Yoona 13:33 - A̠lyiat A̠gwaza na di̠n Tyap: A̠li̠ka̠uli A̠fai

³³ “Nyin mman nung, jen ji nang n na nshya̱ ma̱ng a̱nyin a̱ni, ji̱ bu la̱u shi hu bah. Nyi na chat nung, a̱wot ma̱nang n hyia̱ ma̱ng A̱yahudawa ba a̱ni; a̱vwuo ka nang n naat a̱ni, nyi si̱ mi̱n nat bah. Huhwa n chat n tak nyin.

Yoona 13:33 Iomraidhean Croise

Yoona 13:36

Siman Bitut si̱ lyip Yesu nyia̱ “Nwan A̱tyoli nung, a naat a̱ji wa?” Yesu si̱ nwuak gu shim hu nyia̱, “A si̱ mi̱n khwi nung di̱ yong huni, a nat tyan ji nang n naat a̱ni bah. Di̱n jen jhyang ja nang a bye nkhwi nung, a nat dundung ma̱ng a̱nung.”

Yoona 14:19

N bwat a̱banjen ma̱ chunchwiit á̱niet mi̱ swanta ba bu na li nung bah. A̱wot nyin, nyi na li nung. Mat nang nung nshya̱ ma̱ng swuan a̱ni; ma a̱nia wa, nyin mameang nyi na nswuan.

Yoona 14:2

Mat Mali A̱tyia̱ nung ka, a̱vwuo nswat nshya̱ ma̱ a̱di̱di̱t. Ka̱ á̱ wa nyia̱ da̱ a̱nia wa bah, si̱ n na ntak ma̱ng a̱nyin. N na nat n si̱ njhyi nyin a̱vwuo nswat.

Yoona 7:36

A̱ nyia̱, ‘Nyi na chat nung da̱ nyin nyi na li nung bah. A̱wot a̱vwuo ka nang n naat a̱ni, nyi si̱ mi̱n nat bah.’ Yihwa nang gu fa?”

A̱ga̱la̱tiyawa 4:19

Nyin mman nung na nang n chat a̱ni! Ku li á ngyei n fwuong a̱khwu da̱ nyin, ma̱nang a̱byii̱k a̱fa ni̱ nfwuong a̱khwu ka̱ nggwon ka bwuak ma̱ gbi̱ri̱p di̱n jen twei ma̱ng byin a̱ni! A̱wot fwuong a̱khwu hu na ya a̱son si̱ nang nyi tyia̱ á̱niet khwi ba̱ tat á̱ghyi di̱ mun á̱pyia̱ di̱ khwi Yesu Kristi.

1 Yoona 2:1

Mman nung na na̱ yet á̱niet khwi Yesu nang n chat a̱ni, n dyuut nyin a̱lyiat nani da̱nian nyi ka nyia̱ a̱ka̱tuk bah. A̱wot ka̱ a̱yin nyia̱ a̱ka̱tuk nyia̱, zi̱ byia̱ a̱tsotswat a̱tyu beang a̱ yong da̱ a̱kwonu nzi̱t da̱ a̱vwuo A̱tyia̱ a̱ni. Nggu wa yet Yesu Kristi.

1 Yoona 4:4

A̱wot nyin mman nung na nang n chat a̱ni, nyi yet mman A̱gwaza nia. Nyi wa ka̱n swuo chet a̱yaata̱m á̱niet tyiet a̱ka̱laa a̱bya. Mat A̱za̱za̱rak tswa wu a̱ shya̱ ma̱ nyin a̱ni, a̱ byia̱ chet a̱ lan tswa ji ji̱ shya̱ mi̱ swanta hu a̱ni.

1 Yoona 5:21

Mman nung, nyi khap á̱pyia̱ nyin zan ma̱ng nghwughwu a̱yaagwaza sang swuan!