Yoona 13:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ “A̱mgba̱m nyin wa nang n dyiat bah. N dyen á̱niet ba nang n ku nkhai ma̱ nyin a̱ni. A̱mgba̱m ma̱ng a̱nia, ku yet ta hwa A̱lyiat A̱gwaza na na̱ bai cha̱chaat nyia̱, ‘A̱tyu a̱ ya kyayak hu ma̱ng a̱nung a̱ni, a̱ bwuak a̱ si̱ tyia̱ a̱tyu lak li nung.’

Yoona 13:18 Iomraidhean Croise

Matyu 10:36

Á̱niet lak li nyin ba na yet á̱niet a̱mali nyin bya!

Matyu 26:21

Nang ba̱ shya̱ di̱ ya kyayak A̱yet hu a̱ni, Yesu si̱ nyia̱ ma̱ng a̱mba, “N tak nyin a̱tsak a̱lyiat, a̱tyo nyiung ma̱ nyin na bwuk ma̱ng a̱nung.”

Matyu 26:23

Yesu si̱ nwuak ba shim nyia̱, “A̱tyu a̱ zwup burodi wu cha̱chaat ma̱ng a̱nung mi̱ kham jhyung ji a̱ni, nggu wa na bwuk ma̱ng a̱nung.

Ma̱rkut 14:17

Nang jenshyung nnyia̱ a̱ni, Yesu si̱ nat a̱ si̱ nwuo Urusha̱lima ma̱ng mman ta̱m swak ma̱ a̱feang nggu na.

Ma̱rkut 14:18

Nang ba̱ nshya̱ di̱ fwung á̱ tsa á̱ bu ngya kyayak hu a̱ni, Yesu si̱ nyia̱ ma̱ng a̱mba, “N shei nyin a̱tsatsak a̱lyiat; a̱yin ma̱ nyin na bwuk ma̱ng a̱nung! Nggu wa yet a̱tyu nang zi̱ ya kham jhyung ma̱ng a̱nggu a̱ni.”

Ma̱rkut 14:20

Yesu si̱ tak ma̱ng a̱mba nyia̱, “A̱tyo nyiung wa mami nyin mman ta̱m swak ma̱ a̱feang na; a̱tyu a̱ zwup burodi wu cha̱chaat ma̱ng a̱nung mi̱ kham jhyung a̱ni, nggu wa!

Luka 22:21

“Nyi fa̱k la! A̱tyu a̱ yet a̱bang a̱byin wu a̱ni, a̱ swan a̱ji dundung ma̱ng a̱nzi̱t nang a̱kpa̱ndang nzi̱t a̱ni; nggu wa yet a̱tyu a̱ na lyap nung a̱ni.

Yoona 13:21

Nang Yesu ntyak a̱lyiat nani a̱ni, fwuo nggu hu si̱ byian. Huhwa si̱ mbyia̱ a̱ si̱ ghwut a̱ si̱ hyia̱ ma̱ng a̱mba kpa̱sai nyia̱, “A̱tsatsak a̱lyiat, n tak ma̱ng a̱nyin; a̱tyo nyiung mami nyin na yet nung a̱bang a̱byin!”

Yoona 13:22

Huhwa mman ta̱m Yesu na si̱ ta̱bat bwan nwuan á̱ghyang. Mat, ba̱ lyen nggwon ta̱m ka nang Yesu lyiat a̱ fa da̱ nka a̱ni bah.

Yoona 13:26

Yesu si̱ nwuak gu shim hu nyia̱, “A̱tyu nang n na nzwup chunchong burodi jini mi̱ nyung, n nang nggu a̱ni; a̱tyu a̱wa wa!” A̱jawa Yesu si̱ kyiak chunchong burodi ji, a̱ si̱ zwup mi̱ nyiung hu. A̱ si̱ nwuak Yahuda, a̱fai Siman Iska̱riyoti.

Yoona 15:16

“Nyin bya ku khai nung bah. Nung gwa ku khai nyin. N si̱ ntyia̱ nyin, nyi nat nyi tyei sum ma̱ a̱di̱di̱t. Sum hu ku na labeang a̱ni. Huhwa na mbyia̱, A̱tyia̱ wu a̱ nang nyin a̱mgba̱m nkyang nang nyi naai mami a̱lyoot nung ka a̱ni.

Yoona 15:19

Ka̱ nyi wa yet á̱niet mi̱ swanta bani bya, si̱ á̱niet swanta ba chat nyin nang á̱si̱ mba a̱ni. Nung gwa khai nyin ghwut ndyo mi̱ swanta hu. Huhwa mbyia̱ nang á̱niet mi̱ swanta ba ndak li nyin hu.

Yoona 15:25

“Kyang hu ba̱ nyia̱ a̱ni, ku ku bai da̱ a̱nu ka ma̱ cha̱chaat ma̱ng kyang nang á̱ ku lyuut mami doka mba ji a̱ni nyia̱, ‘Ba̱ ku lak li nung ma̱ kpa̱a̱t. Da̱ mba, ba̱ byia̱ ta̱fwat bah.’

Yoona 17:12

Nang n ku nshya̱ dundung ma̱ng a̱mba a̱ni, n ku nchok ba mi̱ chet a̱lyoot ang hu; a̱lyoot ka nang a ku tyia̱ nung a̱ni. N si̱ nkeang mba ntyia̱, á̱ si̱ byia̱ a̱tyu a̱ bwuk a̱ni bah; a̱tyo nyiung wa ma̱nyin nggu ku bwuk. A̱ ku bwuk wa ma̱nang á̱ ku ndyuut mami A̱lyiat A̱gwaza na a̱ni, ku si̱ bai ma̱ cha̱chaat da̱ a̱nu ka.

Yoona 18:32

(A̱lyiat nani ku bai da̱nian na̱ ka nat ma̱ cha̱chaat ma̱ng kyang nang Yesu ku tak á̱zanson di̱n jen nang gu ku ntyai tangka̱i a̱khwu nang gu na khwu a̱ni.)

Yoona 19:24

Huhwa á̱niet nzwang ba si̱ nyia̱ ma̱ng á̱ghyang mba a̱ni, “Zi̱ yok sam a̱toot a̱ni bah. Kyang hu myim a̱ni, huhwa yet; zi̱ koot tswák da̱ a̱toot a̱ni, zi̱ ka li a̱tyu a̱ na ya a̱ni!” Ku ku li a̱ni wa da̱nian ku ka bai cha̱chaat ma̱ng kyang á̱ lyuut mami A̱lyiat A̱gwaza na a̱ni, nyia̱, “Ba̱ ku ka̱u a̱yaatoot nung ba di̱ tsi̱tsak mba. A̱toot nung wu meang, ba̱ si̱ koot tswák da̱ nggu.” Kyang hu nang á̱niet nzwang ku nyia̱ a̱ni, huhwa hu.

Yoona 19:36

Si̱ huni ku bai da̱nian ku ka nat cha̱chaat ma̱ng kyang nang á̱ ku lyuut mami A̱lyiat A̱gwaza na a̱ni nyia̱, “Á̱ byia̱ kunkup gu nyiung nang á̱ na but a̱ni bah.”

Yoona 21:17

Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 6:70

Yesu si̱ nyia̱ ma̱ng mman ta̱m nggu na a̱ni, “N ku khai nyin swak ma̱ a̱feang. A̱mgba̱m ma̱ng a̱nia, a̱tyo nyiung ma̱ nyin yet A̱ta̱nyeang!”

Nta̱m A̱yaata̱m 1:16

Bitut si̱ nyia̱, “Nyin á̱na̱nyiuk nung mba, ku yet ta hwa A̱lyiat A̱gwaza na na̱ bai da̱ a̱nu ka, nang A̱za̱za̱rak Ntswa A̱gwaza wu gbangbang ku ntak á̱zanson a̱bwonu A̱gwam Da̱wuda a̱ni. A̱za̱za̱rak Ntswa wu si̱ lyiat tazwa Yahuda Iska̱riyoti, a̱tyu a̱ ku kwak á̱ka̱tuk á̱niet ba vak, a̱ si̱ la̱p a̱nu ma̱ng a̱mba, ba̱ si̱ nta̱bat Yesu a̱ni.

Nta̱m A̱yaata̱m 1:2

ba̱ng si̱ nat a̱tuk ka nang á̱ ku nkyiak gu á̱ nat ndyo Ma A̱gwaza tswazwa a̱ni. Mat chet A̱za̱za̱rak Ntswa, Yesu ku mi̱ ngba a̱yaata̱m nggu ba nang gu khai a̱ni, á̱ sii du kyiak gu, á̱ nat ndyo Ma A̱gwaza tswazwa ka.

2 A̱korontiyawa 4:5

Nyi fa̱k, zi̱ chong kat shei nyin a̱lyiat tazwa á̱pyia̱ nzi̱t bah. Zi̱ shei nang Yesu Kristi wa ngyet A̱tyoli wu, a̱wot nzi̱t ma̱ á̱pyia̱ nzi̱t zi̱ yet á̱khwo nyin bya da̱nian Yesu.

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.

Tyai Á̱zanson 2:23

N na hyaai á̱niet ba̱ khwi tyiet gu hu a̱ni. A̱wot a̱mgba̱m á̱niet khwi ba na lyen, nang nung gwa ngyet a̱tyu a̱ zop fwuo ma̱ng a̱di̱dam konyan a̱ni! Mat a̱nia, n na ntan konyan zang ma̱ cha̱chaat ma̱ng ta̱m hu nang gu nyia̱ a̱ni.