Yoona 13:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Nang Yesu ntyak kwi mba a̱ti̱tak ba a̱ni, a̱ si̱ kyiak a̱ta̱swak nggu wu, a̱ si̱ kup. A̱ si̱ bwuok a̱ nat di̱ tyan swat nggu ji, a̱ si̱si̱ swan a̱byin. A̱jawa gu si̱ lyip ba nyia̱, “Nyi fi̱k kyang hu nang n nyia̱ nyin ndyo a̱ni a?

Yoona 13:12 Iomraidhean Croise

Matyu 13:51

Yesu si̱ lyip mman ta̱m nggu na nyia̱, “Nyi fi̱k a̱mgba̱m tyiet huni a?” Ba̱ si̱ nwuak gu shim nyia̱, “Ii, zi̱ fi̱k hu.”

Ma̱rkut 4:13

Huhwa Yesu si̱ nyia̱ ma̱ng a̱mba a̱ni, “Nyi fi̱k kidee jini baa? Nyi na nyia̱ ni wa nyi nfi̱k kidee jhyáng?

Luka 22:27

A̱nyan wa swak ma̱ng shi hu; a̱tyu a̱ swan a̱ ya kyayak hu a̱ni a, ke a̱tyu a̱ ka̱u kyayak hu a̱ni? A̱tsak a̱lyiat, a̱tyu a̱ swan a̱ ya kyayak hu a̱ni; nggu wa swak ma̱ng shi hu. A̱wot a̱nia wa ku ndi ma̱ng a̱nyin bah! Mat, nung n shya̱ ndung ma̱ng a̱nyin, n si̱ nyia̱ nyin nta̱m nang a̱khwo a̱ni.

Yoona 13:4

Di̱n jen nang ba̱ nshya̱ di̱ ya kyayak hu a̱ni, Yesu si̱ kin doot a̱ yong. A̱ si̱ khwuk a̱toot nang gu kup a̱ni. A̱ si̱ ghwon a̱si̱ mami wu, a̱ si̱ kyiak ta̱wul, a̱ si̱ gaat ndyang.

Yoona 13:7

A̱jawa Yesu si̱ nwuak gu shim nyia̱, “Ma̱ninika, a si̱ mi̱n dyen kyang hu nang n nyia̱ a̱ni bah. A̱wot a bye fi̱k hu di̱n jen jhyang.”