Yoona 13:27 - A̠lyiat A̠gwaza na di̠n Tyap: A̠li̠ka̠uli A̠fai

²⁷ Nang Yahuda nsan chunchong burodi ji a̱ni, di̱ yong a̱hwa A̱ta̱nyeang ka si̱ kin nwuo mami nggu. A̱jawa Yesu si̱ nyia̱ ma̱ng Yahuda a̱ni, “Kyang hu nang a chat nyia̱ hu a̱ni; nyia̱ hu a̱nggang.”

Yoona 13:27 Iomraidhean Croise

Matyu 12:45

A̱jawa a̱ka̱tuk ntswa wu na chat a̱ shya̱ á̱ka̱tuk ntswá a̱natat á̱ghyang ba̱ swak ji ma̱ng a̱ka̱kpa̱t a̱ni, ba̱ ka nwuo mi̱ vam a̱tyu a̱hwa ba̱ swan a̱ja. A̱wot a̱ni wa, a̱tyu a̱wa na mbeang byian hu a̱ swak jen nang a̱ka̱tuk ntswa a̱nyiung wu ku nshya̱ ma̱ a̱nggu a̱ni. A̱nia wa ku na ndi ma̱ng a̱ka̱tuk nche wuni.”

Matyu 4:10

Yesu si̱ bu nyia̱ ma̱ng A̱ta̱nyeang ka, “Sha̱tan, doot a̱ji a ghwon nung, mat á̱ lyuut ma̱ A̱lyiat A̱gwaza na nyia̱, ‘Ku yet ta hwa a kyuak ntong a̱zaghyi A̱tyoli a̱ yet A̱gwaza ang a̱ni. A̱wot nggu wa a bu nyia̱ nggu ta̱m ma̱nyin nggu.’ ”

Ma̱rkut 6:25

Mi̱ di̱ yong a̱hwa, nggwon neam ka si̱ bu tyia̱ kwak a̱ bwuok ma a̱nggang a̱ nat da̱ a̱vwuo a̱gwam wu. Ka̱ si̱si̱ nyia̱, “N chat a jong nung a̱pyia̱ Yoona a̱tyu nyia̱ ba̱ptisman ma̱ a̱ka̱gba ma̱ninika!”

Luka 22:3

A̱ta̱nyeang ka si̱ kan nwuo nyia̱ tyok mi̱ fwuo Yahuda Iska̱riyoti; a̱ ku yet a̱tyo nyiung mi̱ mman ta̱m swak ma̱ a̱feang Yesu na a̱ni.

Yoona 13:2

Di̱n jen nang Yesu ma̱ng mman ta̱m nggu na nshya̱ di̱ ya kyayak a̱tyetuk a̱ni, nang A̱ta̱nyeang ka mameang ka̱n tyia̱ mi̱ fwuo Yahuda Iska̱riyoti, a̱fai Siman, nggu wa ku yet a̱bang a̱byin wu; gu bwuk ma̱ng Yesu.

Yoona 13:28

A̱mgba̱m mba, ba̱ shya̱ di̱ ya kyayak hu dundung ma̱ng Yesu a̱ni, á̱ mbyia̱ a̱tyu a̱ ku fi̱k kyang hu ku mbyia̱ Yesu nhyia̱ ma̱ng a̱nggu a̱nia a̱ni bah.

Yoona 6:70

Yesu si̱ nyia̱ ma̱ng mman ta̱m nggu na a̱ni, “N ku khai nyin swak ma̱ a̱feang. A̱mgba̱m ma̱ng a̱nia, a̱tyo nyiung ma̱ nyin yet A̱ta̱nyeang!”

Nta̱m A̱yaata̱m 5:3

A̱jawa Bitut si̱ nyia̱ ma̱ng a̱nggu, “Ananiya, yihwa mbyia̱ nang a ghwon A̱ta̱nyeang ka si̱ swuo chet fwuo ang hu? A bwuo A̱za̱za̱rak Ntswa wu la! A si̱ bu niat á̱kum kurum nang a ndyap a̱byin ka a̱ni da̱nian a̱pyia̱ ang.