Yoona 13:31 - A̠lyiat A̠gwaza na di̠n Tyap: A̠li̠ka̠uli A̠fai

³¹ Nang Yahuda nghwut a̱ si̱ nkat a̱ni, Yesu si̱ nyia̱, “Ma̱nini kya nang á̱ na nnwuak Nggwon A̱tyubishyi, a̱wot a̱ bu nwuak A̱gwaza shi mat Nggwon A̱tyubishyi.

Yoona 13:31 Iomraidhean Croise

Matyu 8:20

Yesu si̱ nyia̱ ma̱ng a̱nggu a̱ni, “A̱ka̱kyong swuat ma̱ a̱bubwong, a̱ka̱man si̱ byia̱ a̱ka̱le. A̱wot nung, Nggwon A̱tyubishyi, mbyia̱ a̱vwuo kwai bah.”

Luka 12:50

N byia̱ ba̱ptisman swuo a̱bung ba̱t ji̱ shya̱ á̱zanson nung a̱ni. A̱wot a̱kpi̱di̱dyi̱k nkpa̱t shya̱ a̱pyia̱ nung, si̱ nang n kpoot huu.

Yoona 11:4

Nang Yesu nfa̱k a̱nia a̱ni, huhwa gu nyia̱, “Zwan ji nyia̱ Laaza̱rut a̱ni, zwan a̱khwu ja bah. Ji̱ na bai ma̱ng A̱gwaza wa shi ma̱ng Nggwon ka.”

Yoona 12:23

Huhwa Yesu si̱ nwuak ba shim nyia̱, “Jen nyia̱ nang á̱ na nnwuak Nggwon A̱tyubishyi a̱kyenkyai shi a̱ni.

Yoona 12:28

A̱tyia̱, nwuak a̱lyoot ang ka shi!” A̱nwuat si̱ kin ghwut a̱ neet Ma A̱gwaza tswazwa nyia̱, “N mi̱ nkai nwuak a̱lyoot nung ka shi. A̱wot n bu na nwuak ka shi hu mbeang!”

Yoona 14:13

A̱wot n bu na nyia̱ kuzang kyang nang nyi naai mami a̱lyoot nung da̱nian hu a̱ni. N na nyia̱ nyin ndyo, da̱nian A̱tyia̱ nung wu a̱ ka shya̱ a̱kyenkyai shi wu kpa̱sai mat Nggwon ka.

Yoona 16:14

A̱ bye nnwuak nung shi, da̱nian á̱lyiat nung nia gu bye hyia̱ ma̱ng a̱nyin.

Yoona 7:39

(Yesu lyiat á̱lyiat nani tazwa A̱za̱za̱rak Ntswa wu nang á̱niet ba̱ nwuak fwuo da̱ nggu na san a̱ni. Mat ba̱ng ba̱ tat jen jini á̱ ka̱n ta̱m ma̱ng A̱za̱za̱rak Ntswa wu bah. Mat á̱ ka̱n ta̱ngam Yesu ma̱ng swuan ma̱ á̱niet ba̱ ka̱n kwi a̱ni, a̱ si̱ shya̱ a̱kyenkyai shi tyok nggu wu bah.)

Nta̱m A̱yaata̱m 2:36

“Mat a̱nia, ku myim nyin á̱niet Isi̱rela, nyi lyen za̱m nang Yesu wuni nang nyi kpang da̱ a̱team a̱khwu wu a̱ni; A̱gwaza khai ngguu a̱ yet A̱tyoli ma̱ng Kristi, a̱tyu nang A̱gwaza kup gu tyok a̱ni!”

Nta̱m A̱yaata̱m 3:13

A̱gwaza Ibrahim, ma̱ng Ishaku, ma̱ng Yakubu, a̱ yet A̱gwaza a̱mgba̱m a̱yaatyia̱ a̱khwop nzi̱t ba a̱ni; nggu wa nwuak a̱khwo nggu wu Yesu shi gu choot a̱tyu wuni! Nggu wa yet Yesu wu nang nyi ku lak, nyi si̱ tyia̱ nggu mbwak gwomna Bilatut; ku nang gwomna Bilatut ku nchat a̱ kai nggu a̱ ghwon a̱ni.

2 A̱korontiyawa 3:18

Mat a̱nia, a̱mgba̱m nzi̱t nang á̱ ka̱n khwuk nzi̱t a̱toot a̱wa ma̱ a̱ghyi nzi̱t ba a̱ni, zi̱ byia̱ a̱wat zi̱ li zi̱ bu tak shi A̱gwaza hu kpa̱sai. A̱wot A̱gwaza wu, a̱ yet A̱za̱za̱rak Ntswa wu a̱ni, a̱ ni̱ tyia̱ zi̱ li nang nggu a̱ni kuzang jen. Mat nang nggu nshai za̱kwa nzi̱t ji zi̱ ka tai nggu ma̱ng a̱kyenkyai shi nggu wu a̱ni.

A̱fisawa 1:12

La̱p sak A̱gwaza hu hwa ku yet, nzi̱t A̱yahudawa zi̱ ku tsa tyia̱ fwuo di̱ Kristi a̱ni, da̱nian zi̱ ka dyep A̱gwaza zi̱ nwuak gu shi.

A̱fisawa 2:7

A̱gwaza nyia̱ a̱nia da̱nian gu ka tak ma̱ng a̱nzi̱t ma̱ng a̱mgba̱m che ji chobai á̱zanson a̱ni, tangka̱i a̱gba̱mgbam shok ma̱ng kunak nang gu fa̱k da̱ nzi̱t, nang á̱ si̱ mi̱n nwai tyan a̱ni. Si̱ huni tak a̱mgba̱m nkyang nang A̱gwaza nyia̱ nzi̱t ndyo, nzi̱t á̱niet zi̱ mun á̱pyia̱ ma̱ng Kristi Yesu a̱ni.

A̱fisawa 3:10

A̱wot A̱gwaza la̱p a̱ sak a̱ nyia̱ ta̱m ma̱ng á̱niet khwi nggu bibya. A̱ ntak kpa̱sai mumwang nggu hu di̱ nvak ma̱ a̱di̱di̱t da̱ a̱vwuo a̱yaakwak a̱son a̱yaata̱m tswá, ma̱ng á̱ka̱tuk ntswá, ma̱ng ntyok na̱ shya̱ ma̱ a̱ka̱vwuo Ma A̱gwaza tswazwa nang á̱ nwai nwuan a̱ni.

A̱filibiyawa 2:11

A̱wot kuzang a̱yin na tak kpa̱sai nang Yesu Kristi wa ngyet A̱tyoli wu; mat a̱nia, a̱mgba̱m á̱niet ba na dyep A̱gwaza a̱ yet A̱tyia̱ wu a̱ni.

1 Bitut 1:21

Mami Kristi kya nang nyi nnwuak fwuo da̱ A̱gwaza. A̱wot nyi si̱ nwuak a̱chuchuk ma̱ng tyia̱ fwuo da̱ A̱gwaza, mat a̱ ku ta̱ngam Kristi ma̱ á̱niet ba̱ ka̱n kwi a̱ni, a̱wot a̱ si̱ nwuak gu a̱gba̱ndang shi.

1 Bitut 2:12

Nyi ta̱bam, nyi swan swat ku yet a̱ni ma̱ng á̱kpa̱ndang nswat nyin ba ba̱ nwai khwi A̱gwaza a̱ni. Mat, a̱mgba̱m nang ba̱ mbat nyin di̱ nyia̱ a̱ka̱tuk, ba̱ na li á̱tsatsak nta̱m nang nyi nyia̱ a̱ni, a̱wot ba̱ nwuak A̱gwaza shi di̱n jen nang gu na mbai a̱ni.

1 Bitut 4:11

A byia̱ za̱nang chet shei a̱lyiat A̱gwaza jaa? Shei na shansham, nang A̱gwaza wa lyiat mami ang a̱ni. A byia̱ za̱nang chet beang á̱niet jaa? Beang ba ma̱ng a̱mgba̱m chet nang A̱gwaza nang ang a̱ni. A̱jawa kuzang ta̱m nang a nyia̱ a̱ni na nwuak A̱gwaza shi mami a̱lyoot Yesu Kristi. A̱mgba̱m a̱kyenkyai shi ma̱ng chet, yet si̱ nggu hwa, si̱ nat sang sangba̱p. Samba̱rka!