Yoona 12:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ Mat kyang hu ku shya̱ Laaza̱rut a̱ni, huhwa si̱ mbyia̱ A̱yahudawa ma̱ a̱di̱di̱t ku ndak khwi a̱yaapris ba, ba̱ si̱ nwuak fwuo di̱ Yesu.

Yoona 12:11 Iomraidhean Croise

Yoona 11:42

Neet gbangbang, n za ma ndyen kuzang jen a fwuong nung. A̱wot n hyia̱ á̱si̱ nani da̱nian á̱niet ba̱ yong a̱ji a̱ni, ba̱ ka nwuak a̱chuchuk nang nwan wa nta̱m nung mi̱ swanta hu.”

Yoona 11:45

Mat a̱nia A̱yahudawa ma̱ a̱di̱di̱t ba̱ ku bai byiat Ma̱ryamu a̱khwu Laaza̱rut ka a̱ni, nang ba̱ ku ndi kyang hu nang Yesu nyia̱ a̱ni, ba̱ si̱ nwuak fwuo da̱ nggu!

Yoona 11:48

Ka̱ zi̱ kai nggu ghwon nang gu nyian nkyang nani, a̱mgba̱m á̱niet ba na nwuak fwuo da̱ nggu! A̱wot A̱romawa ba na bai, ba̱ seang a̱byin nzi̱t ka, mbeang A̱li Nwuat Za̱nang A̱gwaza nzi̱t ka!”

Yoona 12:10

A̱jawa, a̱cha̱chet a̱yaapris ba si̱ la̱p a̱nu nyia̱ ba̱ na hyat Laaza̱rut mameang.

Yoona 12:18

Á̱niet ma̱ a̱di̱di̱t ku nat, ba̱ san Yesu mat ba̱ ku fa̱k nkhang kyang a̱ga̱de nang gu nyia̱ a̱ni.

Yoona 12:42

A̱mgba̱m ma̱ng a̱nia, á̱niet ma̱ a̱di̱di̱t si̱ mun nwuak fwuo di̱ Yesu. Mbeang a̱cha̱chet a̱yaakwak a̱son mba ba, ba̱ ku mun a̱ nwuak fwuo di̱ Yesu. A̱wot mat si̱sak nang ba̱ ku nfwuong a̱wun A̱fa̱risawa ba a̱ni; ba̱ ku ghwut kpa̱sai ba̱ si̱ tak nang ba̱ nnwuak fwuo bah; nyia̱ kalak á̱ vwuong mba á̱ ghwut ndyo ma̱ á̱tutu a̱tung A̱yahudawa ba.

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

Nta̱m A̱yaata̱m 13:45

A̱wot jen nang A̱yahudawa á̱ghyang ndi á̱kpa á̱niet ka a̱ni, ba̱ si̱ nwuo kwi swam. Ba̱ si̱ ta̱bat tyam Bulut. Ba̱ si̱ nwuo ya fwuang di̱ kuzang á̱lyiat nang gu hyia̱ a̱ni.