Yoona 13:3 - A̠lyiat A̠gwaza na di̠n Tyap: A̠li̠ka̠uli A̠fai

³ Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 13:3 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 28:18

Yesu si̱ bai, a̱ si̱ tyia̱ mman ta̱m nggu na ta̱m nyia̱, “Á̱ nwuak nung a̱mgba̱m Tyok Ma A̱gwaza tswazwa ma̱ng swanta.

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 13:1

Neet nang jen song A̱yet Ghwut Mman Isi̱rela mi̱ Khwo ji ka̱ mbai bah, Yesu ku mi̱ ndyen nang jen gu na nghwon swanta huni gu bwuok a̱ nat da̱ a̱vwuo A̱tyia̱ nggu. Mat nang Yesu nchat á̱niet nggu ba, ba̱ shya̱ mi̱ swanta hu a̱ni. A̱wot a̱ si̱ bu tak mba tangka̱i a̱jhyem chat nang gu byia̱ da̱nian mba a̱ni.

Yoona 17:2

A nwuak Nggwon ang ka tyok tazwa a̱mgba̱m á̱niet ba. Da̱nian ka̱ ka nnwuak á̱niet ba nang a nwuak nka a̱ni swuan sang sangba̱p.

Yoona 3:13

A̱wot á̱ mbyia̱ a̱tyu a̱ ka̱n nyeak a̱ nat A̱ma A̱gwaza tswazwa a̱ni bah; mi̱ Nggwon A̱tyubishyi kya ma̱nyin ka, ku chyok a̱ neet a̱ja.

Yoona 3:35

A̱tyia̱ wu fa̱k da̱ Nggwon ka ba̱t. Huhwa mbyia̱ a̱ si̱ tyia̱ kuzang kyang mbwak nka.

Yoona 7:29

A̱wot nung, n dyen gu, mat n neet da̱ a̱vwuo nggu kya. Nggu wa ta̱m nung.”

Yoona 7:33

Yesu si̱ nyia̱, “N na nswan ma̱ng a̱nyin da̱ a̱banjen ma̱ a̱da̱dei. A̱wot n na mbwuok nat da̱ a̱vwuo a̱tyu a̱ ta̱m nung a̱ni.

Yoona 8:14

Yesu si̱ nyia̱, “Ka̱ n tak a̱chuchuk kpa̱sai tazwa a̱pyia̱ nung, kyang hu nang n tak a̱ni, a̱tsatsak a̱lyiat wa. Mat, n dyen a̱vwuo ka nang n neet a̱ni, ma̱ng a̱vwuo ka nang n na mbwuok n nat a̱ni. A̱wot nyin, nyi lyen a̱vwuo ka nang n neet a̱ni bah. Da̱ nyin, nyi lyen a̱vwuo ka nang n na mbwuok n nat a̱ni bah.

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Nta̱m A̱yaata̱m 2:36

“Mat a̱nia, ku myim nyin á̱niet Isi̱rela, nyi lyen za̱m nang Yesu wuni nang nyi kpang da̱ a̱team a̱khwu wu a̱ni; A̱gwaza khai ngguu a̱ yet A̱tyoli ma̱ng Kristi, a̱tyu nang A̱gwaza kup gu tyok a̱ni!”

1 A̱korontiyawa 15:27

Mat á̱ lyuut ma̱ A̱lyiat A̱gwaza na nyia̱, “A̱gwaza ka̱n tyia̱ a̱mgba̱m kuzang kyang mbwak tyok gu.” (A̱wot nang á̱ nhyia̱ a̱ni, “A̱mgba̱m kuzang kyang shya̱ mbwak tyok gu,” ku tak kpa̱sai nang A̱gwaza ma̱ a̱pyia̱ nggu a̱ nwuak Kristi tyok hu a̱ni, mun a̱ shya̱ mbwak Kristi ka bah.)

Ibriniyawa 1:2

A̱wot di̱n jen ngaan jini, A̱gwaza lyiat ma̱ng a̱nzi̱t a̱bwonu Nggwon nggu kya. Kikya nang A̱gwaza nyia̱ a̱li̱ka̱uli a̱ na tyia̱ kuzang kyang bwak nka, ku yet gado nkaa. A̱wot kikya yet vak nang A̱gwaza nnyia̱ swanta hu a̱ni.