Yoona 13:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Di̱n jen nang ba̱ nshya̱ di̱ ya kyayak hu a̱ni, Yesu si̱ kin doot a̱ yong. A̱ si̱ khwuk a̱toot nang gu kup a̱ni. A̱ si̱ ghwon a̱si̱ mami wu, a̱ si̱ kyiak ta̱wul, a̱ si̱ gaat ndyang.

Yoona 13:4 Iomraidhean Croise

Luka 12:37

Á̱khwo ba ba̱ shya̱ di̱ swan fwuong bwuok a̱tyoli mba hu a̱ni, á̱ na nang ba zang. N tak nyin a̱tsak a̱lyiat; a̱tyoli wu ma̱ a̱pyia̱ nggu, na tyia̱ ba̱ swan, a̱wot gu kup a̱yaatoot nta̱m nggu ba, a̱ bai a̱ ka̱u mba nkyayak na, ba̱ ya!

Luka 17:7

Yesu si̱ ya a̱son nyia̱, “Ka̱ a̱tyoli byia̱ a̱khwo a̱ kap gu yak, ku a̱ chok gu zón seap a̱ni; di̱n jen nang a̱khwo a̱wa mbwuok a̱ neet di̱n tyan ta̱m a̱ni, a̱tyoli wu na nyia̱ ma̱ng a̱khwo wu gu swan ma̱ng a̱nggu ba̱ ya kyayak hu dundung a?

Luka 17:8

Kaai, da̱ a̱kwonu a̱kya, a̱tyoli wu na nyia̱, ‘Di̱ ntsa hu, kup a̱toot nta̱m ang wu, a nat a wan kyayak, a nang nung. A̱wot a sii nat, a ya kyayak hu mameang.’

Luka 22:27

A̱nyan wa swak ma̱ng shi hu; a̱tyu a̱ swan a̱ ya kyayak hu a̱ni a, ke a̱tyu a̱ ka̱u kyayak hu a̱ni? A̱tsak a̱lyiat, a̱tyu a̱ swan a̱ ya kyayak hu a̱ni; nggu wa swak ma̱ng shi hu. A̱wot a̱nia wa ku ndi ma̱ng a̱nyin bah! Mat, nung n shya̱ ndung ma̱ng a̱nyin, n si̱ nyia̱ nyin nta̱m nang a̱khwo a̱ni.

Yoona 13:12

Nang Yesu ntyak kwi mba a̱ti̱tak ba a̱ni, a̱ si̱ kyiak a̱ta̱swak nggu wu, a̱ si̱ kup. A̱ si̱ bwuok a̱ nat di̱ tyan swat nggu ji, a̱ si̱si̱ swan a̱byin. A̱jawa gu si̱ lyip ba nyia̱, “Nyi fi̱k kyang hu nang n nyia̱ nyin ndyo a̱ni a?

2 A̱korontiyawa 8:9

Nyi lyen nang A̱tyoli Yesu Kristi nzi̱t wu mbyia̱ shok gba̱mgbam, a̱ ni̱ nwuat mi̱ fwuo nyiung. Ku nang gu ngyet a̱tyu nzwa a̱ni, a̱mgba̱m ma̱ng a̱nia, a̱ si̱ ghwon zwá nggu ji da̱nian nyin, mami kunak nggu hu. A̱ si̱ tyia̱ nyin nyi ka yet á̱niet nzwá.

1 Yoona 3:11

A̱lyiat nang nyi ku fa̱k neet di̱n tsa hu a̱ni ni̱nia yet: Ku yet ta hwa zi̱ chat á̱ghyang nzi̱t.