Yoona 12:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ ba̱ si̱ kin sam a̱kyikyo a̱ka̱kwon tswan. Ba̱ si̱ ghwut á̱ nat ba̱ myim ma̱ng a̱nggu, ba̱ san guu. Ba̱ si̱ kan ta̱ngam nwunwuat hu mi̱ chet nyia̱, “Dyep A̱gwaza! Dyep yet si̱ A̱tyu a̱ chobai mami a̱lyoot A̱gwaza a̱ni! A̱gwaza, gu nang A̱gwam Isi̱rela wu a̱li̱ba̱rka!”

Yoona 12:13 Iomraidhean Croise

Matyu 23:39

Mat a̱nia, n tak ang, nyi bu si̱ mi̱n di nung bah, si̱ nang nyi nyia̱, ‘A̱li̱ba̱rka yet a̱si̱ a̱tyu a̱ chobai mami a̱lyoot tyok A̱tyoli ka a̱ni!’ ”

Matyu 27:42

“A̱ san á̱ghyang á̱niet, a̱wot a̱ si̱ mi̱n san a̱pyia̱ nggu bah! Ma̱ninika, yok A̱gwam Isi̱rela wuni gu chyok da̱ a̱team a̱khwu wu zi̱ ka li, zi̱ sii nwuak fwuo da̱ nggu!

Yoona 1:49

A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 12:14

Yesu ku shya̱ a̱banggwon a̱ka̱za̱nki kya, a̱ si̱ nyeak. Ku si̱ bai ma̱ cha̱chaat ma̱ng kyang hu nang á̱ ku lyuut ma̱ A̱lyiat A̱gwaza na, nyia̱,

Yoona 12:15

“Nyi yok fa̱k a̱wun bah; nyin á̱niet Urusha̱lima! Di A̱gwam nyin wu wa chobai, a̱ nyeak a̱banggwon a̱ka̱za̱nki!”

Yoona 19:15

A̱yahudawa ba si̱ bu koot a̱gugwong mi̱ chet nyia̱, “Á̱ hyat gu! Á̱ kpang gu da̱ a̱team a̱khwu!” Bilatut si̱ lyip ba nyia̱, “Nyi chat n kpang a̱gwam nyin wu da̱ a̱team a̱khwu a?!” Huhwa a̱cha̱chet a̱yaapris ba si̱ nwuak gu shim nyia̱, “Nzi̱t, zi̱ byia̱ a̱gwam a̱ghyang bah; mi̱ Kaisar wa ma̱nyin nggu!”

Tyai Á̱zanson 15:3

A̱wot nang ba̱ bwom a̱bwom Musa ka, a̱khwo A̱gwaza wu, ma̱ng a̱bwom Fi̱ng A̱nfwuk ka nyia̱: “Nwan A̱gwaza, a yet A̱tyoli a̱ byia̱ a̱mgba̱m tyok a̱ni! Nta̱m ang na yet a̱tsotswat wa ma̱ng nkyang a̱ga̱de! A̱gwam a̱mgba̱m nnwap swanta na, nvak ang na yet a̱tsotswat wa!

Tyai Á̱zanson 19:16

Tazwa a̱toot nggu ka da̱ a̱bwan ntak nggu wu, á̱ si̱ ndyuut a̱lyoot tyok kani, “A̱gwam á̱gwam, ma̱ng A̱tyoli a̱yaatyoli!”

Tyai Á̱zanson 7:9

Nang si̱ huni nswak a̱ni, n si̱ kin di a̱gba̱ndang á̱kpa á̱niet, nang á̱ si̱ mi̱n fang a̱ni bah! Ba̱ neet mi̱ kuzang a̱byin, nwap, kwaí, ma̱ng a̱lyem, nang ba̱ yong a̱zaghyi a̱gba̱ndang chuk tyok wu ma̱ng Fi̱ng A̱nfwuk hu. Ba̱ si̱ khwi a̱junjung a̱sai a̱yaatoot. Ba̱ si̱ ba̱ng mbwak ntswan.