Yoona 12:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Mam a̱taa nia bwat á̱ nwuo A̱yet Ghwut Mman Isi̱rela mi̱ Khwo hu, Yesu si̱ doot a̱ si̱ nat Ba̱ta̱ni di̱ tyan nang Laaza̱rut nshya̱ a̱ni. Nggu wa yet a̱tyu a̱ ku khwu, á̱ si̱ niat; a̱wot Yesu si̱ shyip gu ma̱ng swuan ma̱ á̱niet ba̱ ka̱n kwi a̱ni.

Yoona 12:1 Iomraidhean Croise

Matyu 21:17

Nang Yesu nghwon a̱cha̱chet a̱yaapris ma̱ng á̱niet tyiet doka ba a̱ni, a̱ si̱ bwuok a̱ nat a̱keang Ba̱ta̱ni, a̱ si̱si̱ kwai a̱ja.

Ma̱rkut 11:11

Nang Yesu ntat Urusha̱lima a̱ni, a̱ si̱si̱ nwuo A̱li Nwuat Za̱nang A̱gwaza. A̱ si̱ nwuan nkyang na a̱ kaat. Nang mam hu nkwa a̱ni, a̱ si̱ ghwon Urusha̱lima. A̱ si̱ bwuok a̱ nat Ba̱ta̱ni ma̱ng mman ta̱m nggu na swak ma̱ a̱feang.

Luka 24:50

A̱jawa Yesu si̱ ghwut mi̱ Urusha̱lima ma̱ng mman ta̱m nggu na. Ba̱ si̱ nyeak á̱ nat fam a̱keang Ba̱ta̱ni. A̱wot a̱ si̱ ta̱ngam mbwak nggu na tswazwa, a̱ si̱ tyia̱ mba a̱li̱ba̱rka.

Luka 7:37

Nang a̱byii̱k nyian a̱ka̱tuk nyia̱ a̱ghyang a̱ shya̱ ma̱ a̱keang a̱kya nfa̱k nang Yesu nshya̱ di̱ ya kyayak a̱mali a̱tyu A̱fa̱risawa ka a̱ni; a̱ si̱ bai ma̱ng a̱sham sha̱p a̱la̱basta, nang ji̱ nhyat ma̱ng a̱myia̱ na̱ byia̱ swam nyinyang, na̱ si̱ yet a̱si̱ kurum ba̱t a̱ni.

Yoona 11:1

A̱tyok a̱ghyang ku nshya̱, á̱ si̱ ngyei nggu Laaza̱rut. A̱ ku swan ma̱ a̱bada̱dei a̱keang nang á̱ ngyei Ba̱ta̱ni a̱ni. A̱ si̱ nyia̱ ma̱ng zwan. Ba̱ta̱ni ku yet a̱keang á̱niet Ma̱ryamu ma̱ng a̱na̱nyiuk nggu wu Ma̱rta.

Yoona 11:43

Nang gu nhyia̱ a̱nia a̱ni, a̱ si̱ kin ta̱ngam a̱nwuat nggu ka mi̱n chet. A̱ si̱ yorong, “Laaza̱rut, ghwut!”

Yoona 11:44

A̱jawa nang a̱tyo a̱ khwu wu si̱ kin ghwut, nang a̱ti̱tak nggu ba ma̱ng bwak na shya̱ di̱ gat ma̱ng kikyak; ma a̱nia wa a̱ghyi nggu ba, a̱ si̱ gat ma̱ng kikyak nang á̱ nniat nkwom na a̱ni. Yesu si̱ nyia̱ ma̱ng a̱mba, “Nyi byii̱k gu ghwon, gu nkat.”

Yoona 11:55

Nang A̱yet Ghwut Mman Isi̱rela mi̱ Khwo wu ku mbai kpa̱mkpaan a̱ni, á̱niet ma̱ a̱di̱di̱t si̱ ghwut á̱ neet ma̱ bachyuang a̱ka̱keang. Ba̱ si̱ nat Urusha̱lima da̱nian ba̱ ka nyia̱ taada kwi vam hu á̱ nfwuong jen Song A̱yet ji.

Yoona 12:12

Da̱ a̱tsotson tat ka, á̱niet ma̱ a̱di̱di̱t ba̱ ku bai song A̱yet Ghwut Mman Isi̱rela mi̱ Khwo hu a̱ni; nang ba̱ ku nfa̱k nyia̱ Yesu shya̱ di̱n vak chobai Urusha̱lima a̱ni;

Yoona 12:20

Mami á̱niet ba̱ ku bai song A̱yet Ghwut Mman Isi̱rela mi̱ Khwo hu, a̱wot ba̱ bu kyuak ntong a̱zaghyi A̱gwaza a̱ni; A̱helenawa ku nshya̱.

Yoona 12:9

Nang A̱yahudawa ma̱ a̱di̱di̱t ku nfa̱k nkhang nyia̱ Yesu shya̱ ma̱ a̱keang Ba̱ta̱ni ka a̱ni; ba̱ si̱ ghwut ba̱ si̱ bai, da̱nian ba̱ ka li Yesu wa ma̱nyin gu bah; ba̱ ku chat ba̱ bu ndi Laaza̱rut wa; a̱tyu nang Yesu ku ta̱ngam ma̱ng swuan ma̱ á̱niet ba̱ ka̱n kwi a̱ni.