Yoona 13:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ A̱tsatsak a̱lyiat wa nang n shei ma̱ng a̱nyin; konyan wa san a̱tyu nang n ta̱m ndyo a̱ni ma̱ng fwuo nyiung, ku li á̱ ngyei nung gwa gu san. Ma a̱nia wa, a̱tyu a̱ ma nsan nung ma̱ng fwuo nyiung a̱ni, a̱ mun a̱ san a̱tyu a̱ ta̱m ma̱ng a̱nung wa a̱ni.”

Yoona 13:20 Iomraidhean Croise

Matyu 25:40

“A̱wot nung A̱gwam wu, n na nwuak mba shim nyia̱, ‘N tak nyin a̱tsak a̱lyiat, jen nang nyi ku mbeang a̱tyu a̱ swak ma̱ng yet a̱da̱dei hu ma̱ á̱na̱nyiuk nung mba a̱ni, nung gwa nyi ku beang.’

Ma̱rkut 9:37

“A̱tyu a̱ san a̱da̱dei nggwon nang a̱si̱ kani a̱ni da̱nian nung, ku li á̱ ngyei nung gwa gu san. A̱wot konyan wa san nung a̱ni, nung gwa gu san ma̱nyin nung bah; a̱ mun a̱ san A̱tyia̱ nung wu a̱ ta̱m nung a̱ni.”

Luka 10:16

Yesu si̱ nyia̱ ma̱ng mman ta̱m nggu na, “Konyan wa san a̱lyiat nyin na mbwak nfeang, nung gwa nang gu san. A̱wot konyan wa lak san a̱lyiat nyin na mbwak nfeang, a̱ lak nung wa mameang. A̱wot konyan wa lak nung, a̱ lak A̱gwaza wa a̱ ta̱m nung a̱ni.”

Luka 9:48

A̱jawa gu nyia̱ ma̱ng a̱mba, “A̱tyu a̱ san a̱da̱dei nggwon nang a̱si̱ kani a̱ni da̱nian nung, ku li á ngyei nung gwa gu san. A̱wot konyan wa san nung a̱ni, nung gwa gu san ma̱nyin nung bah; a̱ mun a̱ san A̱tyia̱ nung wu a̱ ta̱m nung a̱ni. Mat a̱nia, konyan wa swak ma̱ng yet a̱da̱dei wu mami nyin, nggu wa swak ma̱ng shi hu.”

A̱ga̱la̱tiyawa 4:14

Ku nang vam hu ku nnyia̱ nung a̱nia a̱ni, ku si̱ yet a̱wat kya da̱ a̱vwuo nyin, nyi lak nung ku nyi jhyuai nung. A̱wot a̱mgba̱m ma̱ng a̱nia, nyi si̱ nyia̱ a̱nia bah. Da̱ a̱kwonu a̱kya, nyi si̱ san nung mbwak nfeang. Nyi si̱ chok nung nang n wa ngyet a̱ta̱m tswa A̱gwaza, ku Yesu Kristi wa ma̱ a̱pyia̱ nggu a̱ni.

A̱kolosiyawa 2:6

A̱wot ma̱ninika, ma̱nang nyi wa ka̱n san Kristi Yesu a̱ yet A̱tyoli nyin wu a̱ni, ku yet ta hwa nyi ya a̱son ma̱ng khwi nggu hu a̱nia.

1 A̱ta̱solonikawa 4:8

Mat a̱nia, a̱tyu a̱ lak tyiet huni a̱ni, a̱ lak khwi tyiet a̱tyubishyi hwa bah. A̱gwaza a̱ nang nyin A̱za̱za̱rak Ntswa nggu wu a̱ni, nggu wa nang gu lak.