Yoona 12:29 - A̠lyiat A̠gwaza na di̠n Tyap: A̠li̠ka̠uli A̠fai

²⁹ Á̱kpa á̱niet ba̱ ku yong a̱ja ba̱ si̱ fa̱k a̱nwuat ka a̱ni; á̱ghyang si̱ nyia̱, “A̱gbai nza wa a̱wa!” Á̱ghyang si̱ ma nyia̱, “A̱ta̱m tswa A̱gwaza wa kaat ma̱ng a̱nggu!”

Yoona 12:29 Iomraidhean Croise

Nta̱m A̱yaata̱m 9:7

Á̱niet ba ba̱ chong ma̱ng Sha̱wulu a̱ni, ba̱ si̱ bwuok á̱ yong ma̱ nywang! Mat ba̱ ku fa̱k a̱nwuat a̱yin; da̱ mba ba̱ li a̱nyuu bah!

Tyai Á̱zanson 11:19

A̱jawa nyinyiit A̱li Nwuat Za̱nang A̱gwaza na̱ ku shya̱ Ma A̱gwaza tswazwa a̱ni, si̱ khwuk! A̱wot á̱ si̱ li a̱za̱za̱rak a̱kwati a̱li̱ka̱uli A̱gwaza wu mami A̱li Nwuat Za̱nang A̱gwaza ka. A̱mya̱ra̱m nza si̱ tyia̱ mya̱ra̱m; a̱gbi̱ri̱ng za si̱ nyui; a̱gbai nza si̱ lwi; a̱byin ka si̱ tyi̱ri̱m! Za si̱ va ma̱ng a̱cha̱chet taan!

Tyai Á̱zanson 14:2

N si̱ kin fa̱k a̱nwuat ka̱ neet Ma A̱gwaza tswazwa nang a̱khwom a̱cha̱chet ywan kyai a̱sa̱khwot, ku nang a̱gbai nza a̱ni! A̱khwom na, n si̱ nfa̱k a̱ni, na̱ swan nang sot á̱niet tsot zunzom ma̱ a̱di̱di̱t a̱ni!

Tyai Á̱zanson 6:1

Nang n nwuan a̱ni, n si̱ kin di nang Fi̱ng A̱nfwuk hu ghwok a̱timi a̱nyiung mami a̱yaatimi a̱natat ba, ba̱ shya̱ tazwa ta̱ka̱da nang á̱ kut di̱n shan ji a̱ni. A̱jawa n si̱ nfa̱k kyang swuan nyiung mami nkyang nswuan naai na yei ma̱ng a̱gba̱ndang a̱nwuat nang a̱gbai nza a̱ni nyia̱, “Ghwut, a nkat!”

Tyai Á̱zanson 8:5

A̱jawa a̱ta̱m tswa A̱gwaza wu si̱ nkyiak chi̱chya̱ turare hu da̱ a̱tyii nwuat za̱nang wu, a̱ si̱ ntyia̱ a̱chi̱chan ndong tyentyang, a̱ si̱ ghwop mi̱ swanta hu. A̱wot á̱ si̱ fa̱k a̱gbi̱ri̱ng nza, ma̱ng a̱gbai nza, ma̱ng a̱mya̱ra̱m nza a̱wot ma̱ng a̱ka̱tuk tyi̱ri̱m a̱byin!