Yoona 13:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Yesu si̱ bu nyia̱, “Ka̱ a̱yin ka̱n swuo, vam nggu hu ni̱ tyia̱ a̱za̱za̱rak wa. Á̱ bu si̱ mi̱n swuo nggu bah, ku myim á̱ kwi nggu a̱ti̱tak bya ma̱nyin mba. Mat a̱nia, a̱mgba̱m nyin nyi yet á̱za̱za̱rak á̱niet bya, kang ma̱ng a̱tyo nyiung.”

Yoona 13:10 Iomraidhean Croise

Matyu 6:12

Chi a̱ka̱tuk nyia̱ wu nang zi̱ nyia̱ ang ndyo a̱ni, ma̱nang zi̱ nchi a̱bun nang á̱ghyang á̱niet bwoi nzi̱t ndyo a̱ni.

Yoona 13:18

“A̱mgba̱m nyin wa nang n dyiat bah. N dyen á̱niet ba nang n ku nkhai ma̱ nyin a̱ni. A̱mgba̱m ma̱ng a̱nia, ku yet ta hwa A̱lyiat A̱gwaza na na̱ bai cha̱chaat nyia̱, ‘A̱tyu a̱ ya kyayak hu ma̱ng a̱nung a̱ni, a̱ bwuak a̱ si̱ tyia̱ a̱tyu lak li nung.’

Yoona 13:9

Bitut si̱ nyia̱, “A̱tyoli nung, ka̱ a̱nia wa, ma̱ a̱ti̱tak bya ma̱nyin ba nang a na kwi bah. N chat a mun kwi mbwak nung na ma̱ng a̱pyia̱ nung ka mbeang!”

Yoona 15:3

Nyin ma̱ninika, nyi yet á̱za̱za̱rak á̱niet bya. Mat a̱lyiat na nang n hyia̱ ma̱ng a̱nyin a̱ni.

2 A̱korontiyawa 5:17

Si̱ huni fa, kuzang a̱yin a̱ mun a̱pyia̱ ma̱ng Yesu Kristi a̱ni, a̱ yet á̱niet a̱fai wa nang A̱gwaza sii mat a̱ni. A̱khwukhwop nswat nggu wu swak, a̱wot a̱ si̱ nwuo swan swat fai.

2 A̱korontiyawa 5:21

Mat A̱gwaza tyia̱ Kristi, a̱ ka̱ nwai nyia̱ a̱ka̱tuk nyia̱ a̱ni, gu yet za̱nang a̱ka̱tuk nyia̱ nzi̱t. Da̱nian A̱gwaza a̱ ka tak kpa̱sai nang gu nkyiak nzi̱t á̱tsotswat á̱niet sang a̱bun a̱zaghyi nggu, di̱n vak Kristi.

2 A̱korontiyawa 7:1

Nyin á̱niet khwi Yesu ba nang n chat a̱ni, mat nang A̱gwaza ka̱n nda̱p nkyang nani a̱ sak a̱ni, si̱ zi̱ ghwon a̱ka̱tuk nyia̱ a̱ tyei nzi̱t a̱na̱ndyung mi̱ nvam nzi̱t na ma̱ng tswá nzi̱t ji a̱ni. A̱wot yok zi̱ ntyia̱ a̱lyia̱, zi̱ yet á̱za̱za̱rak á̱niet, mat zi̱ fwuong a̱wun A̱gwaza.

1 A̱ta̱solonikawa 5:23

Ma̱ninika, yok A̱gwaza ma̱ a̱pyia̱ gu a̱ nwuat swat nyinyang a̱ni, gu jaat a̱mgba̱m nyin nyi yet a̱za̱za̱rak a̱jhyem. Yok á̱ bu tyia̱ a̱mgba̱m tswá nyin ji, nfwuo nyin na, ma̱ng nvam nyin na, na̱ sang a̱bun, si̱ nat jen ji nang A̱tyoli nzi̱t wu, Yesu Kristi, na mbwuok a̱ bai a̱ni.

Ibriniyawa 9:10

Mat a̱khwukhwop ta̱m pris wuni, yet ma̱ a̱lyiat kyayak nang á̱ ya, á̱ tsa á̱ swuo, ma̱ng kwi nkap di̱ nche di̱ nche na̱ yet mi̱ taada ja a̱ni. Taada jini yet doká vam ja nang ba̱ ku nyia̱ nta̱m na ma̱ng á̱nji, si̱ nat jen nang A̱gwaza na nkpaat ta̱m pris fai ku swak ma̱ng yet a̱ni.

Yakubu 3:2

A̱tsak a̱lyiat, a̱mgba̱m nzi̱t, zi̱ ni̱ ghyuap. Ka̱ á̱ mbyia̱ a̱yin ma̱ nzi̱t a̱ ni̱ nwai ghyuap mami a̱lyiat nggu na a̱ni, a̱tyu a̱wa yet a̱tsatsak a̱yin wa, a̱ maai a̱ chok a̱pyia̱ gu a̱mgba̱m.