Yoona 11:43 - A̠lyiat A̠gwaza na di̠n Tyap: A̠li̠ka̠uli A̠fai

⁴³ Nang gu nhyia̱ a̱nia a̱ni, a̱ si̱ kin ta̱ngam a̱nwuat nggu ka mi̱n chet. A̱ si̱ yorong, “Laaza̱rut, ghwut!”

Yoona 11:43 Iomraidhean Croise

Ma̱rkut 4:41

Ba̱ si̱ fa̱k a̱wun ba̱t. Ba̱ si̱ nwuo lyi̱ri̱m á̱ghyang mba nyia̱, “A̱nyan wa lili huni? Hat nang wun ma̱ng ywan a̱sa̱khwot nfwuong khai nggu hu!”

Yoona 11:42

Neet gbangbang, n za ma ndyen kuzang jen a fwuong nung. A̱wot n hyia̱ á̱si̱ nani da̱nian á̱niet ba̱ yong a̱ji a̱ni, ba̱ ka nwuak a̱chuchuk nang nwan wa nta̱m nung mi̱ swanta hu.”

Yoona 11:44

A̱jawa nang a̱tyo a̱ khwu wu si̱ kin ghwut, nang a̱ti̱tak nggu ba ma̱ng bwak na shya̱ di̱ gat ma̱ng kikyak; ma a̱nia wa a̱ghyi nggu ba, a̱ si̱ gat ma̱ng kikyak nang á̱ nniat nkwom na a̱ni. Yesu si̱ nyia̱ ma̱ng a̱mba, “Nyi byii̱k gu ghwon, gu nkat.”

Yoona 12:1

Mam a̱taa nia bwat á̱ nwuo A̱yet Ghwut Mman Isi̱rela mi̱ Khwo hu, Yesu si̱ doot a̱ si̱ nat Ba̱ta̱ni di̱ tyan nang Laaza̱rut nshya̱ a̱ni. Nggu wa yet a̱tyu a̱ ku khwu, á̱ si̱ niat; a̱wot Yesu si̱ shyip gu ma̱ng swuan ma̱ á̱niet ba̱ ka̱n kwi a̱ni.

Yoona 12:9

Nang A̱yahudawa ma̱ a̱di̱di̱t ku nfa̱k nkhang nyia̱ Yesu shya̱ ma̱ a̱keang Ba̱ta̱ni ka a̱ni; ba̱ si̱ ghwut ba̱ si̱ bai, da̱nian ba̱ ka li Yesu wa ma̱nyin gu bah; ba̱ ku chat ba̱ bu ndi Laaza̱rut wa; a̱tyu nang Yesu ku ta̱ngam ma̱ng swuan ma̱ á̱niet ba̱ ka̱n kwi a̱ni.

Nta̱m A̱yaata̱m 3:12

Nang Bitut nfi̱k nang gu nshya̱ a̱wat a̱ lyiat a̱ni, a̱ si̱ nyia̱ ma̱ng á̱niet ba, “Á̱tyok Isi̱rela, yihwa mbyia̱ nang choot a̱tyu huni ngyet nyin kyang a̱ga̱de hu? Yihwa mbyia̱ nang nyi nsak zi̱t á̱ghyi a̱nia? Nyi ngyei chet á̱pyia̱ nzi̱t hwa ku khwi A̱gwaza nzi̱t hwa mbyia̱ nang a̱ta̱luk a̱ti̱tak wuni nchong a?

Nta̱m A̱yaata̱m 3:6

A̱wot Bitut si̱ nyia̱ ma̱ng a̱nggu, “N byia̱ kurum zi̱nariya ku a̱zurfa nang n na nang ang a̱ni bah. A̱mgba̱m ma̱ng a̱nia, kyang hu n byia̱ a̱ni; huhwa n na nang ang. Mami chet a̱lyoot Yesu Kristi A̱tyu Na̱za̱ra̱t, [[doot]] a chong!”

Nta̱m A̱yaata̱m 9:34

Huhwa Bitut si̱ nyia̱ ma̱ng a̱nggu, “Iniyat, Yesu Kristi choot ang! Doot, a kuut a̱kpang myia̱ ang wu!” A̱wot mi̱ di̱ yong a̱hwa, a̱ si̱ kin choot!

Nta̱m A̱yaata̱m 9:40

A̱wot Bitut si̱ tyia̱ a̱mgba̱m mba ba̱ si̱ ghwut á̱ nat nta. A̱jawa gu si̱ nkpaat a̱khwukhwut a̱byin. A̱ si̱ naai A̱gwaza. Nang gu mbwuak a̱ si̱ nwuan kwom hu a̱ni, a̱ si̱ yorong, “Ta̱bita, doot!” A̱wot Ta̱bita si̱ kin khwuk á̱ghyi nggu ba! Jen nang gu ndi Bitut a̱ni, a̱ si̱ doot a̱ swan ka̱tsak!