Yoona 11:53 - A̠lyiat A̠gwaza na di̠n Tyap: A̠li̠ka̠uli A̠fai

⁵³ Neet a̱tuk a̱kya, ba̱ si̱ la̱p a̱nu di̱ si̱sak ji nang ba̱ na nhyat Yesu a̱ni.

Yoona 11:53 Iomraidhean Croise

Matyu 12:14

A̱wot A̱fa̱risawa ba si̱ yorong a̱tung, ba̱ si̱ la̱p si̱sak nang ba̱ na nhyat Yesu a̱ni.

Matyu 16:21

Neet di̱n jen a̱ja, Yesu si̱ nwuo shei ma̱ng mman ta̱m nggu na, nang ku ngyet gu ta hwa gu nat Urusha̱lima, a̱ si̱ swuo a̱bung di̱ nkyang ma̱ a̱di̱di̱t mbwak á̱niet khwop á̱niet, a̱cha̱chet a̱yaapris ma̱ng á̱niet tyiet doka. A̱wot á̱ hyat gu, a̱tuk mam tat ka, a̱ doot ma̱ng swuan ma̱ á̱niet ba̱ ka̱n kwi a̱ni.

Matyu 22:46

Á̱ si̱ bu byia̱ a̱tyu a̱ si̱ mi̱n nwuak gu shim a̱ni bah. A̱wot nang si̱ a̱hwa nswak a̱ni, á̱ si̱ bu mbyia̱ a̱tyu a̱ gbang a̱lyia̱, a̱ si̱ tya̱ra̱m nggu di̱ lyip gu kyang a̱ni bah.

Matyu 26:4

Ba̱ si̱ la̱p a̱nu da̱nian ba̱ ka tya̱ra̱m Yesu, ba̱ ta̱bat gu da̱ bang á̱ hyat.

Matyu 26:59

A̱cha̱chet a̱yaapris ba, dundung ma̱ng a̱mgba̱m sot a̱cha̱chet A̱yahudawa ji, ba̱ si̱ nwuo chat sheda á̱niet ba̱ na bat Yesu a̱ka̱laa a̱ni, da̱nian ba̱ ka shya̱ ta̱fwat nang ba̱ na nhyat gu a̱ni.

Ma̱rkut 14:1

Nang á̱ mbwat mam feang á̱ song A̱yet Ghwut Mman Isi̱rela mi̱ Khwo, ma̱ng A̱yet ya Burodi Sang Yit a̱ni; a̱cha̱chet a̱yaapris ma̱ng a̱yaagwak tyiet doka si̱ chat a̱wat nang ba̱ na nta̱bat Yesu da̱ bang, ba̱ ka hyat gu a̱ni.

Ma̱rkut 3:6

Nang A̱fa̱risawa ba ndi a̱nia a̱ni, ba̱ si̱ ghwut á̱ nat ma a̱nggang á̱ si̱ myim ma̱ng sot á̱niet, ba̱ li̱n a̱ma a̱gwam Hiridut a̱ni. Ba̱ si̱ la̱p a̱nu di̱ si̱sak ji ba̱ na nhyat Yesu a̱ni.

Yoona 11:47

Mat a̱nia, a̱cha̱chet a̱yaapris ba mbeang A̱fa̱risawa si̱ yorong a̱gba̱ndang a̱tung sot a̱cha̱chet A̱yahudawa wu. Ba̱ si̱ lyip á̱ghyang mba nyia̱, “Yihwa nang zi̱ na nyia̱ la?! Di, a̱tyu wuni nyian nkyang a̱ga̱de ma̱ a̱di̱di̱t!

Yoona 12:10

A̱jawa, a̱cha̱chet a̱yaapris ba si̱ la̱p a̱nu nyia̱ ba̱ na hyat Laaza̱rut mameang.

Yoona 7:1

Nang si̱ huni nswak a̱ni, Yesu si̱ ya a̱son ma̱ng a̱chyet a̱ kat fam a̱byin Ga̱lili hu. A̱ ku shim a̱ nwuai a̱ chong a̱ kat fam a̱byin Yahudiya hu bah. Mat a̱cha̱chet A̱yahudawa ba ku chat hyat gu.

Nta̱m A̱yaata̱m 5:33

Jen ji nang á̱niet ma̱ a̱gba̱ndang a̱tung sot a̱cha̱chet A̱yahudawa ba nfa̱k a̱nia a̱ni, ba̱ si̱ mwai lyen ba̱t. Ba̱ si̱ chat hyaai a̱yaata̱m Yesu ba.

Nta̱m A̱yaata̱m 9:23

Á̱ si̱ bwuo mam ma̱ a̱da̱dei, A̱yahudawa á̱ghyang si̱ la̱p a̱nu dundung, ba̱ chat ba̱ hyat Sha̱wulu.