Yoona 11:55 - A̠lyiat A̠gwaza na di̠n Tyap: A̠li̠ka̠uli A̠fai

⁵⁵ Nang A̱yet Ghwut Mman Isi̱rela mi̱ Khwo wu ku mbai kpa̱mkpaan a̱ni, á̱niet ma̱ a̱di̱di̱t si̱ ghwut á̱ neet ma̱ bachyuang a̱ka̱keang. Ba̱ si̱ nat Urusha̱lima da̱nian ba̱ ka nyia̱ taada kwi vam hu á̱ nfwuong jen Song A̱yet ji.

Yoona 11:55 Iomraidhean Croise

Matyu 26:1

Nang Yesu ntyak shei a̱mgba̱m á̱lyiat nani a̱ni, a̱ si̱ nyia̱ ma̱ng mman ta̱m nggu na,

Matyu 26:2

“Ma̱nang nyi ndyen a̱ni, á̱ bwat mam feang nia á̱ song A̱yet Ghwut Mman Isi̱rela mi̱ Khwo wu. A̱wot á̱ na bwuk ma̱ng Nggwon A̱tyubishyi, da̱nian á̱ ka kpang nka da̱ a̱team a̱khwu.”

Ma̱rkut 14:1

Nang á̱ mbwat mam feang á̱ song A̱yet Ghwut Mman Isi̱rela mi̱ Khwo, ma̱ng A̱yet ya Burodi Sang Yit a̱ni; a̱cha̱chet a̱yaapris ma̱ng a̱yaagwak tyiet doka si̱ chat a̱wat nang ba̱ na nta̱bat Yesu da̱ bang, ba̱ ka hyat gu a̱ni.

Luka 22:1

Di̱n jen nang A̱yet Ya Burodi Sang Yit mbwat kpa̱mkpaan a̱ni, a̱yet wuni wa nang á̱ ku tsa ma̱ng song A̱yet ghwut Mman Isi̱rela mi̱ Khwo.

Yoona 12:1

Mam a̱taa nia bwat á̱ nwuo A̱yet Ghwut Mman Isi̱rela mi̱ Khwo hu, Yesu si̱ doot a̱ si̱ nat Ba̱ta̱ni di̱ tyan nang Laaza̱rut nshya̱ a̱ni. Nggu wa yet a̱tyu a̱ ku khwu, á̱ si̱ niat; a̱wot Yesu si̱ shyip gu ma̱ng swuan ma̱ á̱niet ba̱ ka̱n kwi a̱ni.

Yoona 13:1

Neet nang jen song A̱yet Ghwut Mman Isi̱rela mi̱ Khwo ji ka̱ mbai bah, Yesu ku mi̱ ndyen nang jen gu na nghwon swanta huni gu bwuok a̱ nat da̱ a̱vwuo A̱tyia̱ nggu. Mat nang Yesu nchat á̱niet nggu ba, ba̱ shya̱ mi̱ swanta hu a̱ni. A̱wot a̱ si̱ bu tak mba tangka̱i a̱jhyem chat nang gu byia̱ da̱nian mba a̱ni.

Yoona 18:28

Ma̱ a̱tsotson a̱tson, ba̱ si̱ ghwut ma̱ng Yesu neet a̱mali Ka̱yafat. Ba̱ si̱ nat ma̱ng a̱nggu ma gwomna A̱romawa. Nang ba̱ si̱ ntat kpa̱mkpaan ma̱ng ma gwomna ka a̱ni, ba̱ si̱ lak nwuo hu nyia̱; kalak ba̱ kyiak á̱pyia̱ mba a̱na̱ndyung á̱ na vwuong ba nat kpa̱mkpaan ma̱ng A̱gwaza a̱ni; a̱wot á̱ bu vwuong ba ya nkyayak A̱yet Ghwut Mman Isi̱rela mi̱ Khwo.

Yoona 2:13

Nang jen song A̱yet Ghwut Mman Isi̱rela mi̱ Khwo ji nshim bai kpa̱mkpaan a̱ni, a̱jawa Yesu si̱ doot a̱ nat Urusha̱lima.

Yoona 2:6

Da̱ a̱vwuo nyeang ka, á̱ ku byia̱ a̱khwot dudong nfang a̱sa̱khwot a̱taa, nang á̱ sak a̱ja; ma̱nang A̱yahudawa ba ka̱n meang ma̱ng ntyei a̱sa̱khwot mi̱ dudong hu á̱ saai da̱nian kwi a̱ti̱tak ma̱ng bwak a̱ni. Huhwa ku mbyia̱ ba̱ si̱ nsak hu a̱ja. Kuzang a̱dong ku kwok li̱la̱n nswak nfeang si̱ nat nswak ntat.

Yoona 5:1

Nang si̱ a̱hwa nswak a̱ni, Yesu si̱ nat Urusha̱lima a̱tuk A̱yet A̱yahudawa a̱ghyang.

Yoona 6:4

A̱wot nang A̱yet Ghwut Mman Isi̱rela mi̱ Khwo wu mbai kpa̱mkpaan a̱ni,

Nta̱m A̱yaata̱m 21:24

Nat ndung ma̱ng a̱mba mami A̱li Nwuat Za̱nang A̱gwaza ka, nyi si̱ kwi a̱na̱ndyung á̱pyia̱ nyin wu a̱zaghyi A̱gwaza. A̱wot a bu tan mba zang nang ba̱ na nkwat á̱pyia̱ mba di̱ taada jini a̱ni. A̱jawa nang konyan na ndyen nang a̱mgba̱m nkhang nang á̱ bwoi tazwa ang a̱ni, na̱ yet a̱ka̱laa nia. A̱wot nwan ma̱ a̱pyia̱ ang, a khwi doká A̱yahudawa ji.

Nta̱m A̱yaata̱m 21:26

Huhwa, da̱ a̱tsotson tat ka, Bulut si̱ nat ma̱ng á̱niet a̱naai a̱bya A̱mali Nwuat Za̱nang A̱gwaza ka. Ba̱ si̱si̱ kwi á̱pyia̱ mba a̱na̱ndyung wu ndung. Mat a̱nia, Bulut si̱ tak kpa̱sai mami á̱niet ka, a̱tuk nang shyishyi mba ji na ntyak, a̱wot á̱ neap za̱nang a̱zaghyi A̱gwaza da̱nian konyan ma̱ a̱mba a̱ni.

Nta̱m A̱yaata̱m 24:18

Jen nang n shya̱ di̱ kwi a̱na̱ndyung A̱mali Nwuat Za̱nang A̱gwaza ka a̱ni; huhwa á̱niet ba̱ bat nung a̱hyiak na a̱ni, si̱ ndi nung. Á̱kpa á̱niet ku shya̱ ndung ma̱ng a̱nung bah. Da̱ nung, n ku ntyia̱ jhya̱ bah.

1 A̱korontiyawa 11:28

Huhwa mbyia̱, ku myim konyan a̱ zop a̱pyia̱ nggu, a̱wot a̱ sii ya burodi wu, a̱wot a̱ bu swuo ma̱ a̱kashyi A̱tyoli Yesu wu.

Yakubu 4:8

Nyi shyei nat kpa̱mkpaan ma̱ng A̱gwaza. Nggu meang, a̱ na shyei a̱ bai kpa̱mkpaan ma̱ng a̱nyin. Nyin á̱niet a̱ka̱tuk nyia̱, nyi swan a̱za̱za̱rak nswat. Nyin á̱niet nyi khwi A̱gwaza ma̱ng nfwuo nfeang a̱ni, nyi jaat a̱mgba̱m nfwuo nyin na na̱ tyia̱ za̱za̱rak.