Yoona 13:34 - A̠lyiat A̠gwaza na di̠n Tyap: A̠li̠ka̠uli A̠fai

³⁴ Doka swai ja nang n nwuat nyin: Nyi chat á̱ghyang nyin! Ma̱nang n chat nyin a̱ni; ma a̱nia wa nyin mameang, nyi na nchat á̱ghyang.

Yoona 13:34 Iomraidhean Croise

Matyu 5:44

A̱wot n bu mbeang shei nyin hu. Nyi chat á̱niet ba̱ lak li nyin a̱ni! Nyi bu naai A̱gwaza da̱nian á̱niet ba̱ ya̱shuk nyin a̱ni!

Yoona 15:17

Doka ji nang n nwuak nyin a̱ni, ji ja yet; nyi chat á̱ghyang nyin.

Yoona 17:21

A̱tyia̱ nung, n naai da̱nian a̱mgba̱m á̱niet khwi ba ba̱ mun á̱pyia̱ ma̱ng á̱ghyang, ma̱nang nwan ma̱ng a̱nung zi̱ mun á̱pyia̱ ma̱ng á̱ghyang a̱ni. N naai da̱nian mba mameang; ba̱ na mun á̱pyia̱ ma̱ng a̱nzi̱t da̱nian á̱niet mi̱ swanta ba na nwuak a̱chuchuk nang nwan wa nta̱m nung mi̱ swanta hu.

A̱romawa 12:10

Nyi chat á̱ghyang nyin ma̱ng fwuo nyiung nang á̱na̱nyiuk mi̱ khwi Kristi a̱ni. A̱wot nyi fwuong di̱dang di̱ nwuat á̱ghyang nyin shi swak á̱pyia̱ nyin.

A̱romawa 13:10

A̱tyu a̱ chat a̱kpa̱ndang swat gu a̱ni, a̱ si̱ mi̱n nyia̱ nggu a̱ka̱tuk bah. Mat a̱nia, chat á̱ghyang hu yet khwi kyang nang doka A̱gwaza ji chat wa a̱ni.

A̱romawa 13:8

Nyi yok ba̱ng ta a̱yin bah. Mi̱ ta ku myim á̱ khwi nyin a̱ni, huhwa yet nyi chat á̱ghyang nyin. Ki̱ nyi chat á̱kpa̱ndang swat nyin ba, nyi na nyia̱ kyang nang doka A̱gwaza ji chat a̱ni.

A̱ga̱la̱tiyawa 5:22

A̱wot ntangka̱i za̱kwá nang A̱za̱za̱rak Ntswa wu nnwuat a̱ni, jija yet, chat á̱ghyang, fwuo sai, swat nyinyang, nyap fwuo, fwuong kunak, yet a̱tan, yet a̱tsotswat,

A̱ga̱la̱tiyawa 5:6

Mat, jen nang zi̱ nnwuak fwuo di̱ Yesu Kristi a̱ni, tyia̱ mi̱ chen ku nwai tyia̱ mi̱ chen, ku byia̱ nzi̱t kpangti̱n bah. Kyang ku yet a̱ swak a̱ni, huhwa yet; nwuak fwuo nzi̱t hu di̱ Kristi. Ku tyei nzi̱t zi̱ chat A̱gwaza ma̱ng á̱ghyang á̱niet.

A̱ga̱la̱tiyawa 6:10

Mat a̱nia, kuzang jen ki̱ zi̱ shya̱ a̱wat, ku myim zi̱ nyia̱ a̱mgba̱m á̱niet ba a̱tan nta̱m. Á̱niet ba nang zi̱ na beang swak a̱ni, bibya yet á̱niet khwi Kristi ba.

A̱ga̱la̱tiyawa 6:2

Nyi ni̱ mbeang á̱niet ba̱ swuo a̱bung ma̱ng a̱fi̱fa a̱ li nang a̱kpi̱di̱dyi̱k nkpa̱t a̱ni. Di̱ nvak huni hwa nyi na nkhwi doka ji cha̱chaat nang Kristi nwuak nyin a̱ni.

A̱fisawa 5:2

Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

A̱kolosiyawa 1:4

Mat zi̱ ka̱n fa̱k si̱sak nang nyi nnwuak fwuo di̱ Kristi Yesu; ma̱ng si̱sak nang nyi nchat a̱mgba̱m á̱niet khwi A̱gwaza ba a̱ni.

1 A̱ta̱solonikawa 3:12

Yok A̱gwaza a̱ tyia̱ chat á̱ghyang nyin hu ma̱ng a̱mgba̱m á̱niet ba, ku mban ba̱t kuzang jen ma̱nang zi̱ nchat nyin a̱ni.

2 A̱ta̱solonikawa 1:3

Á̱niet khwi Yesu ba nang n chat a̱ni, ku yet ta hwa, ku myim zi̱ gwai A̱gwaza kuzang jen da̱nian nyin, mat nang nyi mban di̱ nwuak fwuo di̱ Yesu, nyi si̱ bu mban di̱ chat á̱ghyang hu a̱ni.

Ibriniyawa 13:1

Nyin á̱niet khwi Yesu ba, nyi ya a̱son mi̱ chat á̱ghyang nyin nang á̱na̱nyiuk a̱ni.

Yakubu 2:8

A̱tsak a̱lyiat, ka̱ nyi khwi doka Tyok A̱gwaza ji, nang á̱ lyuut ma̱ A̱lyiat A̱gwaza na a̱ni, nyia̱, “Chat a̱kpa̱ndang swat ang wu, ma̱nang a nchat a̱pyia̱ ang a̱ni.” Si̱ a̱hwa myim a̱nia.

1 Bitut 1:22

Á̱ ku jaat nyin a̱ka̱tuk nyia̱ nyin wu di̱n jen nang nyi ku nwuo khwi a̱chuchuk wu a̱ni. Ma̱ninika, ku yet ta hwa, nyi tak nang nyi nchat á̱ghyang nyin a̱tsatsak chat nang á̱na̱nyiuk a̱ni. Nyi chat á̱ghyang nyin ma̱ng a̱mgba̱m nfwuo nyin na.

2 Bitut 1:7

A̱wot nyi khwi A̱gwaza di̱n vak ku myim gu a̱ni ma̱nyin hu bah, nyi mbeang fa̱k da̱ á̱na̱nyiuk nyin ba, ba̱ yet á̱niet khwi a̱ni mameang. Nyi fa̱k da̱ á̱na̱nyiuk ba̱ yet á̱niet khwi a̱ni ma̱nyin mba bah, nyi mbeang chat konyan mameang.

1 Yoona 3:11

A̱lyiat nang nyi ku fa̱k neet di̱n tsa hu a̱ni ni̱nia yet: Ku yet ta hwa zi̱ chat á̱ghyang nzi̱t.

1 Yoona 3:23

A̱wot doka A̱gwaza jija ji: Ku yet ta hwa, zi̱ nwuak fwuo da̱ a̱lyoot Nggwon nggu ka, Yesu Kristi, a̱wot zi̱ bu chat á̱ghyang nzi̱t, ma̱nang gu ka̱n nwuak zi̱t doka ji a̱ni.

1 Yoona 4:21

Doka jini ja nang Yesu mi̱ nnwuak zi̱t nyia̱: A̱tyu a̱ chat A̱gwaza a̱ni, ku yet ta hwa, gu chat á̱niet khwi á̱ghyang.

2 Yoona 1:5

Ma̱ninika, n naai ang a̱yang a̱li, ku yet ta hwa zi̱ chat á̱ghyang. Doka jini nang n dyuut ang ndyo a̱ni, ji̱ yet swai ja bah. Doka jini ja nang zi̱ za byia̱ neet di̱ tsa nwuo khwi Kristi hu.