Yoona 11:49 - A̠lyiat A̠gwaza na di̠n Tyap: A̠li̠ka̠uli A̠fai

⁴⁹ A̱jawa nang a̱tyo nyiung ma̱ a̱mba, á̱ ku ngyei nggu Ka̱yafat (nggu wa ku yet a̱gba̱ndang pris wu a̱lyia̱ a̱kya); a̱ si̱ nyia̱ ma̱ng a̱mba, “Nyin, nyi lyen kyang bah za̱m!

Yoona 11:49 Iomraidhean Croise

Matyu 26:3

Di̱n jen a̱ja a̱cha̱chet a̱yaapris ma̱ng á̱niet khwop á̱niet si̱ tung mi̱ gaat a̱gba̱ndang pris, a̱tyu nang á̱ ku ngyei Ka̱yafat a̱ni.

Luka 3:2

Di̱n jen a̱ja ja nang Hanana ma̱ng Ka̱yafat, bibya yet a̱cha̱chet a̱yaapris ba. A̱gwaza si̱ ta̱m ma̱ng a̱lyiat nggu na da̱ a̱vwuo Yoona, a̱fai Za̱ka̱riya, nang gu swan mi̱ ntswa a̱yit.

Yoona 11:51

A̱lyiat nani nang Ka̱yafat ku lyiat a̱ni, na̱ ku yet a̱di̱dam a̱pyia̱ nggu wa bah. Kyang hu ku mbyia̱ a̱ni; nang nggu wa ngyet a̱gba̱ndang pris wu ma̱ a̱lyia̱ a̱kya, a̱ ku hyia̱ kyang ku na bai á̱zanson kya a̱ni; nang Yesu na nkhwu da̱nian á̱niet A̱yahudawa a̱ni.

Nta̱m A̱yaata̱m 4:6

Ba̱ si̱si̱ shya̱ Hanana, a̱ ku yet a̱gba̱ndang pris wu a̱ni, dundung ma̱ng Ka̱yafat, Yoona, ma̱ng A̱liza̱nda, mbeang á̱kum á̱niet ka ba̱ neet mi̱ kwai a̱gba̱ndang pris ji a̱ni.

1 A̱korontiyawa 1:20

A̱tyu mumwang wu shya̱ a̱ji wa? A̱yaagwak tyiet doka ba shya̱ a̱ji wa? Á̱niet ba̱ fa ba̱ lyen kuzang kyang mi̱ jen a̱fwun ji a̱ni, shya̱ a̱ji wa? A̱gwaza tyia̱ mumwang swanta huni li nang bwuon hwa a̱ni.

1 A̱korontiyawa 2:6

A̱mgba̱m ma̱ng a̱nia, jen nang n shya̱ ma̱ á̱niet ba̱ ka̱n tyia̱ chet mi̱ khwi hu a̱ni, n ni̱ ndyiat swáng a̱lyiat mumwang; a̱wot tangka̱i mumwang ku yet si̱ swanta huni hwa, ku mumwang á̱niet ba̱ nyia̱ tyok swanta huni hwa a̱ni bah, mat ba̱ na kwi á̱ bwung ba di̱ a̱bada̱dei njen.