Yoona 12:27 - A̠lyiat A̠gwaza na di̠n Tyap: A̠li̠ka̠uli A̠fai

²⁷ “Di̱ yong huni fwuo nung hu byian ba̱t! Yihwa nang n na hyia̱? N hyia̱ nyia̱, ‘A̱tyia̱, ti̱n jen jini ji̱p nung ndyo a?’ Kaai, n na hyia̱ a̱nia bah. Mat kyang ku bai ma̱ng a̱nung a̱ni, huhwa hu; n swuo a̱bung di̱n jen jini.

Yoona 12:27 Iomraidhean Croise

Matyu 11:25

Di̱n jen a̱ja, Yesu si̱ naai A̱gwaza nyia̱, “N dyep ang A̱tyia̱, A̱tyoli a̱ byia̱ tswazwa ma̱ng a̱byin a̱ni. N gwai ang nang a niat nkyang nani da̱ a̱vwuo á̱niet ba̱ fa nyia̱ ba̱ byia̱ mumwang ma̱ng lyen kyang a̱ni; a̱wot a si̱ tyai na kpa̱sai da̱ a̱vwuo á̱niet ba̱ kyiak á̱pyia̱ mba nang mman a̱ni.

Matyu 11:26

Ii, A̱tyia̱, a li ku myim ang a nyia̱ a̱nia!

Matyu 26:42

Yesu si̱ bu ghwon mbaa, a̱ si̱ bwuok a̱ nat naai A̱gwaza da̱ a̱ka̱feang ka, a̱ si̱ nyia̱, “A̱tyia̱ nung, ki̱ a si̱ mi̱n kyiak a̱kashyi swuo a̱bung wuni a ghwon nung bah, si̱ nang n swuo nggu. Yok, a nyia̱ kyang hu nang a chat wa a̱ni.”

Matyu 26:45

A̱ si̱ bu bwuok, a̱ ba̱ shya̱ mman ta̱m na, a̱ si̱ nyia̱ ma̱ng a̱mba, “Nyi ni̱ ya a̱son mi̱ nda na fwung waa? Kaai, nyi doot, jen ji nyia̱! A̱wot nyi li la! Ma̱ninika, á̱ nwuak Nggwon A̱tyubishyi mbwak á̱ka̱tuk á̱niet.

Luka 22:44

A̱mgba̱m ma̱ng a̱nia, Yesu si̱ bu naai A̱gwaza ma̱ng fwuo nyiung. A̱wot a̱ si̱ swuo a̱bung ma̱ng a̱di̱dam, a̱ si̱ ta a̱lahyia̱. Ka̱ si̱ shyot a̱ kwa̱i a̱byin nang a̱kukwang a̱sok a̱ni.]]

Luka 22:53

Kuzang a̱tuk n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka. Da̱ nyin, nyi ta̱bat nung mi̱ jen a̱ja bah. A̱wot jen jini yet si̱ nyin ja. Jen jini ja nang a̱ka̱tuk ndyin nnyia̱ tyok mi̱ swanta hu.”

Yoona 11:41

Ba̱ si̱ yuut a̱fang ka á̱ sak zan. Yesu si̱ gba̱t á̱ghyi Ma A̱gwaza tswazwa. A̱ si̱ nyia̱, “Nwan A̱tyia̱ nung, n gwai ma̱ng a̱nwan nang a mmyiai a̱fufwuo a si̱ fa̱k nung a̱ni.

Yoona 12:23

Huhwa Yesu si̱ nwuak ba shim nyia̱, “Jen nyia̱ nang á̱ na nnwuak Nggwon A̱tyubishyi a̱kyenkyai shi a̱ni.

Yoona 13:21

Nang Yesu ntyak a̱lyiat nani a̱ni, fwuo nggu hu si̱ byian. Huhwa si̱ mbyia̱ a̱ si̱ ghwut a̱ si̱ hyia̱ ma̱ng a̱mba kpa̱sai nyia̱, “A̱tsatsak a̱lyiat, n tak ma̱ng a̱nyin; a̱tyo nyiung mami nyin na yet nung a̱bang a̱byin!”

Yoona 18:37

Huhwa gwomna Bilatut si̱ nyia̱, “A yet a̱gwam wa a?” Yesu si̱ ma nwuak gu shim nyia̱, “A hyia̱ cha̱chaat nang ngyet a̱gwam wa. Á̱ ku byin nung, á̱ si̱ ta̱m ma̱ng a̱nung mi̱ swanta hu, mat kyang nyiung hwa, huhwa yet; n tak ma̱ng á̱niet ba a̱chuchuk wu kpa̱sai. A̱wot konyan wa khwi a̱chuchuk wu, a̱ ni̱ myiai a̱fufwuo a̱ fa̱k nung.”

1 Timoti 1:15

A̱lyiat nani yet a̱tsak a̱lyiat wa, na̱ si̱ bu myim zi̱ san naa: Yesu Kristi bai mi̱ swanta hu, gu ka san á̱niet nyia̱ a̱ka̱tuk nyia̱. A̱wot nung gwa ngyet a̱gwak wu ma̱ mba.

Ibriniyawa 2:14

Mat a̱nia, nang mman A̱gwaza na ngyet á̱nietbishyi bya ba̱ byia̱ vam ma̱ng a̱sok a̱ni, ma a̱nia wa nang Nggwon A̱gwaza ka mbai a̱ni, ka̱ byia̱ vam ma̱ng a̱sok. Mat di̱ yet a̱tyubishyi hwa ma̱nyin nhu nang ka̱ nkhwu. A̱wot mat a̱khwu Nggwon kikya ma̱nyin ka nang ka̱ na nswuo chet A̱ta̱nyeang, ka̱ byia̱ chet tyei á̱nietbishyi ba̱ kwi a̱ni.

Ibriniyawa 5:7

Mi̱ jen nang Yesu ku nshya̱ mi̱ swanta hu a̱ni, a̱ si̱ naai A̱gwaza a̱ fat a̱sa̱kut. A̱ twei mi̱ chet ma̱ng ndang a̱ghyi, da̱ a̱vwuo a̱tyu a̱ na san nggu, gu nwai khwu a̱ni. A̱wot A̱gwaza si̱ fa̱k naai nggu hu, mat si̱sak nang gu ku nnwuak a̱pyia̱ nggu, a̱ si̱ fwuong a̱wun A̱gwaza ba̱t a̱ni.