Yoona 12:46 - A̠lyiat A̠gwaza na di̠n Tyap: A̠li̠ka̠uli A̠fai

⁴⁶ N ku mbai mi̱ swanta hu. N si̱ ndi nang sai a̱ni, da̱nian konyan wa nwuak fwuo da̱ nung, a̱ si̱ mi̱n swan mi̱ ndyin bah.

Yoona 12:46 Iomraidhean Croise

Matyu 4:16

á̱niet ba̱ swan mi̱ ndyin a̱ni, ba̱ si̱ li a̱gba̱ndang sai. A̱wot á̱niet ba̱ swan ma̱ a̱ghwaghwu a̱khwu a̱ni, sai A̱gwaza si̱ bai da̱ mba.”

Luka 2:32

A̱ yet long sang ku na sai, ku tyai A̱gwaza kpa̱sai da̱ a̱vwuo Nnwap na̱ nwai yet A̱yahudawa a̱ni. A̱wot nggu wa bu na nwuak á̱niet Isi̱rela ba ba̱ yet á̱niet ang ba a̱ni shi.”

Yoona 1:9

Sai huni hwa ku yet a̱tsatsak wu. Ku na bai mi̱ swanta hu, ku sai tazwa a̱mgba̱m á̱nietbishyi ba.

Yoona 3:19

“Faat shi̱ri̱ya hu na li a̱ni wa; sai A̱gwaza hu ku bai mi̱ swanta hu. A̱mgba̱m ma̱ng a̱nia, á̱niet mi̱ swanta ba ku chat lyin hu a̱ lan sai A̱gwaza hu. Mat, ba̱ nyia̱ a̱ka̱tuk nyia̱.

Yoona 8:12

Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Yoona 9:39

Yesu si̱ nyia̱, “N bai mi̱ swanta hu, da̱nian n ka nghai á̱niet. M bai da̱nian á̱niet di̱ ba̱ nwuan a̱vwuo a̱ni bah, ba̱ ka shya̱ nwuan hu; a̱wot á̱niet ba̱ dam nyia̱ ba̱ nwuan a̱ni, ba̱ ka tyia̱ á̱niet a̱fi̱fan.”

Yoona 9:5

Jen nang n shya̱ mi̱ swanta hu a̱ni, nung gwa ngyet sai hu mi̱ swanta hu.”

Nta̱m A̱yaata̱m 26:18

Nwan wa na tat ba á̱ghyi ba, da̱nian ba̱ ka ghwut mi̱ ndyin, ba̱ nat da̱ a̱vwuo sai; a̱wot a tyia̱ ba̱ ghwut mi̱ ntyok A̱ta̱nyeang ba̱ nwuo Tyok A̱gwaza hu. A̱jawa A̱gwaza na chi a̱ka̱tuk nyia̱ mba wu. A̱wot ba̱ na shya̱ a̱vwuo nswat dundung ma̱ng á̱niet ba̱ yet á̱si̱ A̱gwaza a̱ni; bibya á̱ khap á̱ sak da̱nian ba̱ ka nwuak fwuo da̱ nung.’

A̱fisawa 5:14

Mat sai hu ni̱ tyia̱ á̱ li kuzang kyang kpa̱sai. Huhwa mbyia̱ á̱ nnyia̱, “Nwan a̱tyu a̱ khat nda a̱ni, shyip! Doot ma̱ng swuan ma̱ á̱niet ba̱ ka̱n kwi a̱ni! A̱wot Kristi na tyia̱ sai ku teak tazwa ang!”