Yoona 12:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ Ba̱ si̱ bai da̱ a̱vwuo Filibut, a̱ ku neet ma̱ a̱keang Ba̱tsaida ka̱ shya̱ mi̱ fam a̱byin Ga̱lili a̱ni. Ba̱ si̱ nyia̱ ma̱ng a̱nggu a̱ni, “A̱tyoli, zi̱ chat zi̱ bwoi nkhang ma̱ng Yesu.”

Yoona 12:21 Iomraidhean Croise

Matyu 11:21

“Ku swan nyin á̱niet Korazin ma̱ng Ba̱tsaida! Mat ka̱ á̱ wa nyia̱ nta̱m a̱ri̱bi̱di nang á̱ nyia̱ nyin dyo a̱ni, nyia̱ ni̱nia nang á̱ wa nyia̱ ma̱ a̱ka̱keang Taya ma̱ng Sidon, si̱ ba̱ ghwon a̱ka̱tuk nyia̱ mba wu neet a̱fwun bah. Ba̱ si̱ khwi a̱kyakyak a̱yaatoot. Ba̱ si̱ wop á̱pyia̱ mba ntong, ku tak byian fwuo da̱ a̱ka̱tuk nyia̱ mba wu a̱ni.

Matyu 2:2

Ba̱ si̱ ba̱ lyip nyia̱, “Nggwon ka nang á̱ byin ka̱ yet a̱gwam A̱yahudawa wu a̱ni, shya̱ a̱ji wa? Mat zi̱ li a̱ta̱ngwat nggu ka ghwut neet di̱ nfam a̱tyin, zi̱ bai zi̱ ka kyuak gu ntong.”

Yoona 1:48

A̱jawa Nataniyel si̱ nyia̱ ma̱ng Yesu a̱ni, “A̱ji wa nang a ndyen nung?” Yesu si̱ nwuak gu shim hu nyia̱, “Neet nang Filibut ka̱n gyorong ang bah, nang a ku nswan a̱tyin a̱kwon a̱bwabwap ka a̱ni; n ku ndi ang a̱ja.”

Yoona 6:40

“Mat ta̱m hu nang A̱tyia̱ nung wu chat a̱ni, huhwa yet; konyan wa li Nggwon nggu ka, a̱ si̱ nwuak fwuo da̱ nka a̱ni, a̱ na shya̱ ma̱ng swuan sang sangba̱p. Nung meang, n ma nta̱ngam nggu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.”