Yoona 13:2 - A̠lyiat A̠gwaza na di̠n Tyap: A̠li̠ka̠uli A̠fai

² Di̱n jen nang Yesu ma̱ng mman ta̱m nggu na nshya̱ di̱ ya kyayak a̱tyetuk a̱ni, nang A̱ta̱nyeang ka mameang ka̱n tyia̱ mi̱ fwuo Yahuda Iska̱riyoti, a̱fai Siman, nggu wa ku yet a̱bang a̱byin wu; gu bwuk ma̱ng Yesu.

Yoona 13:2 Iomraidhean Croise

Matyu 10:4

Siman (nang á̱ ngyei Za̱loti a̱ni), ma̱ng Yahuda Iska̱riyoti, (A̱tyu a̱ ku lyap Yesu a̱ni).

Luka 22:3

A̱ta̱nyeang ka si̱ kan nwuo nyia̱ tyok mi̱ fwuo Yahuda Iska̱riyoti; a̱ ku yet a̱tyo nyiung mi̱ mman ta̱m swak ma̱ a̱feang Yesu na a̱ni.

Luka 22:31

Yesu si̱ bu nyia̱, “Siman, Siman, fa̱k la! A̱ta̱nyeang ka chat ka̱ mak nyin a̱mgba̱m, ma̱nang á̱ ni̱ nchyok yak á̱ ti̱n a̱sunsong wu á̱ ghwon tswá ji a̱ni!

Yoona 13:11

Yesu ku lyen a̱tyu a̱ yet a̱bang a̱byin wu a̱ na bwuk ma̱ng a̱nggu a̱ni. Huhwa ku mbyia̱ a̱ si̱ nyia̱ ma̱ng a̱mba a̱mgba̱m konyan wa ma̱ a̱mba yet a̱za̱za̱rak bah.

Yoona 13:4

Di̱n jen nang ba̱ nshya̱ di̱ ya kyayak hu a̱ni, Yesu si̱ kin doot a̱ yong. A̱ si̱ khwuk a̱toot nang gu kup a̱ni. A̱ si̱ ghwon a̱si̱ mami wu, a̱ si̱ kyiak ta̱wul, a̱ si̱ gaat ndyang.

Nta̱m A̱yaata̱m 5:3

A̱jawa Bitut si̱ nyia̱ ma̱ng a̱nggu, “Ananiya, yihwa mbyia̱ nang a ghwon A̱ta̱nyeang ka si̱ swuo chet fwuo ang hu? A bwuo A̱za̱za̱rak Ntswa wu la! A si̱ bu niat á̱kum kurum nang a ndyap a̱byin ka a̱ni da̱nian a̱pyia̱ ang.

2 A̱korontiyawa 8:16

A̱wot zi̱ gwai A̱gwaza nang gu ntyia̱ mi̱ fwuo Titut hu gu chat nyin, ma̱nang zi̱ nchat nyin a̱ni.

A̱fisawa 2:3

A̱mgba̱m zi̱t, zi̱ ku swan tangka̱i a̱ka̱tuk nswat a̱hwa dundung ma̱ng á̱kum á̱niet swanta ba. Zi̱ ni̱ khwi shyuo nvam nzi̱t ji, ma̱ng si̱ a̱di̱dam a̱ka̱tuk za̱kwa nzi̱t wu. Mat za̱kwa a̱ka̱tuk nyia̱ nzi̱t ji, A̱gwaza si̱ mwai lyen ma̱ng a̱nzi̱t, ma̱nang á̱kum á̱niet swanta ba a̱ni.

Tyai Á̱zanson 17:17

Mat A̱gwaza wa ka̱n tyia̱ kyang ba̱ na nyia̱ a̱ni ma̱ a̱di̱dam mba wu, a̱di̱dam a̱ na nyia̱ kyang hu A̱gwaza chat a̱ni. Á̱gwam swak a̱bya na shim ba̱ nwuak a̱shong a̱ka̱tuk nyam a̱yit wu ntyok mba na. A̱nia wa á̱lyiat A̱gwaza na, na mbai cha̱chaat da̱ a̱nu ka.