Yoona 13:14 - A̠lyiat A̠gwaza na di̠n Tyap: A̠li̠ka̠uli A̠fai

¹⁴ Ka̱ n gyet A̱tyoli nyin ma̱ng A̱tyu tyiet nyin, a̱mgba̱m ma̱ng a̱nia n si̱ nkwi nyin a̱ti̱tak; nyin mameang ku myim nyi kwi á̱ghyang nyin ndyo.

Yoona 13:14 Iomraidhean Croise

Yoona 11:2

Laaza̱rut, a̱ ku nyia̱ ma̱ng zwan ji a̱ni, a̱ ku yet a̱na̱nyiuk Ma̱ryamu wa. (Ma̱ryamu wuni wa, na kwon Yesu a̱sham a̱myia̱ ka, ka̱ nyui turare a̱ni; a̱wot a̱ lyang a̱ti̱tak Yesu ba ma̱ng pyia̱ nggu hu.)

Nta̱m A̱yaata̱m 20:35

A̱wot mami kuzang kyang, n si̱ ngyet kidee di̱ si̱sak ji nyi na nnyia̱ ta̱m ma̱ng chet, da̱nian nyi ka mbeang á̱niet ba̱ sang kyang a̱ni. Nyi bu jhyung a̱lyiat A̱tyoli Yesu na nyia̱, ‘Nang a̱yin kyang byia̱ kpangti̱n a̱ lan si̱sak nang a na nsan kyang ma̱ng a̱yin a̱ni.’ ”

A̱romawa 12:10

Nyi chat á̱ghyang nyin ma̱ng fwuo nyiung nang á̱na̱nyiuk mi̱ khwi Kristi a̱ni. A̱wot nyi fwuong di̱dang di̱ nwuat á̱ghyang nyin shi swak á̱pyia̱ nyin.

A̱romawa 12:16

Nyi swan swat mun á̱pyia̱ ma̱ng á̱ghyang. Nyi yok gba̱p a̱pyia̱. Nyi shim nyi nyia̱ á̱ghyang á̱niet nta̱m nang nyi wa yet á̱khwo mba bya a̱ni. Nyi nyia̱ kpa̱ndang ma̱ng á̱niet ba̱ yet á̱kunak, nang á̱ghyang á̱niet jhyuai a̱ni. A̱wot nyi yok dam nyi yet á̱niet mumwang, nyi si̱ lyen kuzang kyang bah.

1 A̱korontiyawa 12:3

Mat a̱nia, n chat nyi lyen nang á̱ mbyia̱ a̱tyu nang A̱za̱za̱rak Ntswa A̱gwaza na tyia̱ gu gu shyi Yesu a̱ni bah. A̱tyu a̱ na hyia̱ nang Yesu wa ngyet A̱tyoli wu a̱ni; nggu wa ma̱ nyin gu yet a̱tyu nang A̱za̱za̱rak Ntswa A̱gwaza wu shya̱ ndung ma̱ng a̱nggu a̱ni.

1 A̱korontiyawa 8:13

Mat a̱nia, ki̱ kyayak nang n na ngya a̱ni, na tyia̱ a̱tyu khwi a̱ghyang a̱ nyia̱ a̱ka̱tuk, n bu na mak ngya ku nam mi̱ swat nung hu bah; kalak n du tyia̱ a̱tyu khwi a̱ghyang gu ga̱u gu kwa di̱ khwi Yesu hu.

2 A̱korontiyawa 10:1

Ma̱ninika, nung Bulut, n naai nyin mami a̱lyoot Kristi, a̱ yet a̱shonshyon a̱ si̱ bu byia̱ shok a̱ni. Ku nang n dyen nyi kyiak nyia̱; n ni̱ ntyia̱ shi̱ri̱ng ki̱ n shya̱ da̱ a̱vwuo nyin a̱ni, a̱wot n ni̱ ngbang a̱lyia̱ ki̱ n shya̱ zan n dyuut nyin dyo.

2 A̱korontiyawa 8:9

Nyi lyen nang A̱tyoli Yesu Kristi nzi̱t wu mbyia̱ shok gba̱mgbam, a̱ ni̱ nwuat mi̱ fwuo nyiung. Ku nang gu ngyet a̱tyu nzwa a̱ni, a̱mgba̱m ma̱ng a̱nia, a̱ si̱ ghwon zwá nggu ji da̱nian nyin, mami kunak nggu hu. A̱ si̱ tyia̱ nyin nyi ka yet á̱niet nzwá.

A̱ga̱la̱tiyawa 5:13

Nyin á̱niet khwi Yesu ba nang n chat a̱ni, á̱ yorong nyin nyi swan swat sa̱t. A̱mgba̱m ma̱ng a̱nia, nyi yok shim swat sa̱t nyin hu ma̱ng khwi doká ji, ku yet nyin jat fa̱k nyinyang za̱kwa nyia̱ a̱ka̱tuk nyia̱ bah. Da̱ a̱kwonu a̱kya, nyi yok sa̱t nyin hu ku tyia̱ nyi chat á̱ghyang, nyi nyia̱ á̱ghyang nyin nta̱m.

A̱filibiyawa 2:11

A̱wot kuzang a̱yin na tak kpa̱sai nang Yesu Kristi wa ngyet A̱tyoli wu; mat a̱nia, a̱mgba̱m á̱niet ba na dyep A̱gwaza a̱ yet A̱tyia̱ wu a̱ni.

1 Timoti 5:10

A̱ si̱ bu yet a̱byii̱k nang á̱ dyep di̱ nyia̱ a̱tan nkyang a̱ni. A̱wot a̱ si̱ go mman nggu na shansham, a̱ si̱ saai á̱nietchen a̱mali nggu ka, a̱ si̱ bu nyia̱ á̱niet nta̱m A̱gwaza ba a̱tan nta̱m ma̱ng ghyuai a̱pyia̱. A̱ si̱ beang á̱niet ba̱ swuo a̱bung a̱ni, a̱wot a̱ bu nwuak a̱pyia̱ nggu a̱mgba̱m di̱ nyia̱ kuzang tangka̱i kyang ku yet a̱tan a̱ni.

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.

1 Bitut 4:1

Mat a̱nia, nang Yesu nswuo a̱bung mi̱ vam a̱ni, ku yet ta hwa nyi yong mi̱ chet ma̱nang a̱nggu a̱ni. A̱wot nyi swan ma̱ng la̱p vam fwuong swuo a̱bung meang. Mat ka̱ nyi swuo a̱bung da̱nian Kristi, ku tak nang a̱ka̱tuk nyia̱ bu byia̱ tyok tazwa nyin bah.

1 Bitut 5:5

Ma a̱nia wa, nyin nfi̱ng á̱niet na, ku yet ta hwa nyi khwi tyok á̱niet khwop á̱niet hu. A̱wot a̱mgba̱m nyin, nyi beang á̱ghyang kuzang jen. Nyi yok nyia̱ gba̱p a̱pyia̱ bah, ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱gwaza lak gba̱p a̱pyia̱ á̱nietbishyi. A̱wot a̱ si̱ fa̱k shok á̱niet ba̱ ghyuai pyipyia̱ mba da̱ a̱vwuo nggu a̱ni.”