Yoona 11:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Yesu ku fa̱k da̱ Ma̱rta ba̱t mbeang a̱na̱nyiuk nggu wu Ma̱ryamu ma̱ng Laaza̱rut.

Yoona 11:5 Iomraidhean Croise

Luka 10:38

Nang Yesu ma̱ng mman ta̱m nggu na ngya a̱son ma̱ng a̱chyet naat Urusha̱lima a̱ni; ba̱ si̱si̱ nwuo ma̱ a̱bakeang a̱ghyang nang a̱byii̱k a̱ghyang nshya̱ a̱ni. Á̱ ngyei nggu Ma̱rta. A̱ si̱ san nggu mbwak nfeang a̱mali nggu ka.

Luka 10:40

A̱wot Ma̱rta, mat a̱gba̱ndang nkyayak á̱nietchen wu nang gu wan a̱ni, na̱ si̱ khwat fwuo nggu hu. A̱ si̱ bai da̱ a̱vwuo Yesu, a̱ si̱ nyia̱ ma̱ng a̱nggu, “A̱tyoli, ku yet a̱sham nang a̱na̱nyiuk nung wu nghwon nung, nang n nyia̱ ta̱m wan kyayak hu ma̱nyin nung a? Ma̱sa̱kut, hyia̱ ma̱ng a̱nggu a̱ bai a̱ beang nung!”

Luka 10:41

A̱wot A̱tyoli Yesu si̱ nyia̱ ma̱ng a̱nggu, “Ma̱rta, Ma̱rta! A byia̱ a̱fi̱fa, a si̱ dam tazwa nkyang ma̱ a̱di̱di̱t mi̱ fwuo ang hu.

Yoona 11:1

A̱tyok a̱ghyang ku nshya̱, á̱ si̱ ngyei nggu Laaza̱rut. A̱ ku swan ma̱ a̱bada̱dei a̱keang nang á̱ ngyei Ba̱ta̱ni a̱ni. A̱ si̱ nyia̱ ma̱ng zwan. Ba̱ta̱ni ku yet a̱keang á̱niet Ma̱ryamu ma̱ng a̱na̱nyiuk nggu wu Ma̱rta.

Yoona 11:3

Á̱na̱nyiuk a̱nap Laaza̱rut ba si̱ ta̱m da̱ a̱vwuo Yesu nyia̱, “A̱tyoli, a̱kpa̱ndang nang a fa̱k da̱ nggu a̱ni, a̱ fa̱k nyinyang bah.”

Yoona 11:36

Huhwa si̱ mbyia̱ A̱yahudawa ba si̱ nyia̱, “Nyi li si̱sak ji nang gu nchat gu a̱ni!”

Yoona 11:6

A̱mgba̱m ma̱ng a̱nia, nang Yesu nfa̱k nkhang zwan Laaza̱rut na a̱ni, a̱ si̱ mbeang mam feang di̱ tyan nang nggu nshya̱ a̱ni.

Yoona 11:8

Mman ta̱m nggu na si̱ nyia̱, “A̱tyu tyiet, á̱ ka̱n dabeang bah, mi̱ mam nani nia nang a̱cha̱chet A̱yahudawa ba nchat ba̱ mang ang ma̱ng nfang. Huhwa a bu chat zi̱ bwuok nat a̱ja a?”

Yoona 16:27

“Nggu A̱tyia̱ wu fa̱k da̱ nyin ma̱ a̱pyia̱ nggu, mat si̱sak nang nyi nfa̱k da̱ nung a̱ni, a̱wot nyi si̱ bu nwuak a̱chuchuk nang n neet da̱ a̱vwuo gu kya.

Yoona 17:26

N si̱ ntyai mba si̱sak ji nang za̱kwa ang ji ndi a̱ni. A̱wot n bu na ngya a̱son ma̱ng tyai mba ndyo hu. Da̱nian mba, ba̱ ma nshya̱ tangka̱i chat nang a tak nung a̱ni; nung mameang, n swan dundung ma̱ng a̱mba.”