Yoona 12:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ Á̱kpa á̱niet ba̱ ku shya̱ dundung ma̱ng Yesu di̱n jen nang gu ku ngyorong Laaza̱rut a̱ si̱ ghwut ma̱ a̱bi ka a̱ni; a̱wot a̱ si̱ bu ta̱ngam guu ma̱ng swuan ma̱ á̱niet ba̱ ka̱n kwi a̱ni; bibya ku yong mi̱ di̱ shei á̱niet ba kpa̱sai tazwa kyang hu nang Yesu ku nyia̱ a̱ni.

Yoona 12:17 Iomraidhean Croise

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 1:32

A̱jawa Yoona si̱ tak kpa̱sai tazwa Yesu, nyia̱, “N ku ndi nang A̱za̱za̱rak Ntswa A̱gwaza chorop a̱ neet Ma A̱gwaza tswazwa a̱ chobai nang a̱bwa a̱ni, a̱ si̱ ba̱ swan da̱ nggu.

Yoona 1:34

N di a̱nia, n tak nyin kpa̱sai nang nggu wa ngyet Nggwon A̱gwaza ka.”

Yoona 11:31

Nang A̱yahudawa ba̱ shya̱ a̱mali ka dundung ma̱ng Ma̱ryamu á̱ byiat gu a̱khwu ka a̱ni, ndi nang gu ndoot ma a̱nggang; ba̱ si̱ ma ndoot ba̱ si̱ khwi ngguu. Ba̱ ku fa nyia̱ a̱ naat ma̱ a̱bi kikya, gu si̱ twei a̱ja.

Yoona 11:42

Neet gbangbang, n za ma ndyen kuzang jen a fwuong nung. A̱wot n hyia̱ á̱si̱ nani da̱nian á̱niet ba̱ yong a̱ji a̱ni, ba̱ ka nwuak a̱chuchuk nang nwan wa nta̱m nung mi̱ swanta hu.”

Yoona 12:9

Nang A̱yahudawa ma̱ a̱di̱di̱t ku nfa̱k nkhang nyia̱ Yesu shya̱ ma̱ a̱keang Ba̱ta̱ni ka a̱ni; ba̱ si̱ ghwut ba̱ si̱ bai, da̱nian ba̱ ka li Yesu wa ma̱nyin gu bah; ba̱ ku chat ba̱ bu ndi Laaza̱rut wa; a̱tyu nang Yesu ku ta̱ngam ma̱ng swuan ma̱ á̱niet ba̱ ka̱n kwi a̱ni.

Yoona 19:35

(Nggu, a̱tyu a̱ li kyang nang á̱ nyia̱ ma̱ng á̱ghyi nggu ba a̱ni, nggu wa hyia̱ a̱lyiat nani. A̱wot a̱mgba̱m kyang hu gu hyia̱ a̱ni, a̱tsatsak a̱lyiat wa. A̱wot nggu ma̱ a̱pyia̱ nggu a̱ lyen nang a̱tsatsak a̱lyiat wa nang nggu ndyiat. A̱wot a̱ lyiat wa da̱nian nyin nyi ka nwuak a̱chuchuk.)

Yoona 21:24

A̱tyu wuni wa yet nggwon ta̱m ka ka̱ shei kpa̱sai a̱chuchuk tazwa a̱mgba̱m nkyang nani a̱ni; a̱ si̱ lyuut naa. Zi̱ lyen nang kyang gu hyia̱ a̱ni, yet a̱tsak a̱lyiat wa za̱m!

Nta̱m A̱yaata̱m 1:22

“Ku bu yet ta hwa, a̱tyu wuni a̱ shya̱ dundung ma̱ng Yesu neet di̱n jen nang Yoona ku nnyia̱ Yesu ba̱ptisman ji, si̱ nat jen nang á̱ ku nkyiak Yesu da̱ a̱vwuo nzi̱t, á̱ nat ndyo Ma A̱gwaza tswazwa ka a̱ni. Kuzang a̱yin nang á̱ na khai ma̱ á̱niet bani, a̱ na mun a̱pyia̱ dundung ma̱ng a̱nzi̱t, a̱ tak ma̱ng á̱ghyang á̱niet nang gu ndi Yesu ma̱ng á̱ghyi di̱n jen nang Yesu ndoot ma̱ á̱niet ba̱ ka̱n kwi a̱ni.”

Nta̱m A̱yaata̱m 5:32

Nzi̱t bya ku li ma̱ng á̱ghyi. Zi̱ si̱ bu yet á̱niet ba, ba̱ shei kyang hu nang A̱gwaza nyia̱ a̱ni; a̱wot ma a̱nia wa, A̱za̱za̱rak Ntswa wu nang A̱gwaza nwuak á̱niet ba ba̱ khwi á̱lyiat nggu na a̱ni.”

Tyai Á̱zanson 1:2

A̱wot Yoona si̱ tak kuzang kyang nang gu li a̱ni, ma̱ cha̱chaat. Ta̱m jini ja yet a̱lyiat A̱gwaza na ma̱ng sheda di̱ nkyang nang Yesu Kristi hyia̱, a̱ si̱ nyia̱ a̱ni.