Yoona 13:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ huhwa Bitut si̱ lyiat ma̱ng a̱nggu mi̱ bwak, a̱ si̱ tyan nggu ndyo nyia̱, “Lyip A̱tyoli nzi̱t wu, a̱tyu nang gu lyiat a̱ni.”

Yoona 13:24 Iomraidhean Croise

Luka 1:22

Nang gu mang a̱ ba̱ nghwut a̱ni, a̱lyiat na si̱ kaat nggu ma̱ng a̱mba. A̱jawa ba̱ si̱ ndyen nang gu ndi a̱ma̱bwoi nia, ma̱ A̱swang ka̱ yet A̱za̱za̱rak a̱ni. Mat a̱ ku nwuo lyiat ma̱ng a̱mba ma̱ng bwak.

Luka 5:7

Ba̱ ndi a̱nia a̱ni, ba̱ si̱ yei á̱kpa̱ndang ta̱m mba ba ma̱ng bwak, ba̱ shya̱ mi̱ kukwon a̱wak ghyang a̱ni, ba̱ bai ba̱ beang ba kwak a̱ka̱li ka. Da̱ a̱banjen ma̱ a̱da̱dei, ba̱ si̱ kwok fa̱n hu á̱ hyaai a̱kukwon a̱wak a̱feang ba. A̱wot a̱kukwon a̱wak ba si̱ nwuo ya̱lyi̱ri̱p!

Yoona 13:23

A̱tyo nyiung mami mman ta̱m nang Yesu fa̱k da̱ nggu a̱ni ba̱t, nang gu swan ma̱ kpa̱mkpaan ma̱ng Yesu;

Yoona 13:25

A̱jawa, nggwon ta̱m ka nang Yesu fa̱k da̱ nka a̱ni, si̱ shoot a̱ nat kpa̱mkpaan ma̱ng Yesu. Ka̱ si̱ lyip gu nyia̱, “A̱tyoli, a̱nyan wa nang a lyiat?”

Nta̱m A̱yaata̱m 12:17

Bitut si̱ lyiat ma̱ng a̱mba ma̱ng bwak, nyia̱ ba̱ tyia̱ nywang. A̱wot a̱ si̱ ya a̱son ma̱ng shei mba si̱sak nang A̱gwaza nti̱n nggu a̱ ghwut ndyo mi̱ jaru ji a̱ni. A̱ si̱ nyia̱, “Nyi tak ma̱ng Yakubu ma̱ng á̱kum á̱niet khwi ka kyang ku bai a̱ni.” A̱wot Bitut si̱ swak a̱ nat a̱vwuo a̱ghyang.

Nta̱m A̱yaata̱m 13:16

A̱jawa Bulut si̱ doot a̱ yong. A̱ si̱ neap bwak tazwa nyia̱ ba̱ tyia̱ nywang. A̱ si̱ nwuo a̱lyiat nyia̱, “Nyin mman Isi̱rela ma̱ng a̱mgba̱m nyin á̱kum Nnwap na̱ nwai yet A̱yahudawa, nyi fwuong a̱wun A̱gwaza a̱ni, nyi myiai a̱fufwuo nyi fa̱a̱k!

Nta̱m A̱yaata̱m 21:40

Nang a̱gba̱ndang a̱kwak a̱son á̱niet nzwang A̱romawa wu nshim Bulut a̱ lyiat a̱ni; a̱ si̱ doot á̱ yong da̱ a̱vwuo saai a̱ti̱tak nang á̱ mban á̱ chorop mi̱ nok hu a̱ni. A̱ si̱ ta̱ngam bwak tazwa. A̱ si̱ kam á̱niet ba, ba̱ tyia̱ nywang. Nang ba̱ ntyia̱ nywang a̱ni, Bulut si̱ lyiat ma̱ng a̱mba da̱ a̱lyem A̱yahudawa ka.