Yoona 12:48 - A̠lyiat A̠gwaza na di̠n Tyap: A̠li̠ka̠uli A̠fai

⁴⁸ “A̱tyu a̱ lak nung, a̱wot a̱ si̱ lak san a̱lyiat nung na a̱ni; a̱tyu a̱wa byia̱ a̱tyu á̱ na nyia̱ gu shi̱ri̱ya a̱ni. A̱lyiat na nang n dyiat a̱ni, ni̱nia na faat gu shi̱ri̱ya ji a̱tuk mam ngaan ka.

Yoona 12:48 Iomraidhean Croise

Matyu 10:15

N tak nyin a̱tsak a̱lyiat, a̱tuk mam shi̱ri̱ya A̱gwaza ka, a̱bung nang á̱niet ma̱ a̱keang a̱bya na swuo a̱ni, na swak a̱bung nang a̱ka̱tuk a̱ka̱keang Sodom ma̱ng Goma̱ra ku swuo a̱ni za̱m.”

Matyu 21:42

A̱jawa Yesu si̱ lyip ba nyia̱, “Nyi ka̱n fang A̱lyiat A̱gwaza na nang á̱ lyuut a̱ni baa? Nyia̱, ‘A̱fang ka nang á̱niet nok ba lak a̱ni, kikya nang á̱ kpaat da̱ a̱ta̱m kuntyin nok ka. Si̱ huni yet ta̱m A̱gwaza hwa. A̱wot ku yet kyang a̱ga̱de hwa da̱ a̱vwuo nzi̱t.’

Matyu 25:31

“Jen nang Nggwon A̱tyubishyi na mbwuok a̱ bai ma̱ng a̱kyenkyai shi nka wu ndung ma̱ng a̱mgba̱m a̱yaata̱m tswá nggu ba a̱ni, a̱ na swan da̱ a̱gba̱ndang chuk tyok nggu ji, ji̱ byia̱ shi a̱ni.

Ma̱rkut 12:10

Nyi ka̱n fang ma̱ A̱lyiat A̱gwaza na nang á̱ ndyuut a̱ni baa? Nyia̱, ‘A̱fang ka nang á̱niet nok ba lak a̱ni; kikya nang á̱ kpaat da̱ a̱ta̱m kuntyin nok ka.

Ma̱rkut 16:16

Konyan wa nwuak fwuo da̱ nung, a̱wot á̱ si̱ nyia̱ nggu ba̱ptisman, a̱ na shya̱ san. A̱wot konyan wa ma ndak nwuak fwuo da̱ nung, á̱ na faat gu shi̱ri̱ya a̱khwu.

Ma̱rkut 8:31

A̱wot Yesu si̱ nwuo tyiet mman ta̱m nggu na tazwa a̱pyia̱ gu nyia̱; ku yet ta hwa Nggwon A̱tyubishyi ka̱ swuo a̱bung da̱ a̱ka̱tuk nkyang ma̱ a̱di̱di̱t. A̱wot á̱niet khwop á̱niet, a̱cha̱chet a̱yaapris, ma̱ng á̱niet tyiet doka na lak ka, á̱ bu hyat ka. A̱mgba̱m ma̱ng a̱nia, a̱tuk mam tat ka, ka̱ na doot ma̱ng swuan ma̱ á̱niet ba̱ ka̱n kwi a̱ni.

Luka 10:16

Yesu si̱ nyia̱ ma̱ng mman ta̱m nggu na, “Konyan wa san a̱lyiat nyin na mbwak nfeang, nung gwa nang gu san. A̱wot konyan wa lak san a̱lyiat nyin na mbwak nfeang, a̱ lak nung wa mameang. A̱wot konyan wa lak nung, a̱ lak A̱gwaza wa a̱ ta̱m nung a̱ni.”

Luka 17:25

A̱wot di̱n tsa hu, ku yet ta hwa Nggwon A̱tyubishyi ka̱ swuo a̱bung ba̱t, á̱niet che bani bu na lak li nkaa, mam a̱hwa ku sii bai.

Luka 20:17

Yesu si̱ sak ba á̱ghyi, a̱ si̱ nyia̱, “Yihwa nang A̱lyiat A̱gwaza nang á̱ lyuut a̱ni fa nyia̱, ‘A̱fang ka nang á̱niet nok ba lak a̱ni; kikya nang á̱ kpaat da̱ a̱ta̱m kuntyin nok ka.’

Luka 7:30

A̱wot A̱fa̱risawa ma̱ng a̱yaagwak lyen doka A̱gwaza ba si̱ lak kyang nang A̱gwaza la̱p a̱ sak a̱ni. Mat ba̱ ku lak san ba̱ptisman Yoona ji.

Luka 9:22

A̱ si̱ bu hyia̱ ma̱ng a̱mba, nyia̱, “Nung, Nggwon A̱tyubishyi, ku yet ta hwa n swuo a̱bung da̱ á̱ka̱tuk nkyang ma̱ a̱di̱di̱t. Á̱niet khwop á̱niet, a̱cha̱chet a̱yaapris, ma̱ng a̱yaagwak tyiet doka A̱gwaza na lak li nung. Á̱ na hyat nung. A̱wot a̱tuk mam tat ka, á̱ na ta̱ngam nung ma̱ng swuan ma̱ á̱niet ba̱ ka̱n kwi a̱ni.”

Luka 9:26

Ka̱ a̱yin fa̱k nsum nung ma̱ng tyiet nung hu; ma a̱nia wa nung Nggwon A̱tyubishyi, n bye fa̱k nsum guu di̱n jen nang n na mbwuok mbai mi̱ a̱kyenkyai shi nung wu, ma̱ng a̱si̱ A̱tyia̱ nung wu, mbeang á̱za̱za̱rak a̱yaata̱m tswá A̱gwaza ba a̱ni.

Yoona 11:24

Ma̱rta si̱ nwuak gu shim nyia̱, “N dyen nang gu bye doot ma̱ng swuan a̱tuk mam fak shi̱ri̱ya ngaan ka.”

Yoona 5:45

“Nyi yok nyia̱ a̱di̱dam nyia̱ n na mbat nyin a̱hyiak da̱ a̱vwuo A̱tyia̱ nung ka bah. A̱tyu a̱ na bat nyin a̱hyiak na a̱ni; nggu wa yet Musa. Nggu wa nang nyi mba̱ng fwuo hu.

Yoona 6:39

“Ta̱m A̱tyu a̱ ta̱m nung a̱ni, huhwa yet; ki̱ di̱ a̱tyo nyiung gu di̱ bwuk mami á̱niet nang gu nwuak nung a̱ni. A̱wot n ba̱ nta̱ngam mba ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.

Yoona 8:47

A̱tyu a̱ yet a̱si̱ A̱gwaza a̱ni, a̱ ni̱ myiai a̱fufwuo a̱ fa̱k a̱lyiat A̱gwaza na. Nyin, nyi yet á̱niet A̱gwaza bah. Huhwa mbyia̱ nyi si̱ mi̱n myiai a̱fufwuo nyi fa̱k a̱lyiat A̱gwaza na bah.”

Nta̱m A̱yaata̱m 17:31

Mat A̱gwaza ka̱n sak mam nang gu bye nnyia̱ a̱mgba̱m á̱niet mi̱ swanta ba a̱tsotswat shi̱ri̱ya, mat a̱tyu nang gu khai a̱ni. A̱wot a̱ si̱ tak konyan kpa̱sai a̱tyu a̱ na nyia̱ shi̱ri̱ya ji a̱ni. Nggu wa nang gu ta̱ngam ma̱ng swuan ma̱ á̱niet ba̱ ka̱n kwi a̱ni.”

Nta̱m A̱yaata̱m 3:23

Musa si̱ bu nyia̱, ‘A̱tyu a̱ lak myiai a̱fufwuo a̱ si̱ fa̱k a̱ta̱m a̱kwonu A̱gwaza a̱wa a̱ni, á̱ na fi̱n nggu á̱ ghwut ndyo ma̱ á̱niet A̱gwaza ba!’

A̱romawa 2:16

A̱wot A̱sham Nkhang nang n shei nyin a̱ni, kikya ka; mam chobai nang A̱gwaza na nnyia̱ á̱niet ba shi̱ri̱ya tazwa a̱di̱dam nang ba̱ nyia̱ di̱ niat mi̱ swat mba hu a̱ni. A̱wot Kristi Yesu wa nang A̱gwaza nwuak gu tyok nang gu na nnyia̱ konyan shi̱ri̱ya ji a̱ni.

2 A̱korontiyawa 4:3

Ka̱ ku li á ngyei á̱ kup A̱sham Nkhang ka nang zi̱ shei a̱ni ma̱ng a̱toot, á̱ kup ka mi̱ fwuo á̱niet ba̱ shya̱ di̱n vak a̱khwu sang sangba̱p a̱ni.

2 A̱ta̱solonikawa 1:8

Di̱n jen bwuok bai nggu ji, á̱niet ba ba̱ lak lyen nggu hu a̱ni, ma̱ng á̱si̱ ba ba̱ lak khwi A̱sham Nkhang A̱tyoli Yesu nzi̱t ka a̱ni, A̱gwaza na nyia̱ mba shi̱ri̱ya.

Ibriniyawa 10:25

A̱wot zi̱ yok ghwon tung ndung hu nang á̱niet khwi a̱ni bah, ma̱nang á̱ghyang á̱niet ni̱ nnyia̱ a̱ni. Da̱ a̱kwonu a̱kya, zi̱ ni̱ ntyia̱ á̱ghyang nzi̱t gba̱gbak, ma̱ninika, nang zi̱ ndi jen bwuok A̱tyoli Yesu ji mbai kpa̱mkpaan a̱ni.

Ibriniyawa 12:25

Nyi ta̱bam, kalak nyi du lak myiai a̱fufwuo nyi fa̱k A̱tyu a̱ gba nzi̱t a̱ni. Mat ka̱ á̱niet Isi̱rela ba ku shot bah, di̱n jen nang ba̱ ku ndak myiai a̱fufwuo ba̱ si̱ fa̱k a̱lyiat Musa na a̱ni, nggu a̱ ku yet a̱ta̱m A̱gwaza wu mi̱ swanta hu a̱ni; a̱wot ku na swak ma̱ng yet a̱ka̱tuk za̱m, ki̱ zi̱ lak fa̱k A̱tyu a̱ lyiat ma̱ng a̱nzi̱t neet Ma A̱gwaza tswazwa ka a̱ni! A̱tsak a̱lyiat, zi̱ na shot bah.

Ibriniyawa 2:3

Mat a̱nia, zi̱ na nyia̱ ni, zi̱ nshot swuo a̱bung hu, ka̱nang zi̱ lak khwi nkhang a̱gba̱ndang san sang sangba̱p wu nang A̱tyoli Yesu ma̱ a̱pyia̱ nggu ku tsa shei hu a̱ni, a̱wot á̱niet ba̱ ku fa̱k a̱lyiat Yesu na a̱ni, ba̱ si̱ bu ta̱m ma̱ng a̱nzi̱t a̱tsatsak nta̱m a̱wa.

Ibriniyawa 4:12

Mat A̱lyiat A̱gwaza na yet a̱chet. A̱wot na̱ si̱ byia̱ chet ba̱t. Na̱ ya á̱ lan tswat ji̱ byia̱ nunu feang ji̱ si̱ ya ba̱t a̱ni, na̱ ni̱ kai á̱ nwuo a̱ka̱wa̱tyia̱ swuan ma̱ng tswa, ma̱ng nkap vam, ma̱ng fwu hu. Na̱ zop a̱di̱dam mi̱ fwuo nzi̱t wu, ma̱ng kyang hu zi̱ chat a̱ni, na̱ ghwut ndyo kpa̱sai.

1 Bitut 1:5

A̱wot mat si̱sak nang zi̱ nnwuak fwuo da̱ A̱gwaza a̱ni, a̱ si̱ chok zi̱t ma̱ng chet nggu hu, si̱ nang zi̱ nsan swuan sang sangba̱p ngaan ji, nang gu sak a̱ na tyai kpa̱sai, konyan a̱ ka lii da̱ ngaan jen wu a̱ni.

2 Bitut 3:3

Kyang nyiung nang n chat n jhyung nyin a̱ni, huhwa yet; di̱ ngaan njen wu, nang Yesu ka̱n bwuok a̱ bai bah, á̱niet na ghwut ba̱ mai á̱niet khwi ba di̱ lihyat tazwa bwuok bai Yesu hu. A̱wot ba̱ na khwi a̱ka̱tuk shyuo nfwuo mba wu.

2 Bitut 3:7

A̱wot ma a̱nia wa, ma̱ng swang a̱lyiat a̱bwonu nggu ja nang á̱ sak kyai tswazwa ma̱ng a̱byin ma̱ninika, ba̱ swan á̱ fwuong long A̱gwaza hu. Á̱ sak ba á̱ fwuong a̱tuk mam shi̱ri̱ya ka, nang á̱ na ntyak ma̱ng á̱niet ba ba̱ nwai khwi A̱gwaza wu a̱ni.