Yoona 12:2 - A̠lyiat A̠gwaza na di̠n Tyap: A̠li̠ka̠uli A̠fai

² Á̱ ku wan gu kyayak a̱tyetuk a̱kya, nang gu na ya a̱ nkwai a̱ni. Ma̱rta wa ku ka̱u kyayak hu. Laaza̱rut si̱ ya kyayak hu dundung ma̱ng Yesu.

Yoona 12:2 Iomraidhean Croise

Matyu 26:6

Nang Yesu ku nshya̱ Ba̱ta̱ni a̱mali Siman a̱tyu a̱ ku byia̱ gbap di̱n jen jhyang ji̱ swak a̱ni.

Ma̱rkut 14:3

Nang Yesu nshya̱ ma̱ a̱keang Ba̱ta̱ni a̱ fwung a̱mali Siman, a̱tyu a̱ ku mi̱ mbyia̱ gbap a̱ni; a̱byii̱k a̱ghyang si̱ kin neet a̱ bai ma̱ng a̱za̱za̱rak a̱myia̱, nang á̱ ngyei “nar” na̱ byia̱ kurum ba̱t a̱ni, mami sha̱p a̱myia̱ nang á̱ nok ma̱ng nfang a̱la̱basta a̱ni. A̱byii̱k wu si̱ fwuoi a̱nu sha̱p a̱myia̱ ka. A̱ si̱ bwak a̱myia̱ na a̱ koot Yesu ndyo a̱pyia̱.

Luka 12:37

Á̱khwo ba ba̱ shya̱ di̱ swan fwuong bwuok a̱tyoli mba hu a̱ni, á̱ na nang ba zang. N tak nyin a̱tsak a̱lyiat; a̱tyoli wu ma̱ a̱pyia̱ nggu, na tyia̱ ba̱ swan, a̱wot gu kup a̱yaatoot nta̱m nggu ba, a̱ bai a̱ ka̱u mba nkyayak na, ba̱ ya!

Luka 14:12

Yesu si̱ bwuak, a̱ si̱ bu nyia̱ ma̱ng a̱tyu a̱ yei nggu song nyeang ji a̱ni, nyia̱, “Ka̱ a shya̱ mi̱ fwuo a yei á̱niet ba̱ bai ya kyayak a̱gbang ang, ku myim a yok yei á̱kpa̱ndang, á̱na̱nyiuk, á̱niet mi̱ kwai ang, ku á̱kpa̱ndang swat ba̱ byia̱ zwá a̱ni bah. Kalak mba meang, ba̱ ba̱ yei ang ya kyayak a̱ghyang a̱tuk, ba̱ ka tan ang zang ji.

Luka 22:27

A̱nyan wa swak ma̱ng shi hu; a̱tyu a̱ swan a̱ ya kyayak hu a̱ni a, ke a̱tyu a̱ ka̱u kyayak hu a̱ni? A̱tsak a̱lyiat, a̱tyu a̱ swan a̱ ya kyayak hu a̱ni; nggu wa swak ma̱ng shi hu. A̱wot a̱nia wa ku ndi ma̱ng a̱nyin bah! Mat, nung n shya̱ ndung ma̱ng a̱nyin, n si̱ nyia̱ nyin nta̱m nang a̱khwo a̱ni.

Luka 5:29

Á̱ si̱ labeang bah, La̱wi si̱ yei Yesu gu yet a̱gba̱ndang á̱nietchen di̱ ya kyayak a̱gbang gu. Á̱niet saai kurum ga̱ndu ma̱ a̱di̱di̱t ba̱ yet á̱kpa̱ndang La̱wi a̱ni, ma̱ng á̱ghyang á̱niet si̱ nshya̱; ba̱ si̱ ya nkyayak na ma̱ng a̱mba.

Tyai Á̱zanson 3:20

Nyi fa̱k! Di, nung gwa wu! N gyong a̱zanunyuo ka tsot nyinyiit hu. Ka̱ nyi fa̱k a̱nwuat nung ka, nyi si̱ khwuk nyinyiit hu; n na nnwuo, a̱wot zi̱ na ya kyayak dundung nang á̱kpa̱ndang á̱ghyang a̱ni.