Yoona 11:51 - A̠lyiat A̠gwaza na di̠n Tyap: A̠li̠ka̠uli A̠fai

⁵¹ A̱lyiat nani nang Ka̱yafat ku lyiat a̱ni, na̱ ku yet a̱di̱dam a̱pyia̱ nggu wa bah. Kyang hu ku mbyia̱ a̱ni; nang nggu wa ngyet a̱gba̱ndang pris wu ma̱ a̱lyia̱ a̱kya, a̱ ku hyia̱ kyang ku na bai á̱zanson kya a̱ni; nang Yesu na nkhwu da̱nian á̱niet A̱yahudawa a̱ni.

Yoona 11:51 Iomraidhean Croise

Matyu 20:28

Mat, ku Nggwon A̱tyubishyi ka ku bai á̱ nyia̱ nka khwo hwa bah. A̱wot ka̱ ku bai ka̱ ka nyia̱ á̱ghyang á̱niet bya khwo hu, ka̱ bu nwuak swuan nka ji, ji̱ yet zang da̱nian ka̱ ka nsan á̱niet ma̱ a̱di̱di̱t.”

Yoona 10:15

Ma̱nang A̱tyia̱ nung wu ndyen nung a̱ni; nung mameang, n si̱ ndyen A̱tyia̱ nung wu. N shya̱ mi̱ fwuo n khwu da̱nian zón seap nung ji.

Yoona 11:49

A̱jawa nang a̱tyo nyiung ma̱ a̱mba, á̱ ku ngyei nggu Ka̱yafat (nggu wa ku yet a̱gba̱ndang pris wu a̱lyia̱ a̱kya); a̱ si̱ nyia̱ ma̱ng a̱mba, “Nyin, nyi lyen kyang bah za̱m!

Yoona 18:13

Mi̱ di̱ tsa hu ba̱ si̱ ya nnat ma̱ng a̱nggu da̱ a̱vwuo Hanana, a̱ ku yet a̱kwang Ka̱yafat wa. Ka̱yafat mameang, nggu wa ku yet a̱gba̱ndang pris wu ma̱ a̱lyia̱ a̱kya.

1 A̱korontiyawa 13:2

Ma a̱nia wa, ki̱ n byia̱ za̱nang chet shei a̱lyiat A̱gwaza, n si̱ bu nfi̱k a̱mgba̱m nkyang nang A̱gwaza la̱p a̱ sak di̱ niat a̱ni; a̱wot n si̱ mbyia̱ a̱mgba̱m mumwang, n si̱ bu nwuak a̱chuchuk ba̱t nang n na nshya̱i a̱ka̱fan a̱ni; a̱wot da̱nang n chat a̱yin bah, n gyet kyang bah.

2 A̱korontiyawa 5:21

Mat A̱gwaza tyia̱ Kristi, a̱ ka̱ nwai nyia̱ a̱ka̱tuk nyia̱ a̱ni, gu yet za̱nang a̱ka̱tuk nyia̱ nzi̱t. Da̱nian A̱gwaza a̱ ka tak kpa̱sai nang gu nkyiak nzi̱t á̱tsotswat á̱niet sang a̱bun a̱zaghyi nggu, di̱n vak Kristi.

A̱ga̱la̱tiyawa 3:13

A̱wot Kristi wa tyia̱ zi̱ si̱ shot shyishyi a̱khwu nang doka ji shei a̱ni. Di̱n jen nang á̱ ku kpang Yesu á̱ si̱ lya̱u nggu da̱ a̱team a̱khwu wu a̱ni; a̱ si̱ kyiak shyishyi a̱khwu a̱ka̱tuk nyia̱ nzi̱t wu a̱ sak a̱pyia̱ nggu. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Konyan wa nang á̱ lya̱u ka̱tsak da̱ a̱kwon, ku tak nang shyishyi a̱khwu A̱gwaza ja ya nggu a̱ni.”

1 Bitut 2:24

Nggu ma̱ a̱pyia̱ nggu, ku kyiak a̱ka̱tuk nyia̱ nzi̱t wu mi̱ vam nggu hu da̱ a̱team a̱khwu; da̱nian zi̱ ka yet nkwom di̱ nyia̱ a̱ka̱tuk nyia̱, a̱wot zi̱ yet a̱chet di̱ nyia̱ a̱tsotswat nta̱m. Mat a̱fi̱fa̱t gu bibya, nang á̱ nchoot nyin.

1 Bitut 3:18

A̱tsak a̱lyiat, Yesu ma̱ a̱pyia̱ nggu ku swuo a̱bung da̱ a̱ka̱nyiung mat a̱ka̱tuk nyia̱ nzi̱t wu. A̱wot a̱ bu na swuo a̱bung bah. A̱ ku yet a̱tsotswat wa. A̱wot a̱ si̱ khwu da̱nian á̱niet a̱ka̱tuk nyia̱, gu ka neap zi̱t a̱za̱za̱rak a̱zaghyi A̱gwaza. Á̱ ku hyat gu mi̱ vam hwa. A̱wot á̱ si̱ ta̱ngam gu ma̱ng swuan mami A̱za̱za̱rak Ntswa.

1 Yoona 2:2

Nggu wa yet za̱nang chi a̱ka̱tuk nyia̱ nzi̱t ji; a̱wot a̱ka̱tuk nyia̱ nzi̱t wu wa ma̱nyin nzi̱t bah, a̱wot a̱mgba̱m ma̱ng a̱ka̱tuk nyia̱ á̱niet mi̱ swanta wu wa.