Yoona 13:23 - A̠lyiat A̠gwaza na di̠n Tyap: A̠li̠ka̠uli A̠fai

²³ A̱tyo nyiung mami mman ta̱m nang Yesu fa̱k da̱ nggu a̱ni ba̱t, nang gu swan ma̱ kpa̱mkpaan ma̱ng Yesu;

Yoona 13:23 Iomraidhean Croise

Luka 16:22

“Di̱ ngaan hu, Laaza̱rut a̱tyu kunak a̱wa si̱ khwu. A̱yaata̱m tswá A̱gwaza si̱ bai ba̱ si̱ kyiak gu á̱ nat ndyo Ma A̱gwaza tswazwa. Ba̱ si̱si̱ sak gu da̱ a̱vwuo Ibrahim. A̱tyu nzwá wu mameang, si̱ khwu, á̱ si̱ niat gu.

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 11:3

Á̱na̱nyiuk a̱nap Laaza̱rut ba si̱ ta̱m da̱ a̱vwuo Yesu nyia̱, “A̱tyoli, a̱kpa̱ndang nang a fa̱k da̱ nggu a̱ni, a̱ fa̱k nyinyang bah.”

Yoona 11:36

Huhwa si̱ mbyia̱ A̱yahudawa ba si̱ nyia̱, “Nyi li si̱sak ji nang gu nchat gu a̱ni!”

Yoona 11:5

Yesu ku fa̱k da̱ Ma̱rta ba̱t mbeang a̱na̱nyiuk nggu wu Ma̱ryamu ma̱ng Laaza̱rut.

Yoona 13:24

huhwa Bitut si̱ lyiat ma̱ng a̱nggu mi̱ bwak, a̱ si̱ tyan nggu ndyo nyia̱, “Lyip A̱tyoli nzi̱t wu, a̱tyu nang gu lyiat a̱ni.”

Yoona 13:25

A̱jawa, nggwon ta̱m ka nang Yesu fa̱k da̱ nka a̱ni, si̱ shoot a̱ nat kpa̱mkpaan ma̱ng Yesu. Ka̱ si̱ lyip gu nyia̱, “A̱tyoli, a̱nyan wa nang a lyiat?”

Yoona 19:26

Nang Yesu ndi a̱yang byin nggu wu mbeang nggwon nta̱m nang gu chat a̱ni, kpa̱mkpaan ma̱ng a̱yang wu; huhwa gu nyia̱ ma̱ng a̱yang byin nggu wu a̱ni, “A̱yang, di nggwon ang kya ka!”

Yoona 20:2

A̱ si̱ tyong chung a̱ nat da̱ a̱vwuo Siman Bitut, ma̱ng nggwon ta̱m ka nang Yesu chat a̱ swak a̱ni. A̱ si̱ hyia̱ ma̱ng a̱mba nyia̱, “Ba̱ kyiak kwom Yesu ma̱ a̱bi ka! A̱wot zi̱ lyen a̱vwuo ka nang ba̱ si̱ nsak gu a̱ni bah!”

Yoona 21:20

Bitut si̱ ta̱ghak, a̱ si̱ li nggwon ta̱m nang Yesu chat ba̱t a̱ni ka̱ khwi mbaa. Nggu wa ku shya̱ a̱ hyia̱k Yesu gi̱ngi̱ng, di̱n jen ya nkyayak A̱yet Ghwut Mman Isi̱rela mi̱ Khwo wu; a̱ si̱ lyip Yesu nyia̱, “A̱tyoli, a̱nyan wa chat bwuk ma̱ng a̱nwan hu?”

Yoona 21:24

A̱tyu wuni wa yet nggwon ta̱m ka ka̱ shei kpa̱sai a̱chuchuk tazwa a̱mgba̱m nkyang nani a̱ni; a̱ si̱ lyuut naa. Zi̱ lyen nang kyang gu hyia̱ a̱ni, yet a̱tsak a̱lyiat wa za̱m!

Yoona 21:7

Nggwon ta̱m ka nang Yesu ku chat a̱ swak a̱ni, si̱ nyia̱ ma̱ng Bitut, “A̱tyoli Yesu wa!” Mi̱ di̱ yong a̱hwa nang Bitut nfa̱k nang Yesu wa a̱ni, a̱ si̱ kup a̱yaatoot nggu ba, (nang gu khwuk a̱yaatoot gu ba, a̱ koot); a̱wot a̱ si̱ fi̱p a̱ kwa ma̱ a̱sa̱khwot na!