Yoona 13:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ A̱ si̱ bwuo a̱sa̱khwot a̱ si̱ koot mi̱ chi̱chya̱ ntswam. A̱ si̱ kin nwuo khwi mman ta̱m nggu na a̱ti̱tak. A̱ si̱ tyia̱ ta̱wul nang gu la̱p a̱ kaat ndyang ka a̱ni, a̱ si̱ nshwa̱i mba a̱ti̱tak ba.

Yoona 13:5 Iomraidhean Croise

Luka 7:38

A̱byii̱k wu si̱ kpaat a̱khwukhwut da̱ a̱ma̱nta a̱ti̱tak Yesu ba, a̱ twei a̱nak. Ndang a̱ghyi nggu na si̱ kwa̱i da̱ a̱ti̱tak Yesu ba. A̱wot a̱ si̱ lyang a̱ti̱tak Yesu ba ma̱ng pyia̱ nggu hu. A̱ si̱ ya a̱son ma̱ng vwuk a̱ti̱tak Yesu ba. A̱ si̱ koot a̱myia̱ na̱ byia̱ swam nyinyang hu a̱ni da̱ a̱ti̱tak nggu ba.

Luka 7:44

A̱jawa Yesu si̱ bwuak, a̱ si̱ nwuan a̱byii̱k a̱wa, a̱ si̱ nyia̱ ma̱ng Siman, “Di, a̱byii̱k a̱ kpaat a̱khwukhwut bani a̱ni. Di̱n jen nang n nwuo a̱gbang ang ka a̱ni, a si̱ nang nung a̱sa̱khwot kwi a̱ti̱tak bah. A̱wot nggu, a̱ kwi a̱ti̱tak nung ba ma̱ng ndang a̱ghyi nggu na. A̱wot a̱ si̱ lyang ba ma̱ng pyia̱ nggu hu.

Yoona 13:10

Yesu si̱ bu nyia̱, “Ka̱ a̱yin ka̱n swuo, vam nggu hu ni̱ tyia̱ a̱za̱za̱rak wa. Á̱ bu si̱ mi̱n swuo nggu bah, ku myim á̱ kwi nggu a̱ti̱tak bya ma̱nyin mba. Mat a̱nia, a̱mgba̱m nyin nyi yet á̱za̱za̱rak á̱niet bya, kang ma̱ng a̱tyo nyiung.”

Yoona 13:6

Nang Yesu ntat da̱ a̱vwuo Bitut a̱ni, a̱jawa nang Bitut nnyia̱ ma̱ng a̱nggu, “A̱tyoli nung, nwan wa na kwi nung a̱ti̱tak baa?!”

Yoona 13:8

A̱jawa Bitut si̱ nyia̱ ma̱ng Yesu a̱ni, “Kaai A̱tyoli, n si̱ mi̱n shim a mak khwi nung a̱ti̱tak bah!” Yesu si̱ ma nyia̱, “To, ka̱ a shim n si̱ nkwi ang a̱ti̱tak bah, a tyak a̱kwonu ang da̱ a̱vwuo nung; a byia̱ kyang ma̱ng a̱nung bah.”

Yoona 19:34

Huhwa a̱tyo nyiung mami á̱niet nzwang ba si̱ nwuan Yesu, a̱ si̱ ti̱p da̱ a̱beam tsi̱ntsa̱u ma̱ng zwang ji. Mi̱ di̱ yong a̱hwa, a̱sok ma̱ng a̱sa̱khwot si̱ kin ghwut.

Nta̱m A̱yaata̱m 22:16

“ ‘A̱wot ma̱ninika, yihwa nang a fwuong? Doot, á̱ nyia̱ ang ba̱ptisman. A yei a̱lyoot A̱tyoli Yesu, gu kwi a̱ka̱tuk nyia̱ ang wu.’

1 A̱korontiyawa 6:11

Á̱ghyang á̱niet ma̱ nyin ku nyia̱ a̱nia mi̱ njen nang nyi ku nwai yet á̱niet khwi a̱ni. A̱wot á̱ si̱ kwi nyin. Á̱ si̱ jaat nyin, nyi si̱ tyia̱ za̱za̱rak. A̱gwaza si̱ bu tak kpa̱sai nang gu nkyiak nyin nyi yet á̱tsotswat á̱niet sang a̱bun a̱zaghyi nggu. Mat nyi yei a̱lyoot A̱tyoli Yesu Kristi, ma̱ng chet A̱za̱za̱rak Ntswa hu.

A̱fisawa 5:26

Da̱nian gu ka neap á̱niet khwi ba mbwak Tyok A̱gwaza; ba̱ yet á̱za̱za̱rak á̱niet nang gu jaat ma̱ng a̱sa̱khwot ma̱ng a̱lyiat nggu na a̱ni.

1 Timoti 5:10

A̱ si̱ bu yet a̱byii̱k nang á̱ dyep di̱ nyia̱ a̱tan nkyang a̱ni. A̱wot a̱ si̱ go mman nggu na shansham, a̱ si̱ saai á̱nietchen a̱mali nggu ka, a̱ si̱ bu nyia̱ á̱niet nta̱m A̱gwaza ba a̱tan nta̱m ma̱ng ghyuai a̱pyia̱. A̱ si̱ beang á̱niet ba̱ swuo a̱bung a̱ni, a̱wot a̱ bu nwuak a̱pyia̱ nggu a̱mgba̱m di̱ nyia̱ kuzang tangka̱i kyang ku yet a̱tan a̱ni.

Ibriniyawa 10:22

si̱ zi̱ shyei ma̱ sa̱t nat kpa̱mkpaan a̱zaghyi A̱gwaza ma̱ng fwuo nyiung, si̱ zi̱ nwuak fwuo da̱ nggu. Mat á̱ wa ka̱n ya̱sang a̱sok Kristi na da̱ a̱ka̱tuk a̱di̱dam nzi̱t wu, da̱nian na̱ ka jaat nzi̱t. A̱wot á̱ si̱ kwi nvam nzi̱t na ma̱ng a̱za̱za̱rak a̱sa̱khwot.

1 Yoona 1:7

A̱wot ki̱ zi̱ swan mami sai hu, ma̱nang A̱gwaza ngyet sai hu a̱ni, zi̱ si̱ byia̱ mun á̱pyia̱ ma̱ng á̱ghyang. A̱wot a̱sok Yesu a̱ yet Nggwon nggu ka a̱ni, si̱ kwi na̱ si̱ jaat nzi̱t a̱mgba̱m a̱ka̱tuk nyia̱ nzi̱t wu.

1 Yoona 5:6

Yesu Kristi bai mi̱ swanta hu, a̱wot á̱ si̱ nyia̱ nggu ba̱ptisman ma̱ng a̱sa̱khwot. A̱wot a̱ si̱ nwuak a̱sok nggu na da̱ a̱team a̱khwu wu. A̱ ku bai ma̱ng a̱sa̱khwot nia ma̱nyin na bah. A̱ ku bai ma̱ng a̱sa̱khwot nia ma̱ng a̱sok. A̱wot A̱za̱za̱rak Ntswa wu wa tak ma̱ng a̱nzi̱t nang nkyang nani ngyet a̱chuchuk, mat nang nggu wa ntak á̱niet ba a̱chuchuk wu a̱ni.

Tyai Á̱zanson 1:5

Byat hu si̱ bu neet da̱ a̱vwuo Yesu Kristi. Nggu wa yet a̱tsotswat a̱tyu a̱ nwuak sheda tazwa nkyang nani a̱ni. Nggu wa si̱ bu yet a̱tyu nang A̱gwaza tsa ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa bu nyia̱ tyok tazwa a̱mgba̱m á̱gwam swanta ba. Yok a̱mgba̱m a̱kyenkyai shi a̱ yet si̱ ngguu. Mat a̱ chat zi̱t, a̱ si̱ ti̱n zi̱t ma̱ a̱ka̱tuk nyia̱ nzi̱t wu, di̱ nwuak a̱sok nggu na da̱nian zi̱t.

Tyai Á̱zanson 7:14

A̱jawa n si̱ nyia̱ ma̱ng a̱nggu, “A̱tyoli, nwan wa lyen.” Huhwa gu nyia̱ ma̱ng a̱nung, “Á̱niet bani bya kwí di̱n jen a̱gba̱ndang swuo a̱bung ji. Ba̱ si̱ kwi a̱junjung a̱yaatoot mba ba ma̱ng a̱sok Fi̱ng A̱nfwuk na. Huhwa tyia̱ a̱yaatoot mba ba nsai.