Yoona 12:40 - A̠lyiat A̠gwaza na di̠n Tyap: A̠li̠ka̠uli A̠fai

⁴⁰ “A̱gwaza ku koot mba a̱fi̱fan. A̱ si̱ bu tyia̱ nfwuo mba na si̱ khwu. Kalak ba̱ du li ma̱ng á̱ghyi mba ba, kalak ba̱ du fi̱k a̱lyiat nggu na mi̱ nfwuo mba na. Ka̱ ku li a̱nia, kalak ba̱ du bwuok á̱ bai da̱ a̱vwuo nung, n choot baa.”

Yoona 12:40 Iomraidhean Croise

Matyu 15:14

Mat a̱nia, nyi bwung baa. Ba̱ yet á̱niet a̱fi̱fan bya. A̱wot ba̱ kwak á̱niet a̱fi̱fan shán mameang. A̱wot ka̱ a̱tyu a̱fi̱fan kwak a̱tyu a̱fi̱fan shan, a̱mgba̱m ba a̱feang, ba̱ na kwa mi̱ bwong.”

Ma̱rkut 4:12

“Mat ma̱nang A̱lyiat A̱gwaza na nhyia̱ a̱ni, ‘Ba̱ na nwuan, a̱wot ba̱ na li bah. Ba̱ na fwuong, a̱wot da̱ mba, ba̱ na fi̱k bah. Kalak ka̱ ba̱ fi̱k kuzang nkyang, ba̱ na ghwon a̱ka̱tuk nyia̱ mba wu, ba̱ khwi A̱gwaza, A̱gwaza a̱ chi a̱ka̱tuk nyia̱ mba wu.’ ”

Ma̱rkut 6:52

Mat ba̱ ku fi̱k a̱ri̱bi̱di burodi wu bah, mat ba̱ ku ntyia̱ fwuo ba̱ lyen bah.

Luka 4:18

“Tswa A̱gwaza ji shya̱ da̱ nung; mat A̱gwaza khai nung n shei A̱sham Nkhang ka da̱ a̱vwuo á̱kunak. A̱ si̱ ta̱m nung n shei ma̱ng á̱niet ba̱ shya̱ mi̱ khwo a̱ni, nang á̱ nkai mba á̱ ghwon; n bu nshei á̱niet a̱fi̱fan nang ba̱ na nshya̱ nwuan a̱vwuo; a̱wot n bu nshei á̱niet á̱ ya̱shuk a̱ni, nang á̱ na nkai mba á̱ ghwon;

Luka 8:10

Yesu si̱ nwuak ba shim nyia̱, “Á̱ shim nyin ndyo nyi fi̱k kyang ku shya̱ di̱ niat tazwa Tyok A̱gwaza hu a̱ni. A̱wot, n tyiet á̱kum á̱niet ka di̱ kidee ja, da̱nian: ‘Ka̱ ba̱ nwuan, ba̱ na li shansham bah. Ka̱ ba̱ fa̱k, da̱ mba ba̱ na fi̱k bah.’

Yoona 12:39

Huhwa si̱ mbyia̱ nwuak fwuo hu si̱ nkaat mbaa, mat Ishaya bu hyia̱ nyia̱,

Yoona 9:39

Yesu si̱ nyia̱, “N bai mi̱ swanta hu, da̱nian n ka nghai á̱niet. M bai da̱nian á̱niet di̱ ba̱ nwuan a̱vwuo a̱ni bah, ba̱ ka shya̱ nwuan hu; a̱wot á̱niet ba̱ dam nyia̱ ba̱ nwuan a̱ni, ba̱ ka tyia̱ á̱niet a̱fi̱fan.”

Nta̱m A̱yaata̱m 15:3

Á̱niet khwi Antakiya ba si̱ ta̱m a̱yaata̱m bani mi̱ Urusha̱lima. Nang a̱yaata̱m ba ni̱ nshya̱ di̱ naat hu a̱ni, ba̱ si̱ yong mi̱ nfam bibyin Fi̱ni̱siya ma̱ng Sa̱mariya, ba̱ ka byiat á̱niet khwi ba̱ shya̱ a̱ja a̱ni. A̱wot ba̱ si̱ tak ma̱ng a̱mba si̱sak nang Nnwap na̱ nwai yet A̱yahudawa a̱ni na meang nghwon a̱ka̱tuk nyia̱ mba wu, ba̱ si̱ nwuo khwi Yesu a̱ni. A̱mgba̱m á̱niet khwi ba si̱ fa̱k a̱lyia̱ sai ba̱t!

Nta̱m A̱yaata̱m 28:26

‘Nat a tak ma̱ng á̱niet bani nyia̱: “Nyi na fa̱k a̱lyiat nang n dyiat a̱ni, da̱ nyin, nyi na fi̱k na bah. Nyi na li kyang nang n nyia̱ a̱ni, a̱wot nyi na nyim á̱ghyi nyin ba.

Nta̱m A̱yaata̱m 3:19

“Mat a̱nia, ma̱ninika, nyi ghwon a̱ka̱tuk nyia̱ nyin wu! Nyi bwuok, nyi khwi A̱gwaza, gu ka chi a̱ka̱tuk nyia̱ nyin wu.

A̱romawa 9:18

Si̱ huni tak nang A̱gwaza ni̱ nfa̱k kunak a̱tyu nang gu khai a̱ fa̱k kunak gu a̱ni. Ma a̱nia wa, a̱tyu gu ma nkhai a̱ tyia̱ nggu lak fwuong a̱ni, a̱ na tyia̱ nggu lak fwuong hu.