Yoona 12:34 - A̠lyiat A̠gwaza na di̠n Tyap: A̠li̠ka̠uli A̠fai

³⁴ Huhwa á̱kpa á̱niet ka si̱ nyia̱ ma̱ng Yesu a̱ni, “Doka nzi̱t ji ma̱ng A̱lyiat A̱gwaza na tak ma̱ng a̱nzi̱t nyia̱; Kristi a̱tyu nang zi̱ fwuong a̱ni, na swan ba̱ng si̱ nat sang sangba̱p. Yihwa mbyia̱ nang a na nnyia̱ hu yet ta hwa á̱ ta̱ngam Nggwon A̱tyubishyi? A̱nyan wa yet Nggwon A̱tyubishyi a̱kya?”

Yoona 12:34 Iomraidhean Croise

Matyu 16:13

Nang Yesu nnwuo fam a̱byin Kaisa̱riya Filibi a̱ni, a̱ja wa gu si̱ lyip mman ta̱m nggu na nyia̱, “Zang tangka̱i a̱yin hwa nang á̱niet ba nyia̱ nung, Nggwon A̱tyubishyi, n gyet?”

Matyu 21:10

Nang Yesu nnwuo Urusha̱lima a̱ni, a̱mgba̱m á̱niet ma̱ a̱keang ba si̱ koot a̱gugwong mi̱ chet, á̱ lyi̱ri̱m nyia̱, “Zang tangka̱i a̱yin hwa lili huni?”

Matyu 8:20

Yesu si̱ nyia̱ ma̱ng a̱nggu a̱ni, “A̱ka̱kyong swuat ma̱ a̱bubwong, a̱ka̱man si̱ byia̱ a̱ka̱le. A̱wot nung, Nggwon A̱tyubishyi, mbyia̱ a̱vwuo kwai bah.”

Yoona 10:34

Yesu si̱ nyia̱ ma̱ng a̱mba a̱ni, “Á̱ ku lyuut mi̱ doka nyin ji nyia̱, A̱gwaza nyia̱ ma̱ng a̱yaakwak a̱son á̱niet Isi̱rela á̱ghyang; ‘Nyi yet a̱yaagwaza bya.’

Yoona 12:32

Jen nang á̱ bye nta̱ngam nung ma̱ng swuan ma̱ á̱niet ba̱ ka̱n kwi a̱ni, n bye nkhwat a̱mgba̱m á̱niet ba bai ndyo da̱ a̱vwuo nung.”

Yoona 15:25

“Kyang hu ba̱ nyia̱ a̱ni, ku ku bai da̱ a̱nu ka ma̱ cha̱chaat ma̱ng kyang nang á̱ ku lyuut mami doka mba ji a̱ni nyia̱, ‘Ba̱ ku lak li nung ma̱ kpa̱a̱t. Da̱ mba, ba̱ byia̱ ta̱fwat bah.’

Yoona 8:28

Yesu si̱ nyia̱ ma̱ng a̱mba a̱ni, “Jen nang nyi bye nta̱ngam Nggwon A̱tyubishyi tswazwa a̱ni; jen a̱ja ja nang nyi bye ndyen nang nung gwa ngyet a̱tyu nang n tak ngyet a̱ni. N nyia̱ kyang ma̱nyin nung bah. N nyia̱ di̱ si̱sak ji nang A̱tyia̱ nung wu ntyiet nung a̱ni; a̱nia wa nang n dyiat.

A̱romawa 3:19

Ma̱ninika, zi̱ lyen kuzang kyang ku shya̱ mi̱ doka ji a̱ni, á̱ lyuut hu da̱nian A̱yahudawa nang doka ji nyia̱ tyok da̱ mba a̱ni. Mbeang a̱nia, ta̱m doka huhwa yet; ku vwuong a̱mgba̱m á̱niet ba̱ shyat ta̱fwat kwop a̱dyii̱ng di̱ shi̱ri̱ya A̱gwaza ji a̱ni. A̱wot ku si̱ bu tak kpa̱sai nang a̱mgba̱m á̱niet swanta ba mbwuo a̱bun a̱zaghyi A̱gwaza.

A̱romawa 5:18

A̱tsak a̱lyiat, jen nang A̱da̱mu ndak khwi a̱lyiat A̱gwaza na a̱ni, ku si̱ tyia̱ A̱gwaza na nyia̱ a̱mgba̱m á̱niet ba shi̱ri̱ya. A̱wot ma a̱nia wa, nang Kristi nnyia̱ tsotswat a̱ si̱ khwi a̱lyiat A̱gwaza, a̱wot a̱ si̱ khwu a̱ni, ku si̱ tyia̱ A̱gwaza si̱ tak kpa̱sai nang gu nkyiak a̱mgba̱m á̱niet ba yet á̱tsotswat bya ma̱ng sang a̱bun a̱zaghyi nggu. A̱wot a̱ si̱ tyia̱ a̱mgba̱m á̱niet ba ba̱ shya̱ swuan swai.

Ibriniyawa 7:24

A̱wot Yesu, nang gu nswuan si̱ nat sang sangba̱p a̱ni, nta̱m pris nggu na yet si̱ sang sangba̱p nia.