Yoona 11:47 - A̠lyiat A̠gwaza na di̠n Tyap: A̠li̠ka̠uli A̠fai

⁴⁷ Mat a̱nia, a̱cha̱chet a̱yaapris ba mbeang A̱fa̱risawa si̱ yorong a̱gba̱ndang a̱tung sot a̱cha̱chet A̱yahudawa wu. Ba̱ si̱ lyip á̱ghyang mba nyia̱, “Yihwa nang zi̱ na nyia̱ la?! Di, a̱tyu wuni nyian nkyang a̱ga̱de ma̱ a̱di̱di̱t!

Yoona 11:47 Iomraidhean Croise

Matyu 26:3

Di̱n jen a̱ja a̱cha̱chet a̱yaapris ma̱ng á̱niet khwop á̱niet si̱ tung mi̱ gaat a̱gba̱ndang pris, a̱tyu nang á̱ ku ngyei Ka̱yafat a̱ni.

Matyu 5:22

A̱wot n bu mbeang shei nyin hu. Ku nang a̱yin mwai lyen ma̱ng a̱ghyang nggu, á̱ na nyia̱ gu shi̱ri̱ya. A̱wot konyan wa yorong a̱yin ‘A̱pa̱mpang a̱yin,’ á̱ na tyia̱ gu mbwak a̱cha̱chet á̱niet shi̱ri̱ya! A̱wot konyan wa shyi a̱yin, nyia̱, ‘A yet a̱bwuon!’, a̱ shya̱ kpa̱mkpaan mi̱ swuo a̱bung ma̱ a̱nga̱ngak ndong sang sangba̱p.

Ma̱rkut 14:1

Nang á̱ mbwat mam feang á̱ song A̱yet Ghwut Mman Isi̱rela mi̱ Khwo, ma̱ng A̱yet ya Burodi Sang Yit a̱ni; a̱cha̱chet a̱yaapris ma̱ng a̱yaagwak tyiet doka si̱ chat a̱wat nang ba̱ na nta̱bat Yesu da̱ bang, ba̱ ka hyat gu a̱ni.

Luka 22:2

A̱cha̱chet a̱yaapris ma̱ng á̱niet tyiet doka A̱gwaza ba, si̱ ta̱bat vwuoi a̱ka̱shuk di̱ si̱sak nang ba̱ na nhyat Yesu a̱ni. A̱wot ba̱ si̱ lyin vak nang ba̱ na nta̱bat gu mami á̱kpa á̱niet ka a̱ni. Mat ba̱ fwuong a̱wun kyang hu nang á̱kpa á̱niet ka na nyia̱ a̱ni.

Yoona 11:57

Mat nang a̱gba̱ndang pris wu ma̱ng A̱fa̱risawa ba ku mi̱ nnwuak doka nyia̱; konyan wa lyen a̱vwuo ka nang Yesu nshya̱ a̱ni, gu bai a̱ hyia̱, da̱nian ba̱ ka ta̱bat guu.

Yoona 12:19

A̱jawa A̱fa̱risawa ba si̱ lyiat ma̱ng á̱ghyang mba nyia̱, “Nyi nwuan nyi lii, zi̱ si̱ mi̱n mak swuo chet a̱tyu wuni bah! A̱ swak chet zi̱t ba̱t. Nyi li si̱sak nang swanta hu ntyong a̱ khwi nggu a̱ni!”

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 6:2

Á̱kpa á̱niet si̱ khwi nggu, mat ba̱ ku li a̱cha̱chet nkyang a̱ga̱de nang gu ku nyia̱ di̱ choot á̱niet nzwán ba a̱ni.

Yoona 7:32

Nang A̱fa̱risawa ba ku nfa̱k nang á̱kpa á̱niet ka chyuang tazwa Yesu a̱ni; a̱jawa mba ma̱ng a̱cha̱chet a̱yaapris ba, ba̱ si̱ ta̱m á̱niet chok A̱li Nwuat Za̱nang A̱gwaza ba, ba̱ ka ta̱bat guu.

Yoona 7:45

A̱jawa á̱niet chok A̱li Nwuat Za̱nang A̱gwaza ba si̱ bwuok mbwak nkhwot, á̱ nat da̱ a̱vwuo a̱cha̱chet a̱yaapris ma̱ng A̱fa̱risawa ba. Mba mameang, ba̱ si̱ lyip ba nyia̱, “Yihwa mbyia̱ nang nyi nwai mbai ma̱ng a̱nggu hu?”

Nta̱m A̱yaata̱m 5:21

Da̱ a̱tsotson tat ka, a̱yaata̱m ba si̱ nat A̱mali Nwuat Za̱nang A̱gwaza ka; ma̱nang á̱ ku ntak mba a̱ni. A̱wot ba̱ si̱ kin nwuo tyiet á̱niet ba. Jen ji nang a̱gba̱ndang pris wu ma̱ng á̱kpa̱ndang ta̱m nggu ba mbai a̱ni, ba̱ si̱ yorong a̱gba̱ndang a̱tung sot a̱cha̱chet A̱yahudawa ba. A̱jawa ba̱ si̱ ta̱m mi̱ jaru ji, á̱ bai ma̱ng a̱yaata̱m Yesu ba, da̱nian á̱ ka nyia̱ mba shi̱ri̱ya.

Nta̱m A̱yaata̱m 5:24

Jen nang a̱kwak a̱son á̱niet chok A̱li Nwuat Za̱nang A̱gwaza wu, mbeang a̱cha̱chet a̱yaapris ba nfa̱k a̱nia a̱ni; ba̱ si̱ tyia̱ ma̱ a̱tai. Ba̱ si̱ byia̱ a̱fi̱fa di̱ si̱sak ji á̱ na ntyak a̱ni.