Yoona 11:48 - A̠lyiat A̠gwaza na di̠n Tyap: A̠li̠ka̠uli A̠fai

⁴⁸ Ka̱ zi̱ kai nggu ghwon nang gu nyian nkyang nani, a̱mgba̱m á̱niet ba na nwuak fwuo da̱ nggu! A̱wot A̱romawa ba na bai, ba̱ seang a̱byin nzi̱t ka, mbeang A̱li Nwuat Za̱nang A̱gwaza nzi̱t ka!”

Yoona 11:48 Iomraidhean Croise

Matyu 22:7

“A̱gwam wu si̱ fa̱k a̱lyia̱ ya ba̱t. A̱ si̱ ta̱m á̱niet nzwang nggu ba, ba̱ nat ba̱ hyaai á̱niet ba̱ hyaai á̱khwo nggu ba a̱ni. A̱wot ba̱ fwui a̱keang mba ka.

Matyu 22:9

Ma̱ninika, nyi kai a̱yaaga̱sat nvak ba. Konyan wa nang nyi shya̱, nyi tak ma̱ng a̱nggu gu bai song nyeang ji.’

Matyu 24:15

“Mat a̱nia, jen chobai nang nyi na ndi kyang nang Daniyet, a̱ta̱m a̱kwonu A̱gwaza gbangbang ku shei á̱zanson a̱ni. Nyi na li a̱shi̱shi̱k nkyang nang á̱ sak ma̱ A̱za̱za̱rak A̱vwuo, a̱ tyei A̱li Nwuat Za̱nang A̱gwaza ka a̱na̱ndyung, a̱ si̱ tyia̱ á̱ si̱ kam nka á̱ ghwon a̱ni.” (A̱tyu a̱ fang a̱lyiat nani a̱ni, yok gu fi̱k!)

Matyu 27:25

A̱mgba̱m á̱kpa á̱niet ka si̱ nwuak shim nyia̱, “Yok, á̱ ba̱ng nzi̱t ma̱ng mman nzi̱t na tazwa a̱khwu nggu ka!”

Luka 11:52

“Ku swan nyin a̱yaagwak lyen doka A̱gwaza! Mat nyi ni̱ fwun á̱niet ba vak hu nang ba̱ na ndyen, a̱wot ba̱ shya̱ nwuo mi̱ Tyok A̱gwaza hu a̱ni. Nyin ma̱ á̱pyia̱ nyin, nyi nwuo bah. A̱wot da̱ nyin nyi ghwon á̱ghyang á̱niet ba̱ chat nwuo hu a̱ni, si̱ nwuo bah!”

Luka 8:12

Gak hu nang zwá yak ji nkwa̱i a̱ni, huhwa yet kidee nfwuo á̱niet ba̱ fa̱k a̱lyiat A̱gwaza na a̱ni. A̱wot A̱ta̱nyeang ka si̱ bai, ka̱ si̱ ta̱wap A̱lyiat A̱gwaza na nang á̱ nai mi̱ nfwuo mba na a̱ni. Kalak ba̱ du nwuak a̱chuchuk ba̱ shya̱ san.

Yoona 1:7

Nggu wa ku bai tak ta̱m ji kpa̱sai tazwa sai A̱gwaza hu. Da̱nian á̱niet ba ba̱ ka fa̱k, ba̱ nwuak a̱chuchuk di̱ sai hu.

Nta̱m A̱yaata̱m 5:28

“Wa ngyei zi̱ ku khwat nyin a̱fufwuo nyia̱ di̱ nyi yok tyiet tazwa a̱tyu wuni baa?! A̱wot da̱ a̱kwonu a̱kya, nyi tyia̱ a̱mgba̱m á̱niet ba mi̱ Urusha̱lima ba̱ fa̱k tyiet nyin hu! A̱wot zi̱ bya nang nyi chat bat zi̱t jat a̱khwu nggu ji!”