Yoona 12:32 - A̠lyiat A̠gwaza na di̠n Tyap: A̠li̠ka̠uli A̠fai

³² Jen nang á̱ bye nta̱ngam nung ma̱ng swuan ma̱ á̱niet ba̱ ka̱n kwi a̱ni, n bye nkhwat a̱mgba̱m á̱niet ba bai ndyo da̱ a̱vwuo nung.”

Yoona 12:32 Iomraidhean Croise

Yoona 1:7

Nggu wa ku bai tak ta̱m ji kpa̱sai tazwa sai A̱gwaza hu. Da̱nian á̱niet ba ba̱ ka fa̱k, ba̱ nwuak a̱chuchuk di̱ sai hu.

Yoona 12:34

Huhwa á̱kpa á̱niet ka si̱ nyia̱ ma̱ng Yesu a̱ni, “Doka nzi̱t ji ma̱ng A̱lyiat A̱gwaza na tak ma̱ng a̱nzi̱t nyia̱; Kristi a̱tyu nang zi̱ fwuong a̱ni, na swan ba̱ng si̱ nat sang sangba̱p. Yihwa mbyia̱ nang a na nnyia̱ hu yet ta hwa á̱ ta̱ngam Nggwon A̱tyubishyi? A̱nyan wa yet Nggwon A̱tyubishyi a̱kya?”

Yoona 18:32

(A̱lyiat nani ku bai da̱nian na̱ ka nat ma̱ cha̱chaat ma̱ng kyang nang Yesu ku tak á̱zanson di̱n jen nang gu ku ntyai tangka̱i a̱khwu nang gu na khwu a̱ni.)

Yoona 19:17

Yesu si̱ ghwut ma̱ a̱keang ka, a̱ fan a̱team a̱khwu wu ma̱ a̱pyia̱ nggu. A̱ si̱ nat ndyo da̱ a̱vwuo nang á̱ ngyei, “A̱vwuo A̱ghyighyak A̱pyia̱.” (Da̱ a̱lyem A̱yahudawa ka, á̱ ngyei, a̱vwuo ka “Goli̱gota”).

Yoona 3:14

“Ma̱nang Musa ku nta̱ngam ghwughwu nzwak hu ku ku yet a̱kpeap ka mi̱ tswa a̱yit ji a̱ni; ma a̱nia wa nang á̱ ba̱ nta̱ngam Nggwon A̱tyubishyi ka ma̱ cha̱chaat.

Yoona 6:44

Á̱ mbyia̱ a̱tyu a̱ si̱ mi̱n bai da̱ a̱vwuo nung, ka̱nang A̱tyia̱ nung wu a̱ ta̱m nung a̱ni, khwat gu a̱ bai ndyo bah. A̱wot nung mameang, n na nta̱ngam gu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.

Yoona 8:28

Yesu si̱ nyia̱ ma̱ng a̱mba a̱ni, “Jen nang nyi bye nta̱ngam Nggwon A̱tyubishyi tswazwa a̱ni; jen a̱ja ja nang nyi bye ndyen nang nung gwa ngyet a̱tyu nang n tak ngyet a̱ni. N nyia̱ kyang ma̱nyin nung bah. N nyia̱ di̱ si̱sak ji nang A̱tyia̱ nung wu ntyiet nung a̱ni; a̱nia wa nang n dyiat.

A̱ga̱la̱tiyawa 3:13

A̱wot Kristi wa tyia̱ zi̱ si̱ shot shyishyi a̱khwu nang doka ji shei a̱ni. Di̱n jen nang á̱ ku kpang Yesu á̱ si̱ lya̱u nggu da̱ a̱team a̱khwu wu a̱ni; a̱ si̱ kyiak shyishyi a̱khwu a̱ka̱tuk nyia̱ nzi̱t wu a̱ sak a̱pyia̱ nggu. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Konyan wa nang á̱ lya̱u ka̱tsak da̱ a̱kwon, ku tak nang shyishyi a̱khwu A̱gwaza ja ya nggu a̱ni.”

1 Timoti 2:6

Nggu wa ku nwuak swuan nggu ji da̱nian gu ka san a̱mgba̱m á̱niet swanta ba, ba̱ yet á̱sa̱t á̱niet. Si̱ huni hwa yet ta̱m ji nang á̱ ku tak kpa̱sai da̱ cha̱chaat njen a̱wa a̱ni.

Ibriniyawa 2:9

A̱wot a̱tyu nang zi̱ lyen a̱ni, Yesu wa, da̱ ba chak a̱ghyang, a̱ si̱ ghyuai a̱kyenkyai shi nggu wu ma̱nang á̱ ku nhyia̱ nyia̱, “A na nwuak gu shi ku tat kpa̱mkpaan ma̱ng á̱si̱ a̱yaata̱m tswá a̱ni.” Di̱ yong huni, Yesu wa nang, “Á̱ kup gu tyok, a̱ si̱ nwuak gu shi,” mat a̱ ku swuo a̱bung, a̱ si̱ khwu da̱nian zi̱t. A̱tsak a̱lyiat, mat shok A̱gwaza ja, ntyia̱ Yesu si̱ nkhwu da̱nian konyan.

1 Bitut 2:24

Nggu ma̱ a̱pyia̱ nggu, ku kyiak a̱ka̱tuk nyia̱ nzi̱t wu mi̱ vam nggu hu da̱ a̱team a̱khwu; da̱nian zi̱ ka yet nkwom di̱ nyia̱ a̱ka̱tuk nyia̱, a̱wot zi̱ yet a̱chet di̱ nyia̱ a̱tsotswat nta̱m. Mat a̱fi̱fa̱t gu bibya, nang á̱ nchoot nyin.

1 Bitut 3:18

A̱tsak a̱lyiat, Yesu ma̱ a̱pyia̱ nggu ku swuo a̱bung da̱ a̱ka̱nyiung mat a̱ka̱tuk nyia̱ nzi̱t wu. A̱wot a̱ bu na swuo a̱bung bah. A̱ ku yet a̱tsotswat wa. A̱wot a̱ si̱ khwu da̱nian á̱niet a̱ka̱tuk nyia̱, gu ka neap zi̱t a̱za̱za̱rak a̱zaghyi A̱gwaza. Á̱ ku hyat gu mi̱ vam hwa. A̱wot á̱ si̱ ta̱ngam gu ma̱ng swuan mami A̱za̱za̱rak Ntswa.

1 Yoona 2:2

Nggu wa yet za̱nang chi a̱ka̱tuk nyia̱ nzi̱t ji; a̱wot a̱ka̱tuk nyia̱ nzi̱t wu wa ma̱nyin nzi̱t bah, a̱wot a̱mgba̱m ma̱ng a̱ka̱tuk nyia̱ á̱niet mi̱ swanta wu wa.

Tyai Á̱zanson 5:9

A̱wot ba̱ si̱ bwom a̱bwom a̱fai nyia̱: “Nwan wa maai a san ta̱ka̱da hu nang á̱ kut di̱n shan ji a̱ni, a bu ghwok a̱yaatimi ba, a̱wot a fang huu! Mat nwan wa á̱ ku faat, a̱wot a̱sok ang nia yet zang a nsan á̱niet da̱nian A̱gwaza a̱ni; á̱niet mi̱ kuzang nwap, a̱lyem, ma̱ng kuzang a̱byin!