Yoona 12:36 - A̠lyiat A̠gwaza na di̠n Tyap: A̠li̠ka̠uli A̠fai

³⁶ Nyi nwuak a̱chuchuk di̱ sai hu, neet nang nyi ni̱ shya̱ ndung ma̱ng a̱nhu. Da̱nian nyin, nyi ka yet mman a̱tyu a̱ yet sai hu a̱ni.” Nang Yesu ntyak a̱lyiat nani a̱ni, a̱ si̱ nat a̱ si̱ ta̱kup.

Yoona 12:36 Iomraidhean Croise

Matyu 21:17

Nang Yesu nghwon a̱cha̱chet a̱yaapris ma̱ng á̱niet tyiet doka ba a̱ni, a̱ si̱ bwuok a̱ nat a̱keang Ba̱ta̱ni, a̱ si̱si̱ kwai a̱ja.

Matyu 5:14

“Nyin bya yet sai hu mi̱ swanta hu. Ma̱nang a̱keang ka̱ shya̱ tazwa a̱fan a̱ni, á̱ si̱ mi̱n niat sai nka hu bah.

Luka 16:8

“A̱tyu nzwá wu si̱ chyin byia̱k nggu ji ji̱ sang a̱chuchuk wu a̱ni; mat nang gu ndi si̱sak ji nang byia̱k ji nnyia̱ mumwang da̱ a̱bwuang wu a̱ni. “A̱tsak a̱lyiat, á̱niet swanta bani byia̱ mumwang di̱ nyia̱ nta̱m ma̱ng á̱ghyang a̱ swak á̱niet ba̱ shya̱ mi̱ sai hu a̱ni.

Yoona 1:7

Nggu wa ku bai tak ta̱m ji kpa̱sai tazwa sai A̱gwaza hu. Da̱nian á̱niet ba ba̱ ka fa̱k, ba̱ nwuak a̱chuchuk di̱ sai hu.

Yoona 11:54

Huhwa si̱ mbyia̱ Yesu si̱ bu chong kpa̱sai ma̱ a̱byin A̱yahudawa ka bah. A̱ si̱ ghwon a̱byin a̱kya, a̱ si̱ nat ma̱ a̱byin ka̱ shya̱ kpa̱mkpaan mi̱ tswa a̱yit a̱ni, A̱ ku si̱ nwuo ma̱ a̱keang nang á̱ ngyei Ifremu a̱ni. A̱jawa gu si̱ nswan dundung ma̱ng mman ta̱m nggu na.

Yoona 12:37

A̱mgba̱m ma̱ng a̱cha̱chet nkyang a̱ga̱de ma̱ a̱di̱di̱t nang Yesu ku nyia̱ a̱zaghyi A̱yahudawa ba a̱ni, ba̱ si̱ nwuak fwuo da̱ nggu bah.

Yoona 12:46

N ku mbai mi̱ swanta hu. N si̱ ndi nang sai a̱ni, da̱nian konyan wa nwuak fwuo da̱ nung, a̱ si̱ mi̱n swan mi̱ ndyin bah.

Yoona 3:21

A̱wot konyan wa nyia̱ a̱chuchuk nta̱m a̱ni, a̱ ni̱ bai da̱ a̱vwuo sai A̱gwaza hu. Da̱nian á̱ ka li kyang gu nyia̱ a̱ni kpa̱sai, ku nnaat ma̱ cha̱chaat mi̱ si̱sak nang A̱gwaza mbeang nggu a̱ni.”

Yoona 8:12

Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Yoona 8:59

Nang ba̱ nfa̱k a̱nia a̱ni, ba̱ si̱ kyiak nfang, ba̱ na mmang guu. Yesu si̱ tyia̱ ghyuai a̱ ghwut mi̱ didyaat A̱li Nwuat Za̱nang A̱gwaza hu.

A̱fisawa 5:8

Mat di̱n jen ji ji̱ swak a̱ni, nyi ku shya̱ ma̱ a̱gbi̱ri̱ng ndyin. A̱wot ma̱ninika, nyi shya̱ mami a̱kyenkyai sai wa a̱ neet da̱ a̱vwuo A̱gwaza a̱ni. Mat a̱nia, nyi yok swat nyin hu ku tak nang nyi shya̱ mami sai A̱gwaza hu za̱m!

1 A̱ta̱solonikawa 5:5

A̱mgba̱m nyin, nyi yet mman a̱vwuo sai nia, ma̱ng mman a̱ta̱mam. Zi̱ yet á̱si̱ a̱tyetuk ku á̱si̱ mi̱ ndyin bah.

1 A̱ta̱solonikawa 5:8

A̱wot nang zi̱ ngyet á̱niet a̱ta̱mam bya a̱ni, yok zi̱ cham á̱pyia̱ nzi̱t, zi̱ ni̱ nnwuak fwuo di̱ Yesu zi̱ bu chat á̱ghyang. Ku na chok zi̱t ma̱nang nkubi ntswam ni̱ nkup vam a̱ni. A̱wot yok zi̱ tyia̱ fwuo di̱ shya̱ san sang sangba̱p, ku na chok zi̱t, ma̱nang bung ntswam ni̱ nkup a̱pyia̱ a̱ni.