Yoona 12:43 - A̠lyiat A̠gwaza na di̠n Tyap: A̠li̠ka̠uli A̠fai

⁴³ Mat ba̱ ku chat dyep da̱ a̱vwuo á̱nietbishyi a̱ swak si̱sak nang A̱gwaza na ndyep mba a̱ni.

Yoona 12:43 Iomraidhean Croise

Matyu 6:2

Mat a̱nia, ka̱ nyi na beang á̱kunak ma̱ng kurum, nyi yok nyia̱ ma̱nang á̱bubuk á̱niet ni̱ nyia̱ a̱ni bah. Ba̱ ni̱ tyiap gugwa ma̱ á̱tutu a̱tung A̱yahudawa ba ma̱ng nvak na, á̱niet ba̱ ka li a̱tan nta̱m mba wu kpa̱sai, á̱ chyin baa! N tak nyin a̱tsak a̱lyiat, ba̱ wa ka̱n san a̱mgba̱m zang mba ji.

Luka 16:15

Huhwa Yesu si̱ nyia̱ ma̱ng a̱mba a̱ni, “Nyin, nyi bya yet tangka̱i á̱niet ba̱ chat nyia̱ nkyang kpa̱sai da̱nian á̱niet ba̱ ka kwok nyin nang á̱tsotswat á̱niet a̱ni. A̱wot A̱gwaza wa za̱m lyen nkyang nang nyi nyia̱ a̱di̱dam mi̱ nfwuo nyin na a̱ni. A̱wot kyang nang á̱niet mi̱ swanta chyin nyia̱ ku yet a̱ni, da̱ a̱vwuo A̱gwaza ku yet a̱shi̱shi̱k kyang wa za̱m!”

Luka 19:17

“A̱jawa a̱tyoli wu si̱ nyia̱ ma̱ng a̱nggu, ‘Ku yet a̱sham! A yet a̱tan a̱khwo wa za̱m! Ma̱nang a nyia̱ tsotswat da̱ a̱bada̱dei kyang nang n tyia̱ ang ndyo mbwak a̱ni; mat a̱nia, n na ntyia̱ ang a nyia̱ tyok tazwa a̱ka̱keang swak. Huhwa na yet zang ang ji.’

Yoona 12:26

Konyan wa nyia̱ nung ta̱m a̱ni, ku yet ta hwa gu khwi nung. Mat a̱mgba̱m a̱vwuo ka nang n shya̱ a̱ni, a̱ja wa nang a̱khwo nung wu na nshya̱ dundung ma̱ng a̱nung. A̱tyia̱ nung wu mameang, na nwuak a̱tyu a̱ nyia̱ nung ta̱m a̱ni shi.”

Yoona 5:41

“N chat á̱niet bya ba̱ chyin nung bah.

Yoona 5:44

“Nyi na nyia̱ ni wa nyi nwuak a̱chuchuk, ka̱nang nyi chat dyep da̱ a̱vwuo á̱ghyang nyin; a̱wot da̱ nyin nyi chat chyin ku neet da̱ a̱vwuo A̱gwaza ma̱nyin nggu a̱ni bah?

Yoona 7:18

Ka̱ a̱yin lyiat di̱ nkyang na̱ yet si̱ a̱pyia̱ nggu a̱ni, a̱ ni̱ chat a̱ nwuak a̱pyia̱ nggu shi hwa. A̱wot a̱tyu a̱ lyiat da̱ a̱kwonu a̱tyu a̱ ta̱m gu a̱ni, da̱nian a̱ chat a̱ ka nwuak a̱tyu a̱ ta̱m gu a̱ni wa shi hu; nggu wa byia̱ a̱chuchuk wu. A̱ yet a̱tyu bwoi a̱ka̱laa wa bah.

Yoona 8:54

Yesu si̱ nwuak mba shim nyia̱, “Ki̱ n nwuak a̱pyia̱ nung shi, shi nung hu na tyak kyang bah. A̱tyia̱ nung wu, nggu wa nwuat nung shi hu; a̱tyu nang nyi nyia̱ nggu wa yet A̱gwaza nyin wu a̱ni.

A̱romawa 2:29

Da̱ a̱kwonu a̱kya, a̱tsatsak a̱tyu A̱yahudawa nggu wa yet a̱tyu A̱yahudawa mami nfwuo. A̱wot a̱tsatsak tyia̱ mi̱ chen wu, nggu wa yet tyia̱ mi̱ chen mami nfwuo! Tangka̱i tyei mi̱ chen huni hwa yet si̱ nang A̱za̱za̱rak Ntswa A̱gwaza wa nyia̱ a̱ni, kang ma̱ng khwi doka ma̱nyin ji nang á̱ lyuut a̱ni. Tangka̱i a̱yin a̱hwa, chat A̱gwaza wa a̱ chyin nggu, kang ma̱ng a̱tyubishyi.

A̱romawa 2:7

Á̱niet ba ba̱ ni̱ gbang a̱lyia̱ ba̱ nyia̱ a̱tan nta̱m, ba̱ ni̱ chat A̱gwaza a̱ chyin mba za̱m, a̱wot ba̱ ni̱ chat á̱ nang mba zang ji̱ yet swuan ji̱ nwai tyiai a̱ni; A̱gwaza na nang ntangka̱i á̱niet nani swuan sang sangba̱p.

1 A̱korontiyawa 4:5

Mat a̱nia, nyi yok mak nyi nyia̱ shi̱ri̱ya di̱ nta̱m a̱yin a̱nggang neet nang Kristi A̱tyoli nzi̱t wu ka̱n bwuok bah. Mat nggu wa na tyai kpa̱sai nkyang nang zi̱ nyia̱ na̱ shya̱ mi̱ dyin a̱ni, a̱wot gu bu tyai a̱di̱dam mi̱ nfwuo nzi̱t wu kpa̱sai. A̱wot A̱gwaza na dyep konyan ma̱ cha̱chaat ma̱ng ta̱m hu nang gu nyia̱ a̱ni.

2 A̱korontiyawa 10:18

Mat, ka̱ a̱yin chyin a̱pyia̱ gu, si̱ a̱hwa yet a̱buk kyang wa. Kyang ku yet a̱ swak a̱ni, huhwa yet; A̱tyoli Yesu a̱ chyin ngguu.

1 A̱ta̱solonikawa 2:6

Da̱ nzi̱t, zi̱ ku chat shya̱ dyep hwa da̱ a̱vwuo á̱niet, ku da̱ a̱vwuo nyin, ku da̱ a̱vwuo á̱ghyang á̱niet bah.

1 Bitut 3:4

Da̱ a̱kwonu a̱kya, nyi kup á̱pyia̱ nyin ma̱ng shisham ji neet mami nfwuo nia a̱ni. Shisham ji̱ nwai tyiai, ji̱ si̱ bu yet a̱shonshyon ma̱ng a̱nyonywang za̱kwa a̱ni. Za̱kwa a̱ja yet a̱tsatsak kyang wa ba̱t da̱ a̱vwuo A̱gwaza.