Yoona 11:52 - A̠lyiat A̠gwaza na di̠n Tyap: A̠li̠ka̠uli A̠fai

⁵² (A̱wot A̱yahudawa bya ma̱nyin ba Yesu na khwu da̱nian ba bah. A̱ na khwu da̱nian a̱ ka tung a̱mgba̱m á̱niet ba̱ yet mman A̱gwaza na ba̱ kai swanta hu a̱ni, ba̱ ka mun á̱pyia̱ ba̱ yet kyang nyiung.)

Yoona 11:52 Iomraidhean Croise

Luka 15:8

“Ka̱ a̱byii̱k byia̱ tswá kurum swak. A̱wot tswa jhyung ji̱ maai kurum ta̱m mam nyiung a̱ni si̱ bwuk; yihwa gu na nyia̱? Me a̱ na tyia̱ long fi̱tila a̱ ta̱bam a̱ lyang a̱mgba̱m a̱li ka ma̱ shonshyon, a̱ ka shya̱ nji a?

Luka 2:32

A̱ yet long sang ku na sai, ku tyai A̱gwaza kpa̱sai da̱ a̱vwuo Nnwap na̱ nwai yet A̱yahudawa a̱ni. A̱wot nggu wa bu na nwuak á̱niet Isi̱rela ba ba̱ yet á̱niet ang ba a̱ni shi.”

Yoona 1:12

A̱mgba̱m ma̱ng a̱nia, á̱niet ba̱ san guu, ba̱ si̱ nwuak fwuo da̱ nggu a̱ni; á̱ nang ba tyok ma̱ng a̱wat ba̱ yet mman A̱gwaza.

Yoona 1:29

Da̱ a̱tsotson tat ka, Yoona si̱ li Yesu gu chobai da̱ a̱vwuo nggu. A̱jawa gu nyia̱, “Di, Fi̱ng A̱nfwuk nang A̱gwaza neap a̱ni! Nggu wa na chi a̱ka̱tuk nyia̱ á̱niet wu mi̱ swanta hu.

Yoona 10:16

N byia̱ zón seap jhyáng di̱ ji̱ shya̱ ma̱ a̱sorong kani a̱ni bah. Zón seap a̱ja, ku yet ta hwa mbai ma̱ng a̱nji ma̱ a̱sorong kani. Ba̱ na fa̱k a̱nwuat nung ka, ba̱ yet a̱sorong a̱nyiung, a̱tyu chok a̱nyiung.

Yoona 12:32

Jen nang á̱ bye nta̱ngam nung ma̱ng swuan ma̱ á̱niet ba̱ ka̱n kwi a̱ni, n bye nkhwat a̱mgba̱m á̱niet ba bai ndyo da̱ a̱vwuo nung.”

Nta̱m A̱yaata̱m 18:10

Mat n shya̱ dundung ma̱ng a̱nwan. Á̱ mbyia̱ a̱tyu a̱ na kwa da̱ nwan a̱ bwuo ang kun a̱ni bah. Mat, á̱niet ma̱ a̱di̱di̱t ma̱ a̱keang kani, ba̱ yet á̱si̱ nung bya.”

A̱romawa 3:29

Ke A̱gwaza wu yet a̱si̱ A̱yahudawa wa ma̱nyin baa? A̱ mun a̱ yet a̱si̱ Nnwap na̱ nwai yet A̱yahudawa bya a̱ni baa? A̱tsak a̱lyiat, a̱ mun a̱ yet A̱gwaza a̱si̱ Nnwap na̱ nwai yet A̱yahudawa bya a̱ni meang.

A̱romawa 4:17

Si̱ huni nat cha̱chaat ma̱nang A̱gwaza nhyia̱ ma̱ng Ibrahim mami A̱lyiat A̱gwaza na a̱ni, nyia̱, “N wa ka̱n tyia̱ ang a yet a̱tsatsak a̱tyia̱ a̱khwop a̱mgba̱m nnwap ma̱ a̱di̱di̱t.” A̱lyiat nani bai da̱ a̱nu ka, mat Ibrahim nwuak fwuo da̱ A̱gwaza, a̱tyu a̱ tyia̱ á̱niet ba̱ ka̱n kwi si̱ doot ma̱ng swuan a̱ni. A̱wot nggu wa bu mat nkyang nfai, na̱ si̱ ghwut mi̱ kyang na̱ nwai nshya̱ a̱ni.

A̱fisawa 1:5

A̱gwaza ku mi̱ nda̱p a̱ sak a̱ si̱ kyiak zi̱t nang mman nggu na a̱ni. A̱ si̱ bai ma̱ng a̱nzi̱t da̱ a̱vwuo nggu mat mun á̱pyia̱ nzi̱t hu ma̱ng Yesu Kristi. Ta̱m huni hwa gu ku chat a̱ nyia̱, a̱wot a̱ si̱ fa̱k nyinyang hu ba̱t.

A̱fisawa 3:11

A̱gwaza ku nyia̱ si̱ huni cha̱chaat ma̱ng kyang nang gu ku mi̱ nda̱p a̱ sak a̱ni. A̱wot huhwa sii bai da̱ a̱nu ka, mat Kristi Yesu A̱tyoli nzi̱t wu.

Yakubu 1:1

Nung Yakubu, n gyet a̱khwo A̱gwaza ma̱ng A̱tyoli Yesu Kristi a̱ni. N dyuut wusika jini nat ndyo da̱ a̱vwuo kwaí swak ma̱ a̱feang á̱niet Isi̱rela, ba̱ yet á̱niet khwi Yesu ba̱ seang á̱ kai swanta hu a̱ni.

1 Bitut 1:1

Nung Bitut, n gyet a̱ta̱m Yesu Kristi a̱ni, nung gwa n dyuut wusika jini, ji̱ nat da̱ a̱vwuo á̱niet khwi nang A̱gwaza khai ba̱ swan nang á̱nietchen a̱ni, mi̱ nfam bibyin Funtut, Ga̱la̱tiya, Ka̱fa̱dokiya, A̱siya, ma̱ng Bitiniya.

1 Yoona 2:2

Nggu wa yet za̱nang chi a̱ka̱tuk nyia̱ nzi̱t ji; a̱wot a̱ka̱tuk nyia̱ nzi̱t wu wa ma̱nyin nzi̱t bah, a̱wot a̱mgba̱m ma̱ng a̱ka̱tuk nyia̱ á̱niet mi̱ swanta wu wa.

1 Yoona 3:1

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

1 Yoona 3:10

Ma̱ninika, zi̱ lyen si̱sak nang á̱ na nfi̱k á̱tsatsak mman A̱gwaza na a̱ni, ma̱ng á̱si̱ ba ba̱ yet mman A̱ta̱nyeang na a̱ni: Kuzang a̱yin da̱ a̱ nyia̱ tsotswat a̱ni bah, a̱wot a̱ si̱ lak chat á̱niet khwi á̱ghyang a̱ni, a̱tyu a̱wa yet a̱si̱ A̱gwaza wa bah.

1 Yoona 3:2

Á̱kpa̱ndang nung ba nang n chat a̱ni, nang zi̱ ngyet mman A̱gwaza nia ma̱nini a̱ni, ma̱ng a̱nia á̱ ka̱n tyai tangka̱i á̱niet nang zi̱ na yet a̱ni bah. A̱wot zi̱ lyen za̱m nang ka̱ Kristi ba̱ bwuok a̱ bai, zi̱ na tai nggu. Mat zi̱ na li nggu ma̱ cha̱chaat ma̱nang gu ndi a̱ni.

Tyai Á̱zanson 5:9

A̱wot ba̱ si̱ bwom a̱bwom a̱fai nyia̱: “Nwan wa maai a san ta̱ka̱da hu nang á̱ kut di̱n shan ji a̱ni, a bu ghwok a̱yaatimi ba, a̱wot a fang huu! Mat nwan wa á̱ ku faat, a̱wot a̱sok ang nia yet zang a nsan á̱niet da̱nian A̱gwaza a̱ni; á̱niet mi̱ kuzang nwap, a̱lyem, ma̱ng kuzang a̱byin!