Yoona 12:3 - A̠lyiat A̠gwaza na di̠n Tyap: A̠li̠ka̠uli A̠fai

³ Ma̱ryamu si̱ doot, a̱ si̱ kyiak sha̱p a̱myia̱ ji byia̱ swam turare a̱ni. A̱wot na̱ si̱ bu byia̱ kurum ba̱t, á̱ ku nyia̱ na ma̱ng nar wa. A̱ si̱ koot a̱sham a̱myia̱ ka da̱ a̱ti̱tak Yesu ba. A̱wot a̱ si̱ fwut ma̱ng pyia̱ nggu hu. Swam a̱sham a̱myia̱ a̱hwa si̱ kai a̱li ka a̱mgba̱m.

Yoona 12:3 Iomraidhean Croise

Luka 10:42

Mi̱ kyang nyiung hwa nshya̱ ku yet a̱tan a̱ swak a̱ni. Ma̱ryamu wa ka̱n khai kyang a̱hwa. A̱wot da̱ mba, á̱ na san hu á̱ kai nggu a̱ ghwon bah.”

Luka 7:46

Nwan, a koot a̱myia̱ na̱ byia̱ swam nyinyang a̱ni a̱pyia̱ nung ka bah. A̱wot a̱byii̱k wuni, koot a̱myia̱ na̱ byia̱ swam nyinyang, na̱ si̱ byia̱ kurum ba̱t a̱ni, ma̱ a̱ti̱tak nung ba.

Yoona 11:2

Laaza̱rut, a̱ ku nyia̱ ma̱ng zwan ji a̱ni, a̱ ku yet a̱na̱nyiuk Ma̱ryamu wa. (Ma̱ryamu wuni wa, na kwon Yesu a̱sham a̱myia̱ ka, ka̱ nyui turare a̱ni; a̱wot a̱ lyang a̱ti̱tak Yesu ba ma̱ng pyia̱ nggu hu.)

Yoona 11:28

Nang Ma̱rta ntyak a̱lyiat na ma̱ng Yesu a̱ni, a̱ si̱ doot a̱ si̱ nat. A̱ si̱si̱ yei a̱na̱nyiuk nggu wu Ma̱ryamu nyia̱, “A̱tyu tyiet bai, a̱ chat li ang!”

Yoona 11:32

Nang Ma̱ryamu si̱ ntat tyan ji Yesu nshya̱ a̱ni, nang gu ndi Yesu a̱ni; a̱ si̱ ka̱n ta̱bwak a̱zaghyi nggu. A̱ si̱ nyia̱ ma̱ng a̱nggu, “A̱tyoli, ka̱ a wa ku nshya̱, si̱ a̱na̱nyiuk nung wu ku khwu bah!”

Yoona 19:39

Nikodimut mameang, a̱tyu a̱ ku bai da̱ a̱vwuo Yesu a̱tyetuk a̱ni, a̱ si̱ doot a̱ si̱ nat dundung ma̱ng Isuu. Nggu, a̱ ku ba̱ng hya̱u nang gu kyiai mur ma̱ng a̱lot a̱ni. Ku si̱ swan kpa̱p nang kweanghyi nchyi a̱ni.