Yoona 12:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ “Konyan wa chat swuan gu, a̱ na nwai nji. A̱tyu a̱ ma ndak swuan gu ji mi̱ swanta huni a̱ni, a̱ na shya̱ swuan sang sangba̱p.

Yoona 12:25 Iomraidhean Croise

Matyu 10:39

Ka̱ nyi nwai swuán nyin ji, nyi na nwai ji. A̱wot ka̱ nyi nwai swuán nyin ji da̱nian nung, nyi na shya̱ swuán sang sangba̱p ji.

Matyu 16:25

“Konyan wa chat swuan gu ji a̱ni, a̱ na nwai ji. A̱wot konyan wa nwai swuan nggu ji da̱nian nung a̱ni, a̱ na shya̱ nji.

Matyu 19:29

Konyan wa ghwon a̱ka̱sa, á̱na̱nyiuk á̱nap ku á̱sam, a̱yaayang ku a̱yaatyia̱, mman ku bibyin khap da̱nian a̱lyoot nung ka a̱ni, a̱ na shya̱ zang gba̱mgbam ji̱ tat a̱ka̱nchyi ji̱ si̱ swak nkyang nang nggu nwai a̱ni. A̱wot a̱ bu shya̱ swuan sang sangba̱p ji.

Ma̱rkut 8:35

“Mat konyan wa chat shya̱ swuan gu ji a̱ni, a̱ na nwai ji. A̱wot a̱tyu a̱ nwai swuan nggu ji da̱nian nung ma̱ng A̱sham Nkhang ka a̱ni, a̱ na shya̱ nji.

Luka 14:26

“Ka̱ a chat a yet nggwon ta̱m nung, ku myim a chat nung ba̱t swaak a̱tyia̱ ang wu, a̱yang ang wu, a̱byii̱k ang wu, á̱na̱nyiuk ang ba, mbeang swuan ang ji mameang. Ka̱ a̱nia wa bah, a maai a yet nggwon ta̱m nung bah.

Luka 17:33

A̱tyu a̱ chat san swuan nggu ji a̱ni, ji̱ na bwuk. A̱wot a̱tyu a̱ shim a̱ si̱ nwai swuan nggu ji a̱ni, a̱ na shya̱ nji si̱ nat sang sangba̱p.

Nta̱m A̱yaata̱m 20:24

A̱mgba̱m ma̱ng a̱nia, n kyiak swuan nung ji ji̱ yet kyang bah. Ta̱m nang A̱tyoli Yesu nwuak nung n nyia̱ a̱ni, huhwa nang n chat n tyak; n shei A̱sham Nkhang tazwa a̱gba̱ndang shok A̱gwaza.

Nta̱m A̱yaata̱m 21:13

A̱mgba̱m ma̱ng a̱nia, Bulut si̱ nyia̱ ma̱ng a̱mba, “Yihwa mbyia̱ nyi ntwei? Nyi tyei nung byian fwuo! N fwuong á̱ nyim nung mi̱ jaru ja ma̱nyin ji ma̱ a̱keang Urusha̱lima ka bah. A̱wot ku a̱khwu kya, n shim n khwu da̱nian A̱tyoli Yesu!”

Ibriniyawa 11:35

Mat nang á̱nyiuk á̱ghyang ku nnwuak fwuo da̱ A̱gwaza a̱ni, ba̱ si̱ san á̱niet nang ba̱ chat a̱ni ma̱ng swuan ma̱ á̱niet ba̱ ka̱n kwi a̱ni. A̱wot á̱ghyang á̱niet nang á̱ ku nyiak a̱ni, ba̱ si̱ lak ghwon khwi A̱gwaza hu, da̱nian á̱ ka kai mba á̱ ghwon, ba̱ shot. Ba̱ ku tyia̱ fwuo di̱ swuan ji yet a̱ swak a̱ni, di̱n jen nang ba̱ bye ndoot ma̱ng swuan ma̱ á̱niet ba̱ ka̱n kwi a̱ni.

Tyai Á̱zanson 12:11

A̱wot á̱niet khwi Yesu ba si̱ ya Sha̱tan mi̱ zwang ji, mat chet a̱sok Fi̱ng A̱nfwuk hu ma̱ng sheda mba hu tazwa a̱lyiat A̱gwaza. Mat ba̱ chat swuan mba ji shansham bah; a̱wot da̱ mba ba̱ fwuong a̱wun a̱khwu bah.