Yoona 13:36 - A̠lyiat A̠gwaza na di̠n Tyap: A̠li̠ka̠uli A̠fai

³⁶ Siman Bitut si̱ lyip Yesu nyia̱ “Nwan A̱tyoli nung, a naat a̱ji wa?” Yesu si̱ nwuak gu shim hu nyia̱, “A si̱ mi̱n khwi nung di̱ yong huni, a nat tyan ji nang n naat a̱ni bah. Di̱n jen jhyang ja nang a bye nkhwi nung, a nat dundung ma̱ng a̱nung.”

Yoona 13:36 Iomraidhean Croise

Yoona 13:33

“Nyin mman nung, jen ji nang n na nshya̱ ma̱ng a̱nyin a̱ni, ji̱ bu la̱u shi hu bah. Nyi na chat nung, a̱wot ma̱nang n hyia̱ ma̱ng A̱yahudawa ba a̱ni; a̱vwuo ka nang n naat a̱ni, nyi si̱ mi̱n nat bah. Huhwa n chat n tak nyin.

Yoona 14:2

Mat Mali A̱tyia̱ nung ka, a̱vwuo nswat nshya̱ ma̱ a̱di̱di̱t. Ka̱ á̱ wa nyia̱ da̱ a̱nia wa bah, si̱ n na ntak ma̱ng a̱nyin. N na nat n si̱ njhyi nyin a̱vwuo nswat.

Yoona 16:17

Huhwa mman ta̱m nggu á̱ghyang nyia̱ ma̱ng á̱ghyang mba, “Yihwa nang gu fa nang gu nyia̱ ma̱ng a̱nzi̱t; ‘Á̱ na labeang bah, nyi na chat nung lyin, á̱ bu labeang bah, nyi bu na li nung?’ ” A̱wot ba̱ si̱ bu lyip á̱ghyang, “Yihwa nang gu fa a̱ naat da̱ a̱vwuo A̱tyia̱ wu?”

Yoona 16:5

“A̱wot di̱ yong huni, ma̱ninika n bwuot naat da̱ a̱vwuo a̱tyu a̱ ta̱m nung a̱ni. Ma̱ng a̱nia, a̱yin du lyip nung, ‘A̱ji wa nang a naat?’ bah.

2 Bitut 1:14

Mat A̱tyoli nzi̱t wu, Yesu Kristi, ka̱n tyai nung ndyo, nang ku ngyet ta hwa, á̱ na labeang bah, n na ghwon swanta huni.