ma̱ninika, yihwa nang a fwuong? Doot, á̱ nyia̱ ang ba̱ptisman. A yei a̱lyoot A̱tyoli Yesu, gu kwi a̱ka̱tuk nyia̱ ang wu.’

1 A̱korontiyawa 6:11

Á̱ghyang á̱niet ma̱ nyin ku nyia̱ a̱nia mi̱ njen nang nyi ku nwai yet á̱niet khwi a̱ni. A̱wot á̱ si̱ kwi nyin. Á̱ si̱ jaat nyin, nyi si̱ tyia̱ za̱za̱rak. A̱gwaza si̱ bu tak kpa̱sai nang gu nkyiak nyin nyi yet á̱tsotswat á̱niet sang a̱bun a̱zaghyi nggu. Mat nyi yei a̱lyoot A̱tyoli Yesu Kristi, ma̱ng chet A̱za̱za̱rak Ntswa hu.

A̱fisawa 5:26

Da̱nian gu ka neap á̱niet khwi ba mbwak Tyok A̱gwaza; ba̱ yet á̱za̱za̱rak á̱niet nang gu jaat ma̱ng a̱sa̱khwot ma̱ng a̱lyiat nggu na a̱ni.

A̱kolosiyawa 2:18

Nyi yok shim a̱yin a̱ bat nyin a̱hyiak, a̱ si̱ tyiet nyia̱ ku yet ta hwa nyi ghyuai á̱pyia̱ nyin nyi kwok ntong a̱zaghyi a̱yaata̱m tswá A̱gwaza, á̱niet ba̱ ka li bah. Á̱niet tyiet bani, ba̱ ni̱ nyia̱ ba̱ byia̱ a̱tsatsak lyen mat ba̱ li a̱ma̱bwoi tazwa nkyang nani. A̱ka̱tuk nyia̱ mi̱ nfwuo mba wu tyei mba nang ba̱ ntam di̱ ma̱ a̱tan ta̱fwat.

A̱kolosiyawa 2:23

A̱tsak a̱lyiat, tangka̱i taada huni yet si̱ mumwang hwa di̱ li a̱tyubishyi. Mat ji̱ chat a̱tyubishyi a̱ kwan ba̱t, da̱nian gu ka tak kpa̱sai nang gu nnwuak a̱pyia̱ nggu da̱ a̱vwuo A̱gwaza. A̱wot ji̱ bu tak kpa̱sai nang gu nghyuai a̱pyia̱ di̱ khwi taada da̱ a̱kwonu A̱gwaza, ku di̱ tam ma̱ng neap vam a̱tyubishyi mi̱ chet. A̱mgba̱m ma̱ng a̱nia, tangka̱i taada huni beang a̱tyubishyi gu swuo chet a̱ka̱tuk nshyuo vam nggu wu bah.

Titut 3:5

a̱ si̱ san zi̱t, mat a̱tsotswat ta̱m nang zi̱ nnyia̱ wa a̱ni bah. Da̱ a̱kwonu a̱kya, mat fa̱k kunak gu hwa nang gu nsan zi̱t. A̱ si̱ san nzi̱t ma̱ng jaat nang gu jaat nzi̱t ma̱ng A̱za̱za̱rak Ntswa a̱ni. Da̱ a̱nia wa, á̱ si̱ mbyin zi̱t a̱ka̱feang á̱ si̱ nang zi̱t swuan swai.

Ibriniyawa 10:22

si̱ zi̱ shyei ma̱ sa̱t nat kpa̱mkpaan a̱zaghyi A̱gwaza ma̱ng fwuo nyiung, si̱ zi̱ nwuak fwuo da̱ nggu. Mat á̱ wa ka̱n ya̱sang a̱sok Kristi na da̱ a̱ka̱tuk a̱di̱dam nzi̱t wu, da̱nian na̱ ka jaat nzi̱t. A̱wot á̱ si̱ kwi nvam nzi̱t na ma̱ng a̱za̱za̱rak a̱sa̱khwot.

Tyai Á̱zanson 1:5

Byat hu si̱ bu neet da̱ a̱vwuo Yesu Kristi. Nggu wa yet a̱tsotswat a̱tyu a̱ nwuak sheda tazwa nkyang nani a̱ni. Nggu wa si̱ bu yet a̱tyu nang A̱gwaza tsa ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa bu nyia̱ tyok tazwa a̱mgba̱m á̱gwam swanta ba. Yok a̱mgba̱m a̱kyenkyai shi a̱ yet si̱ ngguu. Mat a̱ chat zi̱t, a̱ si̱ ti̱n zi̱t ma̱ a̱ka̱tuk nyia̱ nzi̱t wu, di̱ nwuak a̱sok nggu na da̱nian zi̱t.

Tyai Á̱zanson 7:14

A̱jawa n si̱ nyia̱ ma̱ng a̱nggu, “A̱tyoli, nwan wa lyen.” Huhwa gu nyia̱ ma̱ng a̱nung, “Á̱niet bani bya kwí di̱n jen a̱gba̱ndang swuo a̱bung ji. Ba̱ si̱ kwi a̱junjung a̱yaatoot mba ba ma̱ng a̱sok Fi̱ng A̱nfwuk na. Huhwa tyia̱ a̱yaatoot mba ba nsai.