Yoona 11:54 - A̠lyiat A̠gwaza na di̠n Tyap: A̠li̠ka̠uli A̠fai

⁵⁴ Huhwa si̱ mbyia̱ Yesu si̱ bu chong kpa̱sai ma̱ a̱byin A̱yahudawa ka bah. A̱ si̱ ghwon a̱byin a̱kya, a̱ si̱ nat ma̱ a̱byin ka̱ shya̱ kpa̱mkpaan mi̱ tswa a̱yit a̱ni, A̱ ku si̱ nwuo ma̱ a̱keang nang á̱ ngyei Ifremu a̱ni. A̱jawa gu si̱ nswan dundung ma̱ng mman ta̱m nggu na.

Yoona 11:54 Iomraidhean Croise

Yoona 10:40

A̱wot Yesu si̱ bu bwuok lilyim, a̱ nat ma̱ a̱ma̱nyi fam a̱tak a̱ghyui Urdun, da̱ a̱vwuo nang Yoona ku nnyia̱ á̱niet ba ba̱ptisman ji a̱ni. A̱ si̱si̱ ya nswan a̱ja.

Yoona 18:20

Yesu si̱ nyia̱, “N ku ndyiat kpa̱sai a̱zaghyi konyan. N si̱ bu ngyong mi̱ di̱ tyiet á̱niet ba ma̱ á̱tutu a̱tung, ma̱ng A̱li Nwuat Za̱nang A̱gwaza, nang a̱mgba̱m A̱yahudawa ba ni̱ ntung a̱ni. N ka̱n mak lyiat kyang da̱ bang bah.

Yoona 7:1

Nang si̱ huni nswak a̱ni, Yesu si̱ ya a̱son ma̱ng a̱chyet a̱ kat fam a̱byin Ga̱lili hu. A̱ ku shim a̱ nwuai a̱ chong a̱ kat fam a̱byin Yahudiya hu bah. Mat a̱cha̱chet A̱yahudawa ba ku chat hyat gu.

Yoona 7:10

Nang á̱na̱nyiuk Yesu ba ndoot ba̱ si̱ nat a̱yet wu a̱ni, Yesu mameang, a̱ si̱ doot a̱ si̱ nat a̱yet wu. A̱ ku chong kpa̱sai bah. A̱ ku nat da̱ bang.

Yoona 7:13

A̱mgba̱m ma̱ng a̱nia, á̱ byia̱ a̱tyu á̱ ku lyiat tazwa Yesu kpa̱sai a̱ni bah, mat ba̱ ku fwuong a̱wun a̱cha̱chet A̱yahudawa ba ba̱t.

Yoona 7:4

Ka̱ a̱yin chat a̱ lyen nggu shansham, a̱ si̱ mi̱n niat nkyang nang gu nyia̱ a̱ni bah. Nang a nnyian nkyang nani a̱ni, ku myim a tyia̱ a̱mgba̱m swanta hu ku lyen ang!”