Yoona 12:31 - A̠lyiat A̠gwaza na di̠n Tyap: A̠li̠ka̠uli A̠fai

³¹ Ma̱nini kya nang á̱ na nyia̱ á̱niet mi̱ swanta ba shi̱ri̱ya, a̱wot á̱ bu vwuong A̱ta̱nyeang swanta kani.

Yoona 12:31 Iomraidhean Croise

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

1 Yoona 5:19

Zi̱ lyen nang zi̱ ngyet mman A̱gwaza nia, a̱wot a̱mgba̱m swanta hu shya̱ mbwak tyok A̱ta̱nyeang hwa.

1 Yoona 3:8

Ma a̱nia wa, konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, ku tak nang gu ngyet a̱si̱ A̱ta̱nyeang wa. Mat A̱ta̱nyeang ka mi̱ nnyia̱ a̱ka̱tuk nyia̱ neet gbangbang. Kyang ku mbyia̱ bai Yesu hu a̱ni huhwa hu; da̱nian gu ka bi̱ri̱m nta̱m A̱ta̱nyeang na.

A̱fisawa 6:12

Mat á̱nietbishyi bya nang zi̱ kwan zwang ji ma̱ng a̱mba bah. A̱wot da̱ a̱kwonu a̱kya, zi̱ kwan zwang ji ma̱ng á̱ka̱tuk a̱yaakwak a̱son ma̱ng ntyok swanta na nang á̱ nwai nwuan a̱ni; ma̱ng á̱gwam ba̱ nyia̱ tyok swanta huni ku byia̱ lyin a̱ni; ma̱ng á̱ka̱tuk ntswá ba̱ shya̱ ma̱ a̱ka̱vwuo mi̱ kyai tswazwa a̱ni.

Yoona 14:30

“N bu si̱ mi̱n dyiat ma̱ng a̱nyin a̱jojoot a̱lyiat bah, mat A̱ta̱nyeang swanta kani, ka̱ chobai. A̱mgba̱m ma̱ng a̱nia, ka̱ si̱ mi̱n nyia̱ tyok tazwa nung bah.

Ibriniyawa 2:14

Mat a̱nia, nang mman A̱gwaza na ngyet á̱nietbishyi bya ba̱ byia̱ vam ma̱ng a̱sok a̱ni, ma a̱nia wa nang Nggwon A̱gwaza ka mbai a̱ni, ka̱ byia̱ vam ma̱ng a̱sok. Mat di̱ yet a̱tyubishyi hwa ma̱nyin nhu nang ka̱ nkhwu. A̱wot mat a̱khwu Nggwon kikya ma̱nyin ka nang ka̱ na nswuo chet A̱ta̱nyeang, ka̱ byia̱ chet tyei á̱nietbishyi ba̱ kwi a̱ni.

A̱kolosiyawa 2:15

A̱wot da̱ a̱team a̱khwu wu wa nang A̱gwaza ngya̱weap nkyang nzwang á̱gwam ma̱ng ntyok á̱ka̱tuk ntswá. Kristi si̱ tyia̱ mba nsum kpa̱sai, nang nggu nswuo chet mba da̱ a̱team a̱khwu wu a̱ni.

1 Yoona 4:4

A̱wot nyin mman nung na nang n chat a̱ni, nyi yet mman A̱gwaza nia. Nyi wa ka̱n swuo chet a̱yaata̱m á̱niet tyiet a̱ka̱laa a̱bya. Mat A̱za̱za̱rak tswa wu a̱ shya̱ ma̱ nyin a̱ni, a̱ byia̱ chet a̱ lan tswa ji ji̱ shya̱ mi̱ swanta hu a̱ni.

Matyu 12:28

A̱wot ka̱ n ma nkhai á̱ka̱tuk ntswá ba̱ ghwut ma̱ á̱niet ma̱ng chet A̱za̱za̱rak Ntswa A̱gwaza hwa, ku tak nang Tyok A̱gwaza hu mbai da̱ nyin.

Nta̱m A̱yaata̱m 26:18

Nwan wa na tat ba á̱ghyi ba, da̱nian ba̱ ka ghwut mi̱ ndyin, ba̱ nat da̱ a̱vwuo sai; a̱wot a tyia̱ ba̱ ghwut mi̱ ntyok A̱ta̱nyeang ba̱ nwuo Tyok A̱gwaza hu. A̱jawa A̱gwaza na chi a̱ka̱tuk nyia̱ mba wu. A̱wot ba̱ na shya̱ a̱vwuo nswat dundung ma̱ng á̱niet ba̱ yet á̱si̱ A̱gwaza a̱ni; bibya á̱ khap á̱ sak da̱nian ba̱ ka nwuak fwuo da̱ nung.’

Yoona 3:19

“Faat shi̱ri̱ya hu na li a̱ni wa; sai A̱gwaza hu ku bai mi̱ swanta hu. A̱mgba̱m ma̱ng a̱nia, á̱niet mi̱ swanta ba ku chat lyin hu a̱ lan sai A̱gwaza hu. Mat, ba̱ nyia̱ a̱ka̱tuk nyia̱.

Yoona 9:39

Yesu si̱ nyia̱, “N bai mi̱ swanta hu, da̱nian n ka nghai á̱niet. M bai da̱nian á̱niet di̱ ba̱ nwuan a̱vwuo a̱ni bah, ba̱ ka shya̱ nwuan hu; a̱wot á̱niet ba̱ dam nyia̱ ba̱ nwuan a̱ni, ba̱ ka tyia̱ á̱niet a̱fi̱fan.”

1 A̱korontiyawa 1:20

A̱tyu mumwang wu shya̱ a̱ji wa? A̱yaagwak tyiet doka ba shya̱ a̱ji wa? Á̱niet ba̱ fa ba̱ lyen kuzang kyang mi̱ jen a̱fwun ji a̱ni, shya̱ a̱ji wa? A̱gwaza tyia̱ mumwang swanta huni li nang bwuon hwa a̱ni.

1 A̱korontiyawa 1:21

Nang A̱gwaza mami mumwang nggu hu ntyia̱ swanta hu ku lyen gu mat mumwang a̱tyubishyi hwa a̱ni bah; huhwa mbyia̱ A̱gwaza khai gu san á̱niet ba̱ nwuak fwuo da̱ a̱nggu, mat shei a̱lyiat nang á̱ nwuan nang bwuon hwa a̱ni.