Yoona 13:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ “N tak nyin kidee ja, da̱nian nyin meang nyi ka nyia̱ di̱ si̱sak ji nang n nnyia̱ nyin ndyo a̱ni.

Yoona 13:15 Iomraidhean Croise

Matyu 11:29

Nyi kyiak a̱byi̱ri̱m khwi nung wu dundung ma̱ng a̱nung, a̱wot nyi myiam da̱ a̱vwuo nung. Mat n gyet shonshyon mi̱ fwuo. N si̱ ngyet a̱tyu ghyuai a̱pyia̱. A̱wot nyi na shya̱ fwung mi̱ nfwuo nyin na.

A̱romawa 15:5

Yok A̱gwaza a̱ tyei nzi̱t zi̱ nyap fwuo a̱ni. A̱wot a̱ si̱ bu tyei nzi̱t gba̱gbak gba̱mgbam a̱ni, gu beang nyin nyi swan swat mun á̱pyia̱ ma̱ng á̱ghyang nyin, ma̱nang ku mmyim á̱niet khwi Yesu Kristi ba a̱ni.

A̱fisawa 5:2

Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

1 Bitut 2:21

Mat A̱gwaza yei nyin nyi nyia̱ a̱tan nta̱m, ku di̱ ta̱m hu na yet nyin si̱ swuo a̱bung hwa, ma̱nang Kristi ku nswuo a̱bung da̱nian nyin a̱ni. Nggu wa yet nyin kidee ji. A̱wot ku yet ta hwa nyi khwi ngguu.

1 Bitut 5:3

Nyi yok chat nyia̱ á̱niet ba nang á̱ tyei nyin ndyo mbwak a̱ni tyok mi̱ chet bah. A̱wot yok swat nyin hu nang a̱tyu kwak a̱son ku yet a̱tsatsak kidee nang ba̱ na khwi a̱ni.

1 Yoona 2:6

Á̱niet ba ba̱ tak nyia̱ ba̱ shya̱ ndung ma̱ng A̱gwaza a̱ni, ku yet ta hwa ba̱ swan ma̱nang Yesu nswan a̱ni.