Yoona 12:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Nang A̱yahudawa ma̱ a̱di̱di̱t ku nfa̱k nkhang nyia̱ Yesu shya̱ ma̱ a̱keang Ba̱ta̱ni ka a̱ni; ba̱ si̱ ghwut ba̱ si̱ bai, da̱nian ba̱ ka li Yesu wa ma̱nyin gu bah; ba̱ ku chat ba̱ bu ndi Laaza̱rut wa; a̱tyu nang Yesu ku ta̱ngam ma̱ng swuan ma̱ á̱niet ba̱ ka̱n kwi a̱ni.

Yoona 12:9 Iomraidhean Croise

Ma̱rkut 12:37

“Ki̱ Da̱wuda ma̱ a̱pyia̱ nggu ngyei Kristi ‘A̱tyoli’ nggu wu; ku na li ni wa gu bu ngyet a̱ka̱mbwon gu?” A̱gba̱ndang á̱kpa á̱niet si̱ myiai a̱fufwuo á̱ fwuong guu ma̱ng a̱gwai.

Yoona 12:1

Mam a̱taa nia bwat á̱ nwuo A̱yet Ghwut Mman Isi̱rela mi̱ Khwo hu, Yesu si̱ doot a̱ si̱ nat Ba̱ta̱ni di̱ tyan nang Laaza̱rut nshya̱ a̱ni. Nggu wa yet a̱tyu a̱ ku khwu, á̱ si̱ niat; a̱wot Yesu si̱ shyip gu ma̱ng swuan ma̱ á̱niet ba̱ ka̱n kwi a̱ni.

Yoona 12:10

A̱jawa, a̱cha̱chet a̱yaapris ba si̱ la̱p a̱nu nyia̱ ba̱ na hyat Laaza̱rut mameang.

Yoona 12:12

Da̱ a̱tsotson tat ka, á̱niet ma̱ a̱di̱di̱t ba̱ ku bai song A̱yet Ghwut Mman Isi̱rela mi̱ Khwo hu a̱ni; nang ba̱ ku nfa̱k nyia̱ Yesu shya̱ di̱n vak chobai Urusha̱lima a̱ni;

Yoona 12:17

Á̱kpa á̱niet ba̱ ku shya̱ dundung ma̱ng Yesu di̱n jen nang gu ku ngyorong Laaza̱rut a̱ si̱ ghwut ma̱ a̱bi ka a̱ni; a̱wot a̱ si̱ bu ta̱ngam guu ma̱ng swuan ma̱ á̱niet ba̱ ka̱n kwi a̱ni; bibya ku yong mi̱ di̱ shei á̱niet ba kpa̱sai tazwa kyang hu nang Yesu ku nyia̱ a̱ni.

Nta̱m A̱yaata̱m 4:14

A̱mgba̱m ma̱ng a̱nia, á̱niet a̱gba̱ndang a̱tung ba si̱ kaat kyang bah. Mat ba̱ ku li a̱tyu nang á̱ choot a̱ni, nang gu yong dundung ma̱ng Bitut ma̱ng Yoona.