Yoona 13:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Neet nang jen song A̱yet Ghwut Mman Isi̱rela mi̱ Khwo ji ka̱ mbai bah, Yesu ku mi̱ ndyen nang jen gu na nghwon swanta huni gu bwuok a̱ nat da̱ a̱vwuo A̱tyia̱ nggu. Mat nang Yesu nchat á̱niet nggu ba, ba̱ shya̱ mi̱ swanta hu a̱ni. A̱wot a̱ si̱ bu tak mba tangka̱i a̱jhyem chat nang gu byia̱ da̱nian mba a̱ni.

Yoona 13:1 Iomraidhean Croise

Matyu 26:45

A̱ si̱ bu bwuok, a̱ ba̱ shya̱ mman ta̱m na, a̱ si̱ nyia̱ ma̱ng a̱mba, “Nyi ni̱ ya a̱son mi̱ nda na fwung waa? Kaai, nyi doot, jen ji nyia̱! A̱wot nyi li la! Ma̱ninika, á̱ nwuak Nggwon A̱tyubishyi mbwak á̱ka̱tuk á̱niet.

Matyu 28:20

Nyi bu tyiet mman ta̱m á̱fai na na̱ bu khwi a̱mgba̱m tyiet nang n tak nyin a̱ni. A̱wot nyi nwuak a̱chuchuk, n ni̱ shya̱ ndung ma̱ng a̱nyin kuzang jen, si̱ nat a̱mgba̱m che wu!”

Luka 22:53

Kuzang a̱tuk n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka. Da̱ nyin, nyi ta̱bat nung mi̱ jen a̱ja bah. A̱wot jen jini yet si̱ nyin ja. Jen jini ja nang a̱ka̱tuk ndyin nnyia̱ tyok mi̱ swanta hu.”

Luka 9:51

Nang jen nshya̱i a̱ bai kpa̱mkpaan á̱ kyiak Yesu á̱ nat ndyo Ma A̱gwaza tswazwa a̱ni; huhwa Yesu si̱ la̱p mi̱ fwuo a̱ nat Urusha̱lima.

Yoona 11:55

Nang A̱yet Ghwut Mman Isi̱rela mi̱ Khwo wu ku mbai kpa̱mkpaan a̱ni, á̱niet ma̱ a̱di̱di̱t si̱ ghwut á̱ neet ma̱ bachyuang a̱ka̱keang. Ba̱ si̱ nat Urusha̱lima da̱nian ba̱ ka nyia̱ taada kwi vam hu á̱ nfwuong jen Song A̱yet ji.

Yoona 12:23

Huhwa Yesu si̱ nwuak ba shim nyia̱, “Jen nyia̱ nang á̱ na nnwuak Nggwon A̱tyubishyi a̱kyenkyai shi a̱ni.

Yoona 13:29

Mat nang Yahuda wa ku mba̱ng a̱burga kurum mba wu a̱ni; huhwa si̱ mbyia̱ á̱ghyang á̱niet mami mman ta̱m na ku fa Yesu shei ma̱ng a̱nggu gu san kyang nang á̱ na chat ma̱ A̱yet wu a̱ni; kalak ke gu ma nchat kyang gu mbeang á̱kunak ni̱nia a̱ni.

Yoona 13:3

Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 13:34

Doka swai ja nang n nwuat nyin: Nyi chat á̱ghyang nyin! Ma̱nang n chat nyin a̱ni; ma a̱nia wa nyin mameang, nyi na nchat á̱ghyang.

Yoona 14:28

Nyi jhyung n hyia̱ ma̱ nyin nyia̱; n na nat mbwuok mbai da̱ a̱vwuo nyin. Ka̱ nyi wa chat nung, si̱ nyi gwai nang n naat da̱ a̱vwuo A̱tyia̱ nung a̱ni. Mat A̱tyia̱ nung wu shi a̱ lan nung.

Yoona 14:31

Ma̱ng a̱nia, ku myim swanta hu ku lyen nang n chat A̱tyia̱ wu. Huhwa mbyia̱ nang n nyia̱ kuzang kyang cha̱chaat nang gu ntak ma̱ng a̱nung n nyia̱ a̱ni.” “To, nyi bai zi̱ doot zi̱ ghwon a̱vwuo kani!”

Yoona 16:28

N ghwut neet da̱ a̱vwuo A̱tyia̱ kikya, n si̱ mbai mi̱ swanta hu. A̱wot ma̱ninika, n na ghwon swanta hu, n bwuok nat da̱ a̱vwuo A̱tyia̱ nung ka.”

Yoona 17:1

Nang Yesu ntyak á̱lyiat nani a̱ni, huhwa gu si̱ gba̱t á̱ghyi, a̱ si̱ nwuan Ma A̱gwaza tswazwa. A̱ si̱ naai nyia̱, “A̱tyia̱ nung, jen nyia̱. Nwuak nggwon ang ka shi; nka mameang, ka̱ ma nwuak ang shi.

Yoona 17:16

Ba̱ yet á̱si̱ mi̱ swanta bya bah, ma̱nang nung n nwai ngyet a̱tyu mi̱ swanta wu a̱ni.

Yoona 17:26

N si̱ ntyai mba si̱sak ji nang za̱kwa ang ji ndi a̱ni. A̱wot n bu na ngya a̱son ma̱ng tyai mba ndyo hu. Da̱nian mba, ba̱ ma nshya̱ tangka̱i chat nang a tak nung a̱ni; nung mameang, n swan dundung ma̱ng a̱mba.”

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 18:4

Yesu mameang ku lyen a̱mgba̱m kyang hu ku na shya̱ nggu a̱ni. Huhwa si̱ mbyia̱ a̱ si̱ ghwut mami mman ta̱m nggu na a̱ bai a̱zanson. A̱ si̱ nyia̱ ma̱ng a̱mba, “A̱nyan wa nang nyi chat?”

Yoona 19:28

Yesu lyen nang di̱ yong huni, kuzang kyang mbai tyak. A̱wot da̱nian kuzang kyang hu ka nat cha̱chaat nang á̱ ku ndyuut mami A̱lyiat A̱gwaza na a̱ni; huhwa si̱ mbyia̱, a̱ si̱ nyia̱, “N fwuong mashyi.”

Yoona 2:13

Nang jen song A̱yet Ghwut Mman Isi̱rela mi̱ Khwo ji nshim bai kpa̱mkpaan a̱ni, a̱jawa Yesu si̱ doot a̱ nat Urusha̱lima.

Yoona 6:4

A̱wot nang A̱yet Ghwut Mman Isi̱rela mi̱ Khwo wu mbai kpa̱mkpaan a̱ni,

Yoona 7:30

Huhwa, ba̱ si̱ chat ba̱ ta̱bat gu. A̱wot a̱yin si̱ sak gu bwak bah. Mat jen a̱khwu nggu ji ka̱n nyia̱ bah.

Yoona 7:6

Yesu si̱ nyia̱ ma̱ng á̱na̱nyiuk nggu ba a̱ni, “Jen nung ji ka̱n nyia̱ bah. A̱wot nyin, kuzang jen yet si̱ nyin ja.

Yoona 8:20

Yesu ku lyiat a̱lyiat nani di̱n jen tyiet nggu ji mi̱ didyaat A̱li Nwuat Za̱nang A̱gwaza, nang gu shya̱ kpa̱mkpaan ma̱ng a̱vwuo khwot kurum ka. A̱mgba̱m ma̱ng a̱nia, á̱ ku mbyia̱ a̱tyu a̱ na ta̱bat gu a̱ni bah; mat nang jen nta̱bat gu ji ka̱n nyia̱ bah.

A̱romawa 8:37

A̱mgba̱m ma̱ng a̱nia, á̱ mbyia̱ kyang ku na vwuong A̱gwaza chat zi̱t a̱ni bah. A̱mgba̱m ma̱ng á̱ka̱tuk nkyang nani, zi̱ swuo chet na ma̱ za̱nzan, mat Kristi a̱tyu a̱ chat zi̱t a̱ni.

1 A̱korontiyawa 1:8

A̱ na tyia̱ nyin nyi yong mi̱ chet nang á̱niet khwi a̱ni si̱ nat sangba̱p. Da̱nian nyi ka yet á̱niet sang a̱bun a̱tuk nang Yesu Kristi A̱tyoli nzi̱t wu na mbwuok a̱ bai a̱ni.

Ibriniyawa 3:14

Mat ki̱ zi̱ nyia̱ tsotswat si̱ nat sangba̱p swuan nzi̱t ji, zi̱ si̱ yong mi̱ chet di̱ nwuak fwuo da̱ A̱gwaza, ma̱nang zi̱ ku ntsa nwuak fwuo hu a̱ni; a̱mgba̱m nzi̱t, zi̱ na yet á̱kpa̱ndang ta̱m zi̱ ya gado dundung ma̱ng Kristi.

Ibriniyawa 3:6

A̱wot Kristi si̱ nyia̱ tsotswat mat a̱ yet Nggwon kya nang á̱ tyia̱ nggu a̱li A̱gwaza ka mbwak a̱ni. A̱wot zi̱ bya li nang a̱li A̱gwaza ka a̱ni, ka̱ zi̱ gbang a̱lyia̱, zi̱ si̱ nwuak a̱chuchuk di̱ tyia̱ fwuo nzi̱t hu di̱ Kristi.

Ibriniyawa 6:11

Zi̱ chat ba̱t nyi ntyia̱ a̱lyia̱, nyi ya a̱son ma̱ng chat á̱ghyang nyin hu, si̱ nat jen nang Yesu na mbwuok a̱ni. Mat nyi ka lyen za̱m nang nkyang nang nyi ntyia̱ fwuo hu a̱ni, na̱ na yet a̱tsatsak a̱lyiat wa.

1 Bitut 1:13

Mat a̱nia, nyi nyia̱ a̱tsatsak a̱di̱dam. Nyi bu swan mi̱ la̱p vam ma̱ng ta̱bat a̱pyia̱. Nyi tyia̱ fwuo di̱n shok san sang sangba̱p ji nang nyi na shya̱ di̱n jen nang Yesu Kristi na ntyai a̱kyenkyai shi nggu wu a̱ni.

1 Yoona 4:19

Zi̱ chat á̱ghyang, mat A̱gwaza wa tsa chat zi̱t hu.

Tyai Á̱zanson 1:5

Byat hu si̱ bu neet da̱ a̱vwuo Yesu Kristi. Nggu wa yet a̱tsotswat a̱tyu a̱ nwuak sheda tazwa nkyang nani a̱ni. Nggu wa si̱ bu yet a̱tyu nang A̱gwaza tsa ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa bu nyia̱ tyok tazwa a̱mgba̱m á̱gwam swanta ba. Yok a̱mgba̱m a̱kyenkyai shi a̱ yet si̱ ngguu. Mat a̱ chat zi̱t, a̱ si̱ ti̱n zi̱t ma̱ a̱ka̱tuk nyia̱ nzi̱t wu, di̱ nwuak a̱sok nggu na da̱nian zi̱t.