Yoona 12:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Yahuda ku hyia̱ a̱lyiat nani mat nang gu nchat á̱kunak ni̱nia a̱ni bah; a̱wot mat nang gu ngyet a̱tang wa a̱ni. Nggu wa ku yet a̱tyu ba̱ng gumaat kurum ji. A̱ ku nyiin a̱ tsa a̱ bu mbwoi pinchee mami.

Yoona 12:6 Iomraidhean Croise

Matyu 21:13

Yesu si̱ nyia̱ ma̱ng a̱mba, “Á̱ lyuut mami A̱lyiat A̱gwaza na nyia̱, ‘Á̱ na ngyei a̱li nung ka, A̱li naai A̱gwaza.’ “A̱wot nyi bwuak ka ntyia̱ kuu ya̱khwi á̱niet á̱tsaai!”

Luka 8:3

Yowana, a̱byii̱k Kuza, ku mun a̱ nshya̱. A̱tyok nggu wu wa ku yet byia̱k a̱gwam Hiridut ji; mbeang Suzana ma̱ng á̱nyiuk á̱ghyang ma̱ a̱di̱di̱t; ba̱ ku nwuak kurum nang ba̱ byia̱ a̱ni ba̱ si̱ mbeang Yesu ma̱ng mman ta̱m nggu na.

Yoona 10:13

Mat, a̱ nyia̱ ta̱m a̱tan gu zang ja. Zón seap ji yet si̱ nggu ja bah. A̱wot a̱ chok ji shansham bah.

Yoona 12:5

“Yihwa mbyia̱ á̱ ndak lyap a̱myia̱ nani, á̱ si̱ ka̱u á̱kunak na kurum hu?! Kurum a̱myia̱ hu tat si̱ nta̱m a̱lyia̱ a̱nyiung!”

Yoona 13:29

Mat nang Yahuda wa ku mba̱ng a̱burga kurum mba wu a̱ni; huhwa si̱ mbyia̱ á̱ghyang á̱niet mami mman ta̱m na ku fa Yesu shei ma̱ng a̱nggu gu san kyang nang á̱ na chat ma̱ A̱yet wu a̱ni; kalak ke gu ma nchat kyang gu mbeang á̱kunak ni̱nia a̱ni.

1 A̱korontiyawa 6:10

ku á̱tang; ku á̱niet wuwok di̱ chat nkyang swanta; ku á̱niet hyeng a̱kan; ku á̱niet fwoi á̱niet; ku á̱niet ba̱ shyuo á̱ghyang a̱ni; á̱ mbyia̱ a̱yin ma̱ mba a̱ na shya̱ gado mi̱ Tyok A̱gwaza hu a̱ni bah.

A̱ga̱la̱tiyawa 2:10

Mi̱ kyang nyiung hwa, nang ba̱ ku nyia̱ zi̱ yok bwung bah, huhwa yet; zi̱ ya a̱son ma̱ng beang á̱kunak na. Nung meang, n si̱ mbyia̱ fwuo za̱m n nyia̱ ta̱m a̱hwa.

1 A̱ta̱solonikawa 5:22

Nyi ni̱ ntyong kuzang tangka̱i a̱ka̱tuk a̱lyiat.

Yakubu 2:2

Kidee, ki̱ nyi shya̱ ma̱ a̱tung sot á̱niet khwi, a̱yin si̱ bai nang gu kup a̱tsatsak a̱yaatoot, a̱ si̱ tyia̱ nyuák ji̱ yet a̱mya̱myat ji̱ byia̱ kurum a̱ni mi̱ ga̱swuong; a̱wot a̱ghyang a̱niet si̱ ma mbai a̱ yet a̱kunak kya, a̱ si̱ kup a̱kyakyak a̱yaatoot.

Yakubu 2:6

A̱wot nyi jhyuai á̱kunak na! Mee á̱niet nzwá bibya shyui nyin, ba̱ si̱ kwak nyin á̱ chong ndyo mi̱ tutu shi̱ri̱ya hu baa?